Конференција: Корупцијата, особено во нејзината системска форма е директна безбедносна закана која го разјадува општественото ткиво - Канал 5

Македонија

Конференција: Корупцијата, особено во нејзината системска форма е директна безбедносна закана која го разјадува општественото ткиво

Корупцијата, особено во нејзината системска форма е директна безбедносна закана која го разјадува општественото ткиво, ја подрива довербата во институциите, ја компромитира правдата и демократијата и претставува една од најголемите безбедносни закани.

Конференција: Корупцијата, особено во нејзината системска форма е директна безбедносна закана која го разјадува општественото ткиво

Најквалитетните студенти, оние кои дале максимум од себе во рамки на своето високо образование, доколку сакаат и имаат желба треба да влезат во безбедносните институции, кои навистина би требало да претставуваат темел на една современа демократска и европска држава.

Ова беше порачано на отворањето на 16-та меѓународна научна конференција на тема „Системска корупција - најголемата безбедносна закана: Безбедносно-стратешки пристапи за решавање на сложените предизвици“ што се одржува во Скопје, во организација на Факултетот за безбедност – Скопје.

Министерот за внатрешни работи Панче Тошковски, во своето обраќање, најави можност за потпишување меморандум за соработка на МВР со Факултетот за безбедност, но и останати факултети како Правниот, Економскиот...кои имаат допирни точки со областа на безбедноста, со цел на најдобрите студенти да им се овозможи влез во државните институции чиј делокруг на работа е безбедноста, кои, како што рече треба да бидат темел на една држава.

-Ние имаме многу добра соработка меѓу МВР и Факултетот, и таа е една од клучните соработки кои ги имаме со високообразовни институции. Можам да најавам дека согласно новиот Закон за внатрешни работи ќе имаме можност со сите високообразовни институции кои таргетираат во областа на безбедноста, а особено со Факултетот за безбедност Скопје да склучиме Меморандум за соработка со којшто најкавитетните кадри кои ќе произлезат оттаму, да влезат во рамки на безбедносните институции, таму каде им е местото, рече министерот Тошковски.

Тој изрази надеж дека оваа идеја ќе ја поддржат и останатите високообразовни институции како Правниот, Економскиот и други факултети кои ќе овозможат најквалитетните кадри да влезат во безбедносните институции.

-На ваков начин ќе има можност најквалитетните студенти, оние кои дале максимум од себе во рамки на своето високо образование, доколку сакаат имаат желба да ги вклучиме во рамки на МВР, за почеток. Се надевам дека во иднина и останатите институции, кои имаат во својот домен одредени прашања поврзани со безбедноста, како АНБ, Царината... ќе го следат овој пример и ќе им дадат дополнителен мотив на студентите, особено најдобрите да бидат дел од овие институции, кои навистина би требало да претставуваат темел на една современа демократска и европска држава, истакна министерот Тошковски во обраќањето.

Тој додаде дека оваа година, темата на конференцијата е многу актуелна и интересна во секое едно општество особено на Балканот и истакна дека со дискусиите експертите ќе придонесат во можноста за справување со актуелните предизвици.

Деканот на Факултетот за безбедност – Скопје, Јонче Ивановски, порача дека корупцијата особено во нејзината системска форма не е само прашање на морал или криминолошки анализи и е директна безбедносна закана која го разјадува општественото ткиво, ја подрива довербата во институциите, ја компромитира правдата и демократијата и претставува една од најголемите закани за националната, регионалната и меѓународната безбедност.

-Факултетот за безбедност во својата повеќедецениска мисија сака да биде центар на научни истражувања и развој, па затоа ја препознава и својата одговорност како високообразовна институција да отвора прашања, да иницира дебата и да предлага решенија коишто се во функција на решавање на овие комплексни безбедносни предизвици, порача Ивановски.

Оваа научна конференција, посочи Ивановски, е обид да се создаде академска и стручна платформа за размена на искуства, знаење, но и иновативни пристапи кон решавање на проблемот со системската корупција.

Ректорот на Универзитетот „Св. Климент Охридски“ - Битола, Игор Неделковски, порача дека како Универзитет се горди на Факултетот за безбедност, бидејќи очигледно безбедносните структури на земјава својата теоретска подлога ја црпат од овој факултет.

-Факултетот за безбедност секогаш таргетира клучни теми од областа на битисувањето на државата, бидејќи безбедноста е еден од основните предуслови за функционирање на секоја држава. Годинава ја избравте системската корупција, како нешто што може да го наруши легитимитетот и стабилноста на државата, порача Ивановски.

На конференцијата, беа најавени излагања на експертите од областа - проф. д-р Миодраг Лабовиќ од Факултетот за безбедност - Скопје, проф. д-р Углеша Звекиќ, Глобална иницијатива против транснационалниот организиран криминал и проф. д-р Филип Ејдус од Факултет за политички науки - Белград.

Тагови: конференција корупција безбедносна закана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МЗ: Состојбата во Гостивар се следи – намален вкупниот број прегледи

Министерството за здравство информира дека епидемиолошката состојба во Гостивар континуирано се следи од надлежните здравствени институции.

МЗ: Состојбата во Гостивар се следи – намален вкупниот број прегледи

Во текот на 3 август се регистрирани вкупно 78 прегледи, што е за шест помалку во споредба со претходниот ден, кога биле евидентирани 84 прегледи.

Во однос на западнонилската треска, на Клиниката за инфективни болести е евидентиран еден нов сомнителен случај. Во тек се потребните испитувања за лабораториска потврда или исклучување на заболувањето.

Министерството за здравство, во координација со надлежните здравствени установи, продолжува внимателно да ја следи состојбата и навремено ќе ја информира јавноста за сите нови релевантни податоци.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Радеска: Обвинителството да отвори истрага – Мицкоски и Клековски го загрозија здравјето на граѓаните на Гостивар

Има нов, сериозен момент во скандалот со загадената вода во Гостивар.

Радеска: Обвинителството да отвори истрага – Мицкоски и Клековски го загрозија здравјето на граѓаните на Гостивар

Власта официјално потврди присуство на бактеријата Pseudomonas aeruginosa во водата.

Водата што ја прогласија за „техничка“ и дека може да ја користат граѓаните има бактерија. Страшно!

Тоа значи дека граѓаните на Гостивар се капеле со бактерија која претставува ризик по здравјето.

Кожни инфекции и бројни други сериозни заболувања и други инфекции предизвикува оваа бактерија.

Ова е врв на институционалниот колапс и уште еден здравствен скандал.

Системот на Мицкоски и Клековски целосно потфрли во својата основна задача, наместо да го заштити здравјето на граѓаните го загрози.

Затоа Мицкоски и Клековски се кријат зад Тошковски и Ангелов, луѓе кои не се стручни за ова и само создаваат забуна и грижа кај граѓаните.

Сѐ уште Владата не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна.

Единствена „потврда“ беше изјавата на Мицкоски. Ништо повеќе.

Со признанието за присуство на бактерија се потврдува дека капењето не било дозволено, а граѓаните се капеа.

И повторно се врши хиперхлорирање.

Кога се прави хиперхлорирање - капењето не е дозволено исто така поради високото ниво на хлор.

Концетрацијата на хлор мора да се спушти на дозволени вредности за да може да се користи.

Министерот Клековски најавуваше дека од оваа недела водата ќе може да се пие.

Мицкоски рече дека има бактерија.

Сега и официјално е потврдено: присутна е опасната бактерија Pseudomonas aeruginosa, која има сериозни последици по здравјето на човекот.

Ова е страшна информација.

Обвинителството мора веднаш да отвори истрага, мора да има кривична одговорност за:

• Христијан Мицкоски;

• Сашо Клековски;

• Сите одговорни лица во институциите кои молчеа и не презедоа мерки додека беше загрозено здравјето на илјадници граѓани.

Одговорноста не може и не смее да се избегне.

Обвинителството мора да покаже дека законот важи за сите и веднаш да отвори истрага за овој тежок скандал.

YouTube video

Прес конференција на Елена Радеска, СДСМ

Тагови: Радеска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

РКЕ: Цената на дизелот се зголемува за 1 денар, бензините поевтинуваат за 2 денари по литар

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

РКЕ: Цената на дизелот се зголемува за 1 денар, бензините поевтинуваат за 2 денари по литар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 1,24% во однос на одлуката од 27.7.2026 година.

Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 2,069%, кај дизелот зголемувањето е во просек за 4,806%, кај екстра лесното масло зголемувањето е во просек за 0,930% и кај мазутот намалување во просек за околу 4,787%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,1423%.

Од 05.08.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 91,00 (денари/литар)

Моторен бензин ЕУРОСУПЕР БС - 98 93,00 (денари/литар)

Дизел гориво ЕУРОДИЗЕЛ БС (Д-Е V) 99,50 (денари/литар)

Масло за горење Екстра лесно 1 (ЕЛ-1) 98,50 (денари/литар)

Мазут М-1 НС 46,419 (денари/килограм)

Во денешната одлука е применет намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V).

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 2,00 ден/лит.

Малопродажната цена на ЕУРОДИЗЕЛ (Д-Е V) се зголемува за 1,00 ден/лит.

Малопродажната цена на Екстра лесното масло за домаќинство (ЕЛ-1) се зголемува за 0,50 ден/лит.

Малопродажната цена на Мазутот М-1 НС се намалува за 1,680 ден/кг.

Напоменуваме дека ова се максималните цени на нафтените деривати од 00:01 часот на 05.08.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

РКЕ

Тагови: горивата РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер