Концерт на Надја Неволович на виолина и Калина Мрмевска на пијано вечерва на „Охридско лето" - Канал 5

Култура

Концерт на Надја Неволович на виолина и Калина Мрмевска на пијано вечерва на „Охридско лето"

На музичката програма на Фестивалот „Охридско лето" вечерва за вљубениците во класичната музика е предвиден концертот на уметничките Надја Неволович на виолина и Калина Мрмевска на пијано.

Концерт на Надја Неволович на виолина и Калина Мрмевска на пијано вечерва на „Охридско лето"

Виолинистката Надја Неволович ја красат музичка интуиција, виртуозна техника и интерпретации со голем интегритет, квалитети кои ѝ носат плодна кариера како солист и камерен музичар. Како и многу музички талентирани деца во Русија, таа започнува да учи виолина во специјалното музичко училиште при Конзерваториумот во Санкт Петерсбург. Откако се сели во Германија, студира во класата на познатиот педагог Захар Брон, а работи и со Ана Нечипроук-Брон, Томас Брандис, Исак Рашковски и Ливиу Прунару. Магистрира со највисоки почести на Кралскиот конзерваториум во Брисел во класата на Игор Ојстрах. Со диплома музичар-изведувач се стекнува на Универзитетот во Росток во класата на Петру Мунтеану. Особено влијание врз нејзиниот личен и уметнички развој има легендарниот виолинист Иври Гитлис.

На само единаесет годишна возраст Надја дебитира со оркестар, по што следат бројни настапи со различни оркестри меѓу кои Филхармонијата во Брисел, Северно-германската филхармонија во Росток, Симфонискиот оркестар „Нова Русија", Филхармонијата во Баден Баден, Камерата „Мењухин" и „Хармос" фестивалскиот оркестар, со диригенти како: Шломо Минц, Дирк Вермеулен, Роналд Цолман, Андреј Петренко и Иво Венков. Таа е победник и носител на награди од повеќе меѓународни натпревари меѓу кои натпреварот „Виењавски" во Полска и натпреварот „Тошија Ето" во Токио. Како камерен музичар настапува во различни формации, а во 2011 година е виолинистка на квартетот „Мењухин" со кој освојува прва награда и награда од публиката на натпреварот Шамони Мон Блан во Франција. Снима бројни ЦД-а со нејзиниот дуо партнер – катедралниот оргулаш Петер Ван де Велде. Една од активностите кои се многу значајни за Надја е педагогијата, па така од 2008 до 2009 таа е асистент на Игор Ојстрах во Брисел, а од 2011 година одржува мајсторски курсеви во Каиро, на Академијата „Римски-Корсаков" во Брисел каде е гостин предавач, на летната академија „Опус 74" во Франција, а исто така е тутор на Интернационалниот мајсторски курс и натпревар во Будимешта. Од 2017 година Надја е концерт мајстор во Филхармонијата во Брисел, и редовно е канета да биде гостин-концерт мајстор во оркестри во Европа како Оркестарот на балетот во Амстердам, Симфонискиот оркестар во Антверпен и ансамблот „Атанерес".

Калина Мрмевска музичката критика ја оценува како „пијанист со особена моќ" и „уметник со јасна и жива музичка идеја". Дебитира на само деветгодишна возраст и освојува први награди на националните натпревари за пијано. На 12 години дебитира со оркестарот на Македонската филхармонија, а на 18 години е македонски претставник на Евровизискиот натпревар за млади музичари. Победничка е на Меѓународниот натпревар „Роверо Д оро" во Сан Бартоломео и освоила втора награда на натпреварот „Шуман-Јанг Чанг". Мрмевска настапува и со рецитали и со оркестри во Европа и во САД во концертните сали во Хамбург, во салата на Филхармонијата во Варшава, Палатата „Дунав" во Будимпешта, Културниот центар во Чикаго и др.

Како хуманитарец, Мрмевска е прв амбасадор на Првата детска амбасада „Меѓаши" за што и е доделена наградата „13 Ноември". Во 2006 година, Мрмевска се појавува во филмот „Сенки" од Милчо Манчевски. Една од нејзините најважни уметнички мисии е промовирањето на македонското музичко творештво, за што говори и нејзиното идно ЦД кое ќе вклучува дела од современи македонски автори. Нејзините настапи се често пренесувани на ТВ и радио, меѓу останатото како пренос од престижните серии концерти кои го носат името на Мајра Хес во Чикаго. Мрмевска е носител на ДААД стипендија во Германија и поддржана е финансиски од фондацијата О. Стотерау и Оскар и Вера Штифтунг. Добитничка е на наградата „Џ. Бредли" на универзитетот во Денвер, како и на наградата „Сталер" на Универзитетот во Стоуни Брук каде што се здобива со звање Доктор на пијано изведба под менторство на Гилберт Калиш.

Калина Мрмевска е посветен педагог, и за време на докторските студии им предава на студентите на додипломски и постдипломски студии кои се добитници на бројни награди и признанија. Често е канета да биде дел од жири комисии на натпревари, а во 2018 е еден од предавачите на Летната Академија „Скрјабин" во Италија. Во 2021/22 Мрмевска е резидентен уметник на Универзитетот во Тенеси и на Колеџот во Хјустон. Ќе настапи со Симфонискиот оркестар во Чендлер и во Германскиот конзулат во Њујорк како и на фестивали во САД и Европа.

Концертот ќе се одржи во црквата „Света Софија" со почеток од 21 часот./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО: Епидемијата на ебола може да биде два до четири пати поголема од официјалните проценки

Светската здравствена организација (СЗО) предупреди дека обемот на епидемијата на ебола во Д.Р. Конго може да биде два до четири пати поголем од официјалните проценки, но забележа дека се постигнува напредок во откривањето нови случаи.

СЗО: Епидемијата на ебола може да биде два до четири пати поголема од официјалните проценки

„Нашите проекции проценуваат дека обемот на епидемијата е најмалку два до четири пати поголем од бројот на регистрирани случаи“, изјави Чикве Ихеквеазу, раководител на Програмата за здравствени итни случаи на СЗО, пред новинарите, додавајќи дека способноста на организацијата „секојдневно да открива нови случаи се зголемува и подобрува“.

Тој, исто така, нагласи дека СЗО добила помалку од половина од средствата потребни за борба против епидемијата на ебола во Демократска Република Конго и ги повика донаторите да не ја напуштаат земјата во критична фаза од епидемијата.

Стотици смртни случаи

Светската здравствена организација доби околу 40 проценти од 115-те милиони долари што ги побара за искоренување на сојот Бундибугио, за кој не постои докажан третман или вакцина. Владините податоци покажуваат дека досега се заразени најмалку 1.926 лица, а 702 починале како резултат на болеста.

„Оваа епидемија бара ресурси соодветни на обемот на проблемот со кој се соочуваме. И тоа не е товар што ДР Конго може сама да го носи“, рече Ихеквеазу.

Тој рече дека одговорот на ситуацијата достигнал критична точка и дека се потребни зголемени напори за откривање и изолирање на пациентите откако случаите се проширија во две нови провинции оваа недела.

„Малку е како маратон. Не можете да се откажете по првиот или вториот круг. Само треба да продолжите да притискате дури и кога сте уморни и исцрпени“, нагласи тој.

Извор: Индекс.хр

Тагови: ебола СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сè повеќе Германци не сакаат во војска

Германија бележи нагло зголемување на бројот на барања за ослободување од воена служба од почетокот на годината, објави денес Федералната канцеларија за семејни и граѓански работи во Берлин.

Сè повеќе Германци не сакаат во војска

„Во првите шест месеци од оваа година, примивме 5.862 барања, што е многу повеќе од минатата година, кога беа примени вкупно 3.879 барања“, се вели во соопштението на Федералната канцеларија за семејни и граѓански работи.

Претходната година, во 2024 година, имаше 2.249 барања. Наглото зголемување на барањата за ослободување од воена служба е поврзано со стапувањето во сила на нов закон за воена регистрација на почетокот на оваа година. Овој закон предвидува регистрација на сите мажи од една генерација, кои мора да се изјаснат дали се подготвени да служат во војска.

Според германскиот устав, никој не може да биде принуден да служи во војска

Доколку на овој начин не се собере доволен број регрути, Бундестагот би можел да активира мерки за да се достигне бројот на војници што му се потребни на Бундесверот.

Овие мерки засега не се дефинирани. Се верува дека зголемениот број барања е поврзан и со зголемениот ризик од војна во Европа по руската агресија во Украина.

Според германскиот устав, никој не може да биде принуден да служи во војска со оружје ако тоа е спротивно на неговите верувања. По руската инвазија на Украина во февруари 2022 година, Германија спроведува сеопфатна програма за зајакнување на своите одбранбени капацитети, што вклучува зголемување на бројот на војници на Бундесверот. Целта на Министерството за одбрана е да го зголеми бројот на доброволни регрути на 15.000 до 20.000 годишно.

Извор: Индекс.хр

Тагови: војска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се откажа од таксата за премин низ Ормускиот теснец

Американскиот претседател Доналд Трамп го отфрли предлогот за воведување такса од 20 проценти за бродовите што пловат низ Ормускиот теснец и наместо тоа објави склучување на трговски и инвестициски договори со земјите од Заливот.

Трамп се откажа од таксата за премин низ Ормускиот теснец

Трамп објави на социјалната мрежа „Truth Social“ дека ќе ја воведе повторно блокадата на иранските пристаништа почнувајќи од вечерва, но ја отфрли претходно најавената „такса од 20 проценти за да ги компензира САД за нивните трошоци“.

Претходно тој изјави дека земјите треба да им платат на САД за премин

Тој го поднесе предлогот за воведување такса еден ден порано, наведувајќи дека САД треба да бидат финансиски компензирани за нивната улога во заштитата на слободата на навигација и безбедноста на меѓународната трговија во Персискиот Залив, особено ако Иран наметне свои такси за премин низ Ормускиот теснец.

Сепак, не беше јасно како ќе се спроведе таквата такса или како ќе се собира.

Во својот последен твит, Трамп рече дека „Ормускиот теснец е отворен за сите бродови освен за Иран“, обвинувајќи го иранското раководство за она што го нарече лаги, насилство и злонамерни дејствија.

Тој додаде дека САД ќе воведат „тотална блокада“, но само на бродови што пловат кон или од иранските пристаништа и на бродови што носат ирански товар.

Трамп: Теснецот е отворен за сите освен за Иран

Ормузскиот теснец и нуклеарната програма на Иран остануваат меѓу главните отворени прашања во преговорите за постигнување траен прекин на огнот.

Трамп повторува дека Иран не смее да развива нуклеарно оружје, додека Техеран инсистира дека има намера да го контролира Ормузскиот теснец и да им наплаќа на меѓународните бродови за премин.

Блокадата на Ормузскиот теснец од страна на Иран за време на овогодишната војна предизвика зголемување на глобалните цени на енергијата и дополнително ги комплицираше меѓународните преговори. Пред избувнувањето на конфликтот, приближно една петтина од светскиот извоз на нафта и природен гас минуваше низ овој морски премин.

Извор: Индекс.хр

Тагови: Доналд Трамп Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер