За 5 години има склучени вкупно 77 договори за јавни набавки во вредност од 151 милион евра, покажало истражувањето на Центарот за граѓански комуникации.. Од нив дури 66 тендери им се склучени со државното претпријатие АД Електрани, во вредност од 141 милион евра.

Сабина Факиќ од Центарот за граѓански комуникации за Канал 5 вели дека огромни пари се одлеваат за користење на механизација од приватни фирми, каде што главно тоа е Марковски Компани меѓутоа во целиот тој процес се вклучени и други подизведувачи.

-Под притисок на јавноста Владата на Заев во 2017 година најави дека нема веќе да го користи овој модел кој сметаме дека е под силен корупциски притисок и дека на овој начин нерационално се одлеваат многу пари од АД Електрани во приватните компании, најави дека ќе купат нова механизација и дека нема веќе да се користат вакви фирми кои ќе ја ангажираат нивната механизација и работници, но од ветувањата не излезе ништо, бидејќи се набави многу мал дел од механизацијата и вредноста на договорите со Марковски Компани и со други копмании од година во година стануваа се поголеми, изјави Факиќ.

Второпласирана според заработката е веледрогеријата Д-р Пановски, која за 5 години склучила скоро 1.500 договори, вредни 144 милиони евра, а трета е Пуцко Петрол со склучени 1 776 договори за нафта во вредност од 137 милиони евра..

На годишно ниво, тендери добивале помеѓу 3.300 и 3.800 фирми, но анализата на фирмите добитници на тендерите и вредноста на тендерите открива висока концентрација на тендерите кај мал број фирми. првите 10 фирми на врвот од оваа листа добиле тендери во вредност од 1 милијарда..

-Целта на ова истражување беше да укажеме дека најголем дел од парите завршуваат кај мал круг на фирми што секако е неповолно за нашиот економски развој, многу поповолно е кога поголем дел од тендерите би завршувале кај поголем број фирми. Надлежните институции да се инспирират да продолжат со истражување дали ова се должи можеби на тоа што одредени фирми се фаворизирани на централно и локално ниво и дали тука треба да се преземат мерки од наделжната Комисија за заштита на конкуренцијата во смисла на тоа дека можеби самите фирми се договараат меѓу себе, можеби нелојална конкуренција постои и во тој сегмент, вели Факиќ.

Директорот на термоелектраната Тони Петрушевски, вчера соопшти дека РЕК Битола раскинала еден од тендерите со фирмата „Марковски“, вреден 46 милиони евра поради неодговорно постапување и покрај, како што рече, сите опомени и укажувања. Според него Марковски Компани во континуитет не успевала да ги испорача договорените количини на јаглен и како што рече директно ја загрозила енергетската стабилност на државата.

Владејчката ВМРО-ДПМНЕ многупати го повикуваше Обвинителството за ги провери тендерите во РЕК поради сомнежи за кроуптивни зделки, но досега конкретен исход нема.

Добро е што Македонија во континуитет добива поддршка во борбата против корупцијата, но и за евроинтегративниот пат на земјава – вака поранешниот амабсадор во САД Васко Наумовски ја оценува посетата на заменик помошникот државен секретар задолжен за западен Балкан, Александар Касаноф. Според него, САД имаат стратешки интерес да го интегрираат регионот, а како земја која има добри односи и со Скопје, но и со Софија, можат активно да помогнат во деблокада на македонските евроинтеграции.

-Секако дека проблемот и пречката што ние ја имаме во процесот на проширување не е во директна надлежност на САД. Но, тие како земја која има добри билатерални односи и со нас и со Бугарија може да го искористат своето влијание и да го постават процвесот на проширување како врвен приоритет и заштитата на заедничктите интереси на ЕУ и на НАТО наспроти индивидуалните интереси на државите,- - Васко Наумовски – Поранешен амбасадор во САД .

Касаноф по средбата со премиерот Мицкоски порача дека македонската влада е искрено посветена на патот кон ЕУ, а САД ќе останат силен поддржувач во рефомскиот процес за целосна интеграција во Унијата.

-Ја гледаме искреноста, не само во тоа што го говори владата, туку и во тоа што го прави и ова е посветеност за европската интеграцијата и реформите кои се потребни за тоа. Ова е нешто што САД го поддржува и ќе продолжи да го поддржува,- - Александар Касаноф – Заменик помошник државен секретар на САД за западен Балкан.

Касаноф сепак, не сакаше да коментира дали ќе има некаква промена на американската политика со промената на администрацијата во САД, но изрази уверување дека до крајот на мандатот на актуелниот претседател Бајден, ќе продолжат со силна поддршка за земјава. Поранешниот амбасадор Наумовски пак, смета дека иако во фокусот на Трамп ќе бидат Украина и Блискиот исток, сепак, се она што го попречува обединувањето на Европскиот континент може да се најде како приоритет.

-Знаеме дека во првиот мандат, претедателот Трамп се посвети на прашањето за Белград и Приштина и верувам дека ако продолжи таа политика за решавање на сите билатерални прашања кои стојат на патот на обединување на ЕУ ќе се најдат како приоритет за САД,- - Васко Наумовски – Поранешен амбасадор во САД.

Покрај евроинтеграциите, во фокусот на средбата Касаноф – Мицкоски биле и владеењето на правото и економскиот развој на земјава. Касаноф потоа на посочи Соединетите Држави борбата против корупцијата ја сфаќаат многу сериозно, но не откри дали ќе има проширување на американската црна листа со нови лица од земјава.

Не сакаше да ги коменира најавите на премиерот Мицкоски за робусна акција во судството и обвинителството. Димитриеска уверува дека Советот на ЈО работи успешно и согласно закон што било нотирано во домашните и меѓународни извештаи, и нема да го следи потегот на Весна Дамева која пред една недела поднесе оставка од функцијата Претседател на Судскиот совет.

-Не, не размислувам. Сметам дека нашата работа ја вршиме согласно законот, согласно нашите законски надлежности, непристрасно, објективно и така ќе продолжиме. Во однос на вашето прашање јас не можам да коментирам изјави на политичари, не би сакала, секој во рамките на своите надлежности ги дава своите изјави. Јас лично сметам дека институцијата, Советот на ЈО како самостоен државен орган којшто ја обезбедува и гарантира самостојноста на јавните обвинители во нивното работење, работи успешно и согласно закон,- изјави – Душица Димитриеска – Претседател на Совет на ЈО .

На денешната седница членовите на Советот на ЈО ја номинираше обвинителката од Организиран Енѓелуше Кадриу Леши за заменик член во УО на Академијата за судии и јавни обвинители. Но Димитриеска останува член на УП. Едногласен став на сите членови на Советот е дека неизвршна е одлуката на Антикорупциска со која поради судир на интереси бараше Судскиот и Советот на ЈО да ги повлечат своите членови,

-Беше анализирана одлуката на ДКСК и едногласно од сите членови на Советот беше заземен став дека одлуката е неподобна за извршување со оглед на тоа што во изреката на истата е наведено дека постапката за членувањето на членовите на Советот на ЈО во УП се запира, а запирањето е донесено врз основа на одредбата од Деловникот за работа на ДКСК, чл.40 ст.3 во кој се наведува дека постапката се запира во случај кога нема да биде утврдена повреда на законот,- изјави – Душица Димитриеска – Претседател на Совет на ЈО .

Советот на ЈО заклучи и дека државниот обвинител Љупчо Коцевски не извршил влијание врз суспендираниот шеф на ВЈО Скопје Мустафа Хајрулахи и обвинителот Јован Цветановски притисок во врска со преметот за бонусите на поранешното СЈО.