Конгресот на САД побара мерки против банкарскиот сектор на Хонгконг - Канал 5

Свет

Конгресот на САД побара мерки против банкарскиот сектор на Хонгконг

Конгресот на САД побара мерки против банкарскиот сектор на Хонгконг поради неговата улога во одбегнување на санкциите против Русија.

Конгресот на САД побара мерки против банкарскиот сектор на Хонгконг

Американски конгресмени разгледуваат мерки против банкарскиот сектор на Хонгконг бидејќи кинеската автономија станува центар за финансиски криминал, особено поврзан со заобиколување на американските санкции, вклучително и против Русија.

Тие го повикаа Министерството за финансии да ги преиспита тесните банкарски односи меѓу Хонгконг и САД.

Хонглонг се претвори во голем центар за извоз на забранети западни технологии во Русија, за регистрација на фиктивни компании за купување иранска нафта, за управување со „бродови-духови“ во служба на Северна Кореја, како и други прекршувања на мерките за контрола на извозот на САД.

Ова се наведува во писмото од Специјалниот комитет на Претставничкиот дом за прашања поврзани со Комунистичката партија на Кина, испратено до министерот за финансии Џенет Јелен. За писмото денеска објави „Волстрит џурнал“.

Авторите, претседателот на комитетот републиканецот Џон Муленар и демократот Раџа Кришнамурти, истакнуваат: „Хонгконг се претвори од доверлив глобален финансиски центар во клучен играч на авторитарната оска што ја сочинуваат Народна Република Кина, Иран, Русија и Северна Кореја. Затоа, треба да се постави прашањето дали е соодветно да продолжиме со долгогодишната политика на САД кон Хонгконг, особено во однос на неговиот финансиски и банкарски сектор.“

Конгресмените, исто така, се повикаа на истражување според кое речиси 40 отсто од стоките што биле испорачани од Хонгконг во Русија во 2023 година биле предмет на американските извозни ограничувања. Меѓу нив се и полупроводници кои Русија може да ги користи за производство на оружје употребено во војната против Украина.

Повеќе истражувања фрлаат светлина врз улогата на Хонгконг во заобиколувањето на антируските санкции. На пример, јапонското издание Nikkei Asia во април 2023 година објави дека испораките на чипови во Русија преку Хонгконг и Кина од почетокот на војната до крајот на 2022 година се зголемиле 11 пати, достигнувајќи вредност од 570 милиони долари.

Во јули 2024 година, „Њујорк тајмс“ објави резултати од својата анализа дека во четвртото тримесечје д 2023 година увозот на западни полупроводници во Русија, што можат да се користат за производство на оружје, речиси се израмнил со нивното ниво на набавка кон крајот на 2021 година. Од почетокот на војната, повеќе од 6.000 фирми обезбедиле испорака на забранети чипови во Русија во вредност од речиси 4 милијарди долари, при што Хонгконг играл голема улога во тоа. За таа цел била создадена широка мрежа на фиктивни компании. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Верстапен победи 100 возачи во картинг- користеше трикови од детството (ВИДЕО)

Макс Верстапен откри дека техниката на картинг, научена на седумгодишна возраст, била клучна за неговата победа против 100 аматерски возачи на настанот во Силверстоун. 

Верстапен победи 100 возачи во картинг- користеше трикови од детството (ВИДЕО)

Четирикратниот светски шампион во Формула 1 ја престигна целата стартна линија за само 14 круга и 35 минути.

Настанот „Макс против 100“, кој беше емитуван во живо на Disney Plus и ESPN, му постави на Верстапен јасна задача. Тој мораше да стартува од последното, 101-во место и за максимум 75 минути, односно 35 круга, да ги престигне сите конкуренти. Беа возени идентични картинг возила со еднаква тежина, а возачот ќе биде елиминиран штом Верстапен ќе го помине. Освен него, стартната линија ја сочинуваа спортисти на Ред Бул од други дисциплини, креатори на содржини и новинари.

Верстапен ја заврши задачата без навидум никакви проблеми. Веќе до крајот на првиот, хаотичен круг, тој стигна до 37-то место, и покрај краткиот прекин на трката поради пад и заминување на неколку картинзи. Стартот беше клучен.

Холанѓанецот објасни по трката дека ја користел таканаречената техника на „отскокнување“ за да добие забрзување. „Го научив тоа на седумгодишна возраст во картинг. Имав стартови со застој и морав да го правам истото!“, рече 28-годишникот. Оваа тактика му овозможи буквално да летне од почетната позиција.

Доминација на патеката

Иако призна дека бил малку загрижен кога видел 100 картинзи пред себе, сите сомнежи исчезнаа по почетниот пробив. „По првиот круг и општиот хаос, си помислив: „Добро, го имаме ова под контрола“. Од тој момент навистина можев да се забавувам бркајќи ги“, рече Верстапен.

За време на трката, тој исто така користеше кратенка низ тревата во првиот круг за да избегне судири, а имаше и пристап до радио комуникациите на другите возачи. Тој му рече на еден стример што минуваше дека „ова не е хуманитарна трка“.

До почетокот на шестиот круг, тој веќе беше на десеттото место. Другите возачи имаа право на еден „брз круг“, односно можност еднаш да ја скршат кривината, но дури ни тоа не им помогна против рекордерот по број на победи во една сезона во Ф1.

Победа и враќање кон корените

До десеттиот круг, во трката останаа само холандскиот новинар во Ф1, Џеки Мартенс, механичарот на Ред Бул, Луис Ослер, и јутјуберот Зак Алсоп. Последен што го престигна Верстапен беше Мартенс, кој стартуваше од првата позиција. Со ова го заврши предизвикот неверојатни 40 минути и 21 круг пред да истече времето.

„Ова е мојата прва победа оваа година, па со задоволство ќе ја прифатам“, се пошегува Верстапен додека го собираше трофејот, со оглед на тоа што моментално е шести во пласманот на возачите во Формула 1.

Конечно, тој додаде дека уживал во враќањето кон своите корени. „Беше одлично што се вратив во картинг. Ме потсети на трките од моите помлади денови. Патеката беше добро дизајнирана, многу се забавував и ми е мило што на крајот победив“, заклучи тој.

Тагови: Макс Верстапен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Фолксваген и Ауди повлекуваат над 208.000 возила во САД- имало проблеми со воланот

Фолксваген повлекува 208.724 возила во Соединетите Американски Држави поради дефект на системот за управување што може да доведе до губење на контролата врз возилото и да го зголеми ризикот од несреќа. 

Фолксваген и Ауди повлекуваат над 208.000 возила во САД- имало проблеми со воланот

Одлуката ја објави Националната администрација за безбедност на сообраќајот на автопатиштата на САД (NHTSA), објави Ројтерс.

Повлекувањето се однесува на одредени модели на Фолксваген Тигуан од 2018 година, Фолксваген Атлас од 2018 и 2019 година и Ауди Q3 кои се произведени помеѓу 2019 и 2021 година.

Опис на дефектот и можните ризици

Според извештајот на регулаторот, проблемот е со завртката што ја прицврстува управувачката шина на подрамката на возилото. Постои можност таа завртка да кородира и да пукне со текот на времето, што може дополнително да го оштети куќиштето на управувачката шина. Крајната последица од таквата штета може да биде губење на контролата врз управувањето, што значително го зголемува ризикот од сообраќајна несреќа.

Производителот ќе испрати официјални известувања до сопствениците на засегнатите возила, што треба да започне на 10 ноември. Овластените сервисни центри бесплатно ќе го заменат проблематичниот шраф на десната страна од држачот на управувачот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Италија: Ученик нападна наставничка со нож, насилството го пренесувал во живо

Шок во училиштето „Џовани Верга“ во улицата Џовани Гусоне, во рамките на училишниот комплекс „Ларго Кокони“, во италијанскиот град Ченточеле. 

Драма во Италија: Ученик нападна наставничка со нож, насилството го пренесувал во живо

Тринаесетгодишно момче ја повреди наставничката со нож, откако претходно и го испрскало лицето со спреј кој предизвикува иритација.

Инцидентот се случил во петокот наутро. Според извештаите, се чини дека момчето сакало да направи видео емитувано од училиште на Телеграм, кое, се чини, не е ни започнато.

Според некои информации, ученикот носел кацига со GoPro камера за да ја сними сцената на нападот додека во рацете држел нож и шише со иритант спреј. Преносот на видеото беше поврзан со група на Телеграм, која сега е предмет на проверка: се чини дека имало и други луѓе во преносот во живо, но не е јасно дали се возрасни или малолетни, пренесува Corriere Della Sera.

Нападот е одмазда за лоша оценка од минатата година

Според некои поранешни ученици од училиштето кои заедно со други ученици и родители дошле пред училиштето, младиот човек кој е одговорен за нападот наводно дејствувал „затоа што сакал да се одмазди бидејќи имал долг поради лошата оценка што наставникот му ја дал на крајот од минатата учебна година. Се сетил на тоа и затоа сакал да ја нападне“.

Оваа верзија на настаните сега се проверува за да се види дали има вистина во неа.

Наставничката (66) е во болница, за среќа не е тешко повредена

На местото на настанот пристигнале екипи на итната помош и карабинерите. Повредената жена е пренесена во болницата „Фиглие ди Сан Камило“ во Торпињаро, каде и била укажана лекарска помош. Таа не е сериозно повредена, но е многу исплашена.

Повредената наставничка има 66 години и предава италијански јазик, историја и географија. Ја опишуваат како многу искусна учителка која долги години работи во тоа училиште.

Меѓу проверките кои се во тек е и утврдувањето дали имало претходни проблеми меѓу неа и тринаесетгодишникот кој ја нападнал минатата учебна година.

Момчето, пак, е приведено на проверки. Карабинерите од единицата Касилина вршат низа проверки пред училницата во која се случи нападот.

Десетици родители на ученици се собраа пред влезната капија и се обидуваат да добијат информации за да откријат дали нивните деца се школски другари на 13-годишното момче одговорно за нападот на наставничката.

Потребно е да се утврди што го навело малолетникот, кој не е кривично одговорен, да ја нападне наставничката, само неколку дена по почетокот на учебната година. И тоа на начин што потсетува на други слични случаи кои се случија неодамна.

Затоа се разгледува можноста да се работи за чин на имитирање или предизвик на социјалните мрежи.

На 13-годишното момче му е одземен мобилниот телефон и ќе биде извршен преглед за да се утврди со кого бил на видеото во моментот на нападот.

Тагови: нож ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер