Концерт на младите лауреати од „Охридски бисери“ во рамки на фестивалот „Златна лира“ - Канал 5

Култура

Концерт на младите лауреати од „Охридски бисери“ во рамки на фестивалот „Златна лира“

Настап ќе имаат Ѓорѓи Димовски – саксофон (добитник на наградата на СМУМ), Маја Божиновска – пијано и Андреј Шаклев – пијано.

Концерт на младите лауреати од „Охридски бисери“ во рамки на фестивалот „Златна лира“

Во рамки на фестивалот „Златна лира – Фестивал на музичките уметници на Македонија“, денеска во Музејот на македонската борба, со почеток во 19 часот, ќе се одржи традиционалниот концерт на добитниците на наградата на Сојузот на музичките уметници на Македонија (СМУМ) од меѓународниот натпревар „Охридски бисери“.

Настап ќе имаат Ѓорѓи Димовски – саксофон (добитник на наградата на СМУМ), Маја Божиновска – пијано и Андреј Шаклев – пијано.

Како што се наведува во најавата за концертот, тој претставува дел од годишната програма на „Златна лира“ и има цел да го истакне уметничкиот потенцијал на младите македонски музичари и да обезбеди континуитет меѓу музичкото образование и професионалната сцена.

-Преку овој настан, младите добитници добиваат можност да настапат на подиум рамо до рамо со афирмирани уметници, отворајќи го патот кон нивниот понатамошен развој, наведува организаторот.

Меѓународниот натпревар „Охридски бисери“, основан во 2002 година, е единствениот македонски член на Европската асоцијација на музички натпревари (EMCY) и претставува клучна платформа за поддршка и афирмација на талентирани млади музичари.

Во првиот дел од програмата (од 19 часот) ќе настапат Ѓорѓи Димовски – саксофон и Маја Божиновска – пијано, со дела од Роберт Муцински, Роже Бутри, Томислав Зографски, Александар Глазунов и Алфред Дезанкло. Во вториот дел (од 20 часот) ќе следува рецитал на Андреј Шаклев – пијано, со дела од Ј. С. Бах / Ф. Бузони, Фредерик Шопен и Сергеј Рахмањинов.

Младиот саксофонист Ѓорѓи Димовски (2004) е студент на Факултетот за музичка уметност во Скопје и добитник на повеќе домашни и меѓународни признанија, меѓу кои и специјална награда на државниот натпревар во Скопје, како и награди од „Стеван Мокрањац“, „Саксклар“ и „Охридски бисери“.

Пијанистката Маја Божиновска е дипломец на Факултетот за музичка уметност – Скопје и магистер на Универзитетот за музика и изведувачки уметности во Виена. Настапувала на бројни фестивали и концерти во земјата и странство, а од 2015 година е наставник во Државното музичко училиште во Битола.

Пијанистот Андреј Шаклев живее и работи во Италија, каде што предава на Конзерваториумот во Сасари. Образованието го стекнал во Италија, Виена, Салцбург и Лондон и е добитник на бројни награди и член на меѓународни жири-комисии.

Сојузот на музичките уметници на Македонија (СМУМ), организаторот на „Златна лира“, посочува дека фестивалот и годинава ја продолжува својата мисија на поддршка и промоција на домашните музички таленти и афирмација на македонската изведувачка уметност.

Тагови: Охридски бисери Златна лира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер