Концерти на Хели Сиекинен и на „Т.А.О“ бендот вечерва на „Охридско лето“ - Канал 5

Култура

Концерти на Хели Сиекинен и на „Т.А.О“ бендот вечерва на „Охридско лето“

Втората вечер во рамки на џез-викендот на „Охридско лето“ предвидува два концерти и тоа на финската уметничка на хармоника и бандеон Хели Сиекинен од 21 часот и на бендот „Т.А.О“ од Данска од 22:30 часот.

Концерти на Хели Сиекинен и на „Т.А.О“ бендот вечерва на „Охридско лето“
Хели Сиекинен е родена во Финска. Започнала да учи хармоника на само тригодишна возраст, а веќе на шест години е прогласена за победник на Финскиот хармоникашки шампионат. Во текот на годините победува на тој натпревар уште пет пати, а учествува на натпревари во Германија, Италија и Данска каде исто така освојува награди. Дипломира во 2004 година, а нејзиниот интерес кон различни музички изрази придонесува кон бројни настапи како во концертните сали, соло или со различни камерни формации, така и во клубови, театри со џез и други состави. Во 2001 година го основа квинтетот „Фуего“ со кој ја изведува музиката на Астор Пјацола и заедно настапуваат на натпреварот кој го носи името на композиторот и освојуваат втора награда. Во 2008 година го издаваат првото ЦД со наслов „Квинетот Фуего го свири Пјацола“, а токму овој вид музика ја инспирира Хели да почне да свири бандонеон.

Сиекинен во Охрид ќе настапува во придружба на камерен оркестар, а ќе изведува свои композиции како и преработки на познати светски дела.

За данскиот бенд „Т.А.О“ во состав Стен Кејд Буге на акустична и електрична гитара, Вилхелм Томсен на акустична и електрична гитара, Пер Вибисков Нилсен на бас и Андерс Педерсен на тапани може да се каже дека се детерминираат од името на самиот состав кое има повеќе значења, но во најчистата форма „ТАО“ означува движење.

Во годината кога бендот прославува 30 години постоење, тие по втор пат се враќаат во Македонија. Претходно во 1998 година во Скопје имаа успешен концерт со кој ја воодушевија публиката. Во нивната долгогодишна кариера, „Т.А.О“ на сцената донесуваат исклучителна музикалност, перфекција, софистицирана интерпретација која е суштинска за нивниот стил кој е спој на оригинална музика со ритамот и мелодиите на нордиските земји.

Данскиот состав на сцената ќе излезе во придружба на гудачки квартет.

За сите концерти во рамки на џез-викендот на „Охридско лето“ е резервирана сцената Долни Сарај. Цената на целовечерен блок билет изнесува 500 денари. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски балистички ракети го погодија Киев, оштетија мост и повредија шест лица

Неколку бранови руски балистички ракети го погодија Киев ноќеска, само неколку часа откако претседателот Володимир Зеленски предупреди дека Русија подготвува уште еден голем напад врз инфраструктурата.

Руски балистички ракети го погодија Киев, оштетија мост и повредија шест лица

Според властите, најмалку шест лица во градот Киев се повредени, заедно со уште едно лице во околната киевска област. Меѓу повредените во Киев е и 14-годишно девојче, изјави градоначалникот на Киев, Виталиј Кличко. Двајца од повредените се хоспитализирани.

Рускиот напад, исто така, го оштети клучниот Северен мост во Киев, кој во моментов е затворен за сообраќај во двата правци, додаде тој. Од утрото, оштетени се коловозот, тролејбуската контактна линија и далноводот, рече Кличко.

„Сообраќајните работници и комуналните работници веќе работат на Северниот мост“, увери градоначалникот.

Додека воздухопловните сили на Украина предупредија дека балистичките ракети се насочени кон главниот град, серија експлозии го потресоа градот. Првиот бараж од ракети го нападна Киев брзо, а воздухопловните сили објавија дека најмалку шест ракети биле лансирани кон градот во рок од неколку минути непосредно пред 23 часот локално време на 6 ноември.

До утрото на 7 ноември, воздухопловните сили објавија дека Русија лансирала 172 дронови од типот Шахед, од кои 137 со млазен погон, и неодреден број балистички ракети кон Украина преку ноќ. Воздухопловните сили тврдеа дека собориле или потиснале четири балистички ракети и 149 дронови од типот Шахед, вклучувајќи 117 дронови со млазен погон, на 24 локации.

Тагови: балистички ракети Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Терористички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер