Конгрес на ЕПП во Валенсија: Манфред Вебер единствен кандидат за партиски лидер - Канал 5

Свет

Конгрес на ЕПП во Валенсија: Манфред Вебер единствен кандидат за партиски лидер

Предвидено е на Конгресот да биде избрано новото претседателство на ЕПП, односно претседател, 10 потпретседатели, генерален секретар и благајник. 

Конгрес на ЕПП во Валенсија: Манфред Вебер единствен кандидат за партиски лидер

Шпанскиот град Валенсија денеска и утре ќе биде домаќин на Конгресот на Европската народна партија (ЕПП), кој, како што се најавува, „ќе послужи како момент на единство“ за ова политичко семејство во време кога партиското раководството „се стреми да го исцрта курсот за наредните години“.

- Конгресот ќе понуди можност за размислување, за чествување на изминатата година и за инспирација, во време кога ги почитуваме нашите минати достигнувања и се соочуваме со критични прашања, како што се војната во Украина, зголемувањето на трошоците за живот и растечките закани од популизмот и екстремизмот, се наведува во најавата за Конгресот.

Предвидено е на Конгресот да биде избрано новото претседателство на ЕПП, односно претседател, 10 потпретседатели, генерален секретар и благајник.

Покрај ова, делегатите на Конгресот треба и да усвојат и 20 резолуции на различни теми, од кои на една, насловена „Одговарајќи на демографската зима“, како ко-предлагач се јавува и ВМРО-ДПМНЕ. Останатите резолуции, меѓу другото, се однесуваат на јавните инвестиции, владеењето на правото, кризата со домувањето во Европа, безбедност на храната и водата, климатските вонредни состојби, миграцијата, конкурентност, систематската репресија во Венецуела, состојбите во Украина, Ерменија и Грузија, „изборниот интегритет во Албанија“, кипарското прашање, верските слободи во Белорусија и „итната потреба од ослободување на сите заложници што ги држи Хамас“.

Единствен кандидат за претседател е актуелниот вршител на оваа функција и шеф на пратеничката група на ЕПП во Европскиот парламент, Германецот Манфред Вебер.

Иако овој 52-годишниот Баварец не е многу познат надвор од бриселските кругови, сепак тој како лидер на најмоќната политичка партија во Европа има значително влијание за прашања поврзани со одлуките и политиките на ЕУ.

Неговиот очекуван реизбор за втор тригодишен мандат на чело на ЕПП се предвидува дека ќе го зацврсти неговиот авторитет во партијата и ќе му обезбеди поголема моќ врз политичката агенда на континентот.

[„Ние сме камен-темелник за безбедноста и иднината на Европа“, рече Вебер во обраќањето по објавувањето на резултатите. „Ние ѝ требаме на Европската унија“, додаде Вебер кој е долгогодишен чл]

Како една од целите на Вебер, како што наведуваат партиски функционери, е да продолжи со трансформација на ЕПП во „политичка сила со мисија да ги води и поедноставува политиките на националните партии од десниот центар“.

Вебер има имиџ на страстен европски федералист, кој постојано повикува на поблиска интеграција во ЕУ, дури и ако тоа е непопуларно, остро го критикува воведувањето на контроли на внатрешните граници во Унијата и е застапник на идејата за формирање на заеднички европски трупи кои под знамето на ЕУ би биле распоредени во мировна мисија во Украина по завршување на конфликтот.

Неодамна тој изнесе и идеја за воспоставување на функцијата на европски претседател. - Секоја европска земја мисли дека има своја улога во светот. Но, Макрон ги претставува само француските гласови. Германскиот канцелар ги претставува само германските гласови. Конечно ни треба некој што ги претставува европските гласови, рече Вебер во интервју за баварскиот јавен радиодифузен сервис.

Но, според неговите критичари, ваквата слика за Вебер како идеалист и федералист е во суштинска спротивност со реалноста. Според нив, откако не успеа да стане претседател на Европската комисија во 2019 година поради несогласување на дел од лидерите на земјите членки, па на оваа функција дојде Урсула фон дер Лајен, Вебер се обидува да ја претвори ЕПП во „алтернативен конзервативен центар на моќта“.

Тој успеа да обезбеди „сопствено“ мнозинство за промена на Зелениот договор предложен од Европската комисија, со што, според неговите противници, ги поткопа зацртаните еколошки политики на ЕУ. Тоа „мнозинство на Вебер“ се покажа и при потврдувањето на членовите на актуелната Европска комисија, кога успеа да обезбеди гласови и од европратеници кои не се дел од традиционалното „мнозинството на центарот“ на конзервативците, социјалдемократите и либералите.

Вебер раководи со партија која дава 13 од 27-те членови на Европската комисија, откако Фридрих Мерц ќе ја преземе функцијата германски канцелар ЕПП ќе има и 13 члена во Европскиот совет, а партијата ја има и убедливо најголемата пратеничка група во Европскиот парламент со 188 пратеници.

Националните партии членки на ЕПП во голема мерка се независни во носењето одлуки, а ЕПП повеќе функционира како „лабава платформа за состаноци на национални партиски лидери“. Но, Вебер се обидува да ја трансформираа ЕПП во кохезивна политичка платформа која ќе обезбеди нејзините национални партии членки, европратениците, дипломатите и еврокомесарите да се придржуваат до иста политичка насока.

[Водечката европска политичка групација, Европската народна партија (ЕПП) денеска гласаше за поддршка на претседателката на Европската комисија Урсула фон дер Лајен за нејзин втор мандат, а пр]

Токму на Конгресот во Валенсија, делегатите треба да усвојат реформи што водат кон „партиска централизација“ и кои, според висок партиски функционер, ќе ја направат ЕПП „попредвидлива“.

Овие промени предвидуваат министрите, еврокомесарите и водечките европратеници на ЕНП да усогласат заеднички став пред секој состанок на Советот на ЕУ, се што, според очекувањата, ќе се обезбеди поголема ефикасност во креирањето на политиките на Унијата.

Но, според противниците на Вебер, овие измени ќе му овозможат да партискиот лидер и да поставува свои лојални луѓе на клучните позиции во ЕПП. Како пример за тоа се посочува случајот со генералниот секретар на ЕПП, кого според партискиот Статут го предлага претседателот на партијата. Вебер сега за местото втор човек во ЕПП ја предлага лидерката на шпанската Народна партија (ПП) во Европарламентот, Долорес Монтсерат, на местото на досегашниот генерален секретар, Гркот Танасис Баколас. Се оценува дека изборот на европратеничката Монтсерат за генерална секретарка на ЕПП ќе ја зајакне политичката улога на оваа функција, но и влијанието на Вебер. Ова особено, ако се земе предвид неодамнешната изјава на Монтсерат: „Сакам да бидам политичарка лојална на мојот претседател, Манфред, секако“.

Но, ваквиот централистички пристап на Вебер наидува на извесни негодувања и скептицизам меѓу некои на партиите членки на ЕПП.

- Ние не сме партија, ние сме семејство на партии. Прво и најважно, секогаш сте Републиканец од Франција, член на ХДЗ од Хрватска или демохристијанин од Германија, изјави анонимен извор од ЕПП за „Еурактив“.

Партиски функционери порачуваат дека некои национални партии би сакале на претседателот на ЕПП да му ја вратат улогата на „оператор зад сцената“, одвоен од раководството на партијата во Европарламентот, кој само би служел како „церемонијал мајстор“ за повремените партиски собири. Сепак, според нив, во ЕПП засега има слабо расположение за пружање отпор на заложбите на Вебер./МИА

Тагови: Конгрес ЕПП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Млада девојка која наскоро требало да се омажи била извлечена од шаторот и изгмечена до смрт пред очите на нејзиниот вереник откако била нападната од разбеснета кафеава мечка.

Девојка била масакрирана од мечка пред својот вереник- ѕверот ја извлекол од шаторот додека спиела (ФОТО)

Снежана Королева, 29, била на романтично кампување со својот партнер во Алтајските Планини во Русија.

Мечката го пробила нивниот шатор околу 1 часот наутро и „ја одвлекла жената што врескала“ пред да ја убие и да ја однесе преку реката Бија, објавува Дејли Меил.

Нејзиното момче наводно ѝ предложило брак само еден ден пред животното да ја убие.

Потоа мечката почнала да го закопува телото на девојката додека преплашените кампери очајно се обидувале да го одвлечат вниманието.

Дивочуварите и полицијата пукале во воздух, но не ја застрелале мечката, иако сведоците рекле дека имале можност да ја убијат.

Тие се повикале на руските прописи кои забрануваат пукање во населени места, рекле сведоците.

Сведок по име Алина рекол: „Пукале во воздух, но тоа не го исплашило. Не сакал да ја пушти и... ја одвлекол преку реката.“

Потоа мечката, рече таа, „почна да ја закопува без никаков страв“.

„Нејзиното момче е во шок, тој штотуку ѝ предложи брак. Ужасно е“, рече Алина.

Снежана, по потекло од Новосибирск и адвокатка по професија, престојувала со својот вереник во туристичкиот камп Исток во селото Артибаш, во близина на езерото Телецкое.

Мештаните тврдат дека во моментов има околу 20 мечки што шетаат низ селото.

Друг локален жител рече дека нејзината сестра за малку избегнала напад од истата мечка претходната ноќ.

„Се најдовме лице в лице со него. Мојата сестра падна и се провлече, лежејќи на земја, во колиба. Ја спаси човек кој случајно возел автомобил. Тој ги насочи фаровите кон мечката, по што животното претрча преку патот. Дури и ја удри со својот автомобил и го вдлабна браник“, додаде таа.

По нападот, во селото беше прогласена десетдневна состојба на зголемена тревога.

„Во овој период, на туристите им е забрането да поставуваат шатори во шумата и покрај брегот“, се наведува во локалниот декрет.

Снежана била вработена во руското Министерство за вонредни ситуации.

Нејзините останки наводно биле пронајдени откако се појавиле информации дека мечката се обидувала да го закопа нејзиното тело.

Мечката сè уште е на слобода, според локалните извештаи.

Претставник на Здружението на ловџии и рибари од округот Мајмински изјавил дека скратената ловна сезона довела до зголемен ризик од напади од диви животни врз луѓе.

„Ловната сезона е скратена на 30 дена. Поради ова, популацијата на мечки почнала да расте. Ловците едноставно не можат да ги следат сите дозволи. Ловот станува поретко, мечките се размножуваат, а има сè помалку храна. Нема доволно ореви, па мечките, кога се гладни, излегуваат во потрага по луѓе“, изјавил претставник на ловното друштво.

Обвинителството на Република Алтај започна истрага за смртта на жената.

Тагови: девојка мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Длабоко под швајцарските Алпи се градат луксузни бункери за елитата- таму ќе се скријат во случај на опасност (ВИДЕО)

Планинските скривалишта повеќе не се резервирани за негативците од шпионските романи. Сега и вие можете да купите пристап до ултра-безбеден трезор - скриен под швајцарски планински венец, под услов да имате половина милион евра на располагање.

Длабоко под швајцарските Алпи се градат луксузни бункери за елитата- таму ќе се скријат во случај на опасност (ВИДЕО)

Локалната компанија Бриниг Мега Сејф планира да ископа 25 подземни комори во варовничкиот карпа што го сочинува истоимениот планински венец. Пристап до трезорите веќе им се нуди на клиентите кои сакаат да складираат вредни уметнички дела, автомобили, вино, сефови за вредни предмети и други средства.

Строга контрола на влезот

Компанијата тврди дека работата во Бриниг ќе започне во јануари и дека нивото на безбедност во трезорите ќе биде споредливо со „нивото на безбедност на Швајцарската национална банка“.

Претседателот на компанијата, Томас Гасер, опиша како ќе биде да се влезе во подземниот комплекс.

„Прво ќе мора да поминете низ специјален контролен пункт и да излезете од вашето возило. Ќе има неколку проверки, кои очигледно нема да бидат откриени за јавноста“, рече тој.

Благодарение на длабочината на која ќе бидат лоцирани - повеќе од 100 метри, коморите ќе имаат природна температура од околу 13 степени Целзиусови, што е идеално за складирање вино и уметнички дела.

Сепак, компанијата не ги гледа подземните трезори само како место за складирање вредни предмети. Во свет кој се соочува со зголемена нестабилност, тензии меѓу државите и закана од климатски промени, ваквите локации претставуваат и потенцијално засолниште во случај на катастрофа.

24-часовен пристап до трезорите

Компанијата, основана од тим претприемачи од планинско инженерство, на својата веб-страница наведува дека дополнителни модули ќе овозможат проширување на трезорите кога е потребно повеќе од само заштита на средствата.

Меѓу можностите се „привремени приватни засолништа“, дискретни сали за состаноци и салони со посебна атмосфера, објавува Дејли Меил.

Клиентите ќе имаат пристап до трезорите 24 часа на ден преку тунел доволно голем за да минуваат камиони.

Компанијата вели дека клиентите веќе потпишуваат договори за закуп на коморите за 99 години, а првите трезори треба да се отворат следната година.

Покрај подземните складишта, постојат планови за основање центар за обука во областите на безбедноста, анализата на ризикот и преживувањето.

Воени бункери претворени во трезори

Швајцарија со децении ги користи своите Алпи за безбедно складирање. Бројни напуштени воени бункери се претворени во трезори, па дури и во центри за складирање на податоци. Во 2024 година, започна програма за модернизација на нуклеарните засолништа за да се подготват за можна војна.

Според закон од 1963 година, на сите жители на земјата - вклучувајќи ги странците и бегалците - им е загарантирано место во засолниште способно да ги заштити од нуклеарно, биолошко и хемиско оружје, како и од „удари од блиску со конвенционално оружје“.

Други европски земји исто така се подготвуваат за можноста за војна, а некои работат на тоа со децении.

Под Хелсинки, главниот град на Финска, повеќе од 5.500 засолништа се ископани во карпата со доволно простор за речиси милион луѓе. Тоа е огромен капацитет ако се земе предвид дека Хелсинки има околу 675.000 жители.

Тагови: Алпи бункери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трансродна жена е осудена на шест години затвор, поради обид за убиство врз министерот за финансии на САД

Американката Рајли Инглиш (26) е осудена на шест години и еден месец затвор за заговор за убиство на американскиот министер за финансии Скот Бесант, е објавено по пресудата донесена во федералниот суд во Вашингтон.

Трансродна жена е осудена на шест години затвор, поради обид за убиство врз министерот за финансии на САД

Инглиш, трансродова жена од Масачусетс, беше уапсена во јануари 2025 година откако отишла во американскиот Капитол, каде што им кажала на полицајците дека имала намера да го убие Бесант на денот на неговото сослушување за потврда во Сенатот, објавува Гардијан.

Два импровизирани молотови коктели, запалка и нож на расклопување беа пронајдени кај неа.

Судијата Рудолф Контрерас процени дека планот имал „исклучително мала или непостоечка“ шанса за успех, меѓу другото, бидејќи Бесант не била во Капитол тој ден, додека импровизираните запаливи направи не изгледале способни да се запалат.

Инглиш му рече на судот дека никогаш не сакала да повреди никого и дека не е ниту политичка ниту насилна личност.

Таа рече дека поминувала низ сериозен ментален слом и дека била зависничка од дрога во времето на инцидентот.

Обвинителството побара казна од 10 години и еден месец затвор, велејќи дека Инглиш го планирала атентатот најмалку еден месец.

Според истражителите, Инглиш ѝ кажала на полицијата дека првично размислувала да нападне други републикански политичари, вклучувајќи го министерот за одбрана Пит Хегсет и претседателот на Претставничкиот дом Мајк Џонсон, како и да ја запали зградата на конзервативната организација Фондација Херитиџ.

Потоа таа го избрала Бесант како своја цел откако прочитала статија за неговото сослушување за потврда на интернет.

Обвинителството, исто така, изјави дека Инглиш рекла дека била под влијание на Луиџи Манџоне, кој е обвинет за убиство на извршниот директор на „ЈунајтедХелт Ол Постс Кер“, Брајан Томпсон.

Адвокатот на одбраната, Марија Џејкоб, рече дека постапките на нејзиниот клиент биле „повик за помош“ и дека Инглиш била во многу лоша ментална состојба во времето на инцидентот.

Судијката Контрерас, која беше номинирана за федерален судија од поранешниот претседател на САД, Барак Обама, ја осуди Инглиш на шест години и еден месец затвор и три години надзор по ослободувањето. Ќе ѝ се припише казната за речиси 20 месеци што веќе ги отслужила во притвор.

Тагови: затвор убиство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер