Коњановски: Го враќаме сјајот на старото градско јадро во Битола - Канал 5

Македонија

Коњановски: Го враќаме сјајот на старото градско јадро во Битола

На денешната седница на Советот на Општина Битола свое обраќање имаше градоначалникот на Битола Тони Коњановски.

Коњановски: Го враќаме сјајот на старото градско јадро во Битола

Во продолжение интегрално го објавуваме неговиот говор.

„Како Општина сериозно и темелно ги решаваме проблемите во градот. Еден од нив беше и урбаната опрема ( се мисли на просторот пред кафе баровите), дали да ја има и во која форма. Да, ќе ја има и натаму но, сега на пример пиењето кафе ќе бида како во западноевропските градови. Таму ни се допаѓа како е тоа решено, тоа без исклучок сите го кажуваат, затоа Европа треба да ја донесеме и тука. И не е само кафето на Широк сокак. Решенија нудиме и за другите јавни простори имајќи предвид дека старото градско јадро има свои правила, кои произлегуваат од законите на Управата за заштита на културно наследство, ингеренциите на музејот и одлуките кои ги носи Советот.

Дозволете ми да се осврнам на еден значаен документ кој денеска се наоѓа на оваа 8-ма седница.

А, тоа е програмата за поставување на урбана опрема на јавни површини на подрачјето на Општина Битола.

Стручната фела повеќе месеци работеше на оваа програма, се со цел да се има еден стратешки документ околу поставувањето на урбаната опрема, која не го опфаќа само просторот пред угостителските објекти туку таа ги решава сите места, односно јавни површини во нашата општина.

Под поимот урбана опрема подразбираме и билборди и киосци во централното градско подрачје, клупи, канделабри, детски паркови со реквизити и други елементи.

И секако со овој документ, веќе нема да се случува како досега два пати годишно да се носи измена на програмата, која е стара скоро 10 години. Сега имаме решение и за она што најмногу беше присутно во јавноста, а што претходниот состав на Советот не успеа да го донесе, но го започна, а тоа е урбаната опрема и пред локалите на битолски Широк сокак.

Организирани беа неколку средби со стручната фела, здружението на угостители од Битола, заинтересирани правни и физички лица и на крајот се дојде до овој документ, кој во предвид зеде дел од забелешките, мислењата на заинтересираните и пред се барањата на граѓаните.

Ова ќе значи, а и тие беа согласни дека не беше убава слика на најамбиенталната улица во Битола, дека нема да има оградување како што тоа беше досега во зимскиот период, а истото се однесува и за сите останати делови од градот кои се на јавна или приватна површина односно земјиште за општа употреба.

Се отстрануваат исто така и сите киосци во централното градско подрачје , кое е заштитена зона како старо градско јадро, а во изминатиот период беа отстранети и билбордите во центарот на Битола.

Сето ова се прави со цел Битола да наликува на европска град, урбан и модерен град како што тоа го гледаме кога патуваме во странство, притоа слушајќи ги апелите на граѓаните во изминатите четири години.

Исто така многу важен документ за кој денеска ќе расправате е и Одлуката за поставување урбана опрема-тезги и трицикли на подрачјето на општина Битола ( градскиот парк и шеталиштето), како и одлуката за утврдување на почетна цена за давање под закуп на микролокации предвидени за поставување на тезги и трицикли.

Сето ова ќе даде решение, односно организираност на сите елементи на јавните површини, со цел поубав и функционален простор“, рече Коњановски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Видео: Неверојатна тепачка во НХЛ

Натпреварот помеѓу Винипег Џетс и Флорида Пантерс понуди вистински хокеарски спектакл, но главна атракција беше жестокиот судир меѓу „тешкашите“ Тајрел Бауер и Бокондџи Имама.

Видео: Неверојатна тепачка во НХЛ

Двајцата исклучително силни играчи ги фрлија ракавиците уште на самиот почеток од првата третина, приредувајќи им на гледачите неверојатна тепачка која траеше повеќе од една минута.

Во физичката пресметка хокеарите разменија на тешки удари, овој нивни судир секако ќе биде сериозен кандидат за титулата „најдолга и највозбудлива тепачка“ во досегашниот тек од сезоната во НХЛ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хамнеи ја зголеми борбената готовност: Иран се подготвува за можен нов судир

Врховниот лидер на Иран, Моџтаба Хамнеи, им нареди на воените команданти да ги ажурираат своите листи со цели и да ја подобрат одбраната, со порака веднаш и ефикасно да одговорат на секоја закана.

Хамнеи ја зголеми борбената готовност: Иран се подготвува за можен нов судир

За време на состанокот со високи воени команданти, Хамнеи нагласи дека високото ниво на борбена готовност за силен одговор кон противниците е еден од клучните предуслови за постигнување максимално одвраќање.

„Доколку непријателите повторно извршат воени или терористички напади, вооружените сили на Исламската Република и иранскиот народ ќе ги одредат времето и условите за нивниот крај“, изјави Хамнеи, според иранската новинска агенција ИРНА.

Според него, ажурирањето на списокот со цели треба да овозможи различни материјални и нематеријални ресурси на Соединетите Американски Држави и Израел да бидат во дофат на иранските вооружени сили.

Хамнеи, исто така, укажал на потребата од зајакнување на воено-разузнавачката инфраструктура, подобрување на одбранбените и безбедносните капацитети преку примена на нови технологии, како и развој на домашните воени капацитети во однос на доктрината и тактиката.

Зборувајќи за состојбата во регионот, тој ја пофалил, како што се наведува, истрајноста на „фронтот на отпорот“ во различни земји, оценувајќи дека единството на неговите членови има стратешко значење за обликување на нов политички и безбедносен поредок во Западна Азија.

Пораките на Хамнеи доаѓаат во време на зголемени тензии меѓу Вашингтон и Техеран, придружени со постојани закани од страна на САД за можни нови воени напади по изборите за американскиот Конгрес на 3 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади.

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади врз енергетската инфраструктура.

Зеленски на платформата „Икс“ (X) наведе дека во текот на ноќта руски беспилотни летала ја погодиле термоелектраната во Киев, четири електрични потстаници во Днипропетровската област и термоелектраната во Шостка. Според него, цел на нападот била и железничката инфраструктура во Днипро и Харков, како и еден дистрибутивен објект во Днипропетровската област.

Екипи за поправка работат на отстранување на последиците од нападот и на воспоставување на снабдувањето со електрична енергија, рече Зеленски. Истовремено, тој ја повика меѓународната заедница да ѝ пружи дополнителна поддршка на Украина, предупредувајќи на опасноста од понатамошно проширување на руската ескалација во Европа. Тој побара нови пакети помош за Украина и воведување дополнителни санкции против Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер