Концерт на хорот „Менада“ и групна изложба - први настани во македонскиот КИЦ во Белград - Канал 5

Култура

Концерт на хорот „Менада“ и групна изложба - први настани во македонскиот КИЦ во Белград

Концерт на Mакедонскиот женски младински хор „Менада“ од Тетово и групна изложба насловена „Два конца парај“ утревечер се првите настани кои ќе бидат организирани во македонскиот Културно-информативниот центар во Белград. 

Концерт на хорот „Менада“ и групна изложба - први настани во македонскиот КИЦ во Белград

КИЦ Белград е сместен на улица „Македонска“ 30 и неговото официјално отворање се планира за во мај.

Mакедонскиот женски младински хор „Менада“ од Тетово ќе одржи концерт утревечер во 19 часот. Педводен од маестро Ивица Зориќ, хорот ќе се претстави со 50-минутна музичка програма, која во најголем дел ќе содржи духовна музика, а ќе бидат исполнети и неколку македонски евергрин композиции.

Хорот „Менада“ во своето 44-годишно постоење има исполнувано преку 500 ренесансни, класични и современи дела, како и дела од македонската народна музика, духовни песни и евергрин композиции. Диригентот Зориќ има организирано повеќе од 1000 концерти на класична музика, а за својата долгогодишна успешна работа е наградуван со врвни државни награди.

Покрај концертот на хорот „Менада“, утревечер во КИЦ Белград ќе биде отворена и групна изложба со наслов „Два конца парај“, на која ќе бидат претставени дела од 24 уметници, кои, како што информира организаторот на настанот, „се своевиден мост на поврзување и пријателство помеѓу македонската и српската ликовна уметност и култура.“

-КИЦ Белград во соработка со Друштвото на ликовни уметници „Македонци во Србија“, Галеријата „M“ и „Нушиќ Фондацијата“, избраа 50 дела од сите генерации уметници, кои во најголем дел од својот животен век твореле во Белград и во Србија, наведува КИЦ Белград во најавата за утрешниот настан.

Тагови: хор „Менада“ КИЦ Белград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Социјалните мрежи за прв пат се главен извор на вести во светот

Корисниците на вести низ целиот свет сè повеќе ги добиваат своите вести од социјалните медиуми и видео платформите, кои за прв пат ги надминаа традиционалните медиуми, според новиот извештај на Институтот Ројтерс.

Социјалните мрежи за прв пат се главен извор на вести во светот

Студијата предупредува дека променливите навики, поттикнати од помладата публика и алатките за вештачка интелигенција, ја преобликуваат глобалната медиумска индустрија и ги загрозуваат постојните бизнис модели за медиумските куќи, пишува France 24.

Годината 2026 претставува „значајна пресвртница: за прв пат, следењето вести од социјалните медиуми и видео мрежите, со удел од 54 проценти, ги надмина сите други извори и стана најраспространетиот начин за добивање вести на глобално ниво“, напиша Џим Иган, главен автор на извештајот на Институтот Ројтерс за проучување на новинарството.

Годишниот извештај на институтот, кој е со седиште на Универзитетот во Оксфорд, се смета за клучен индикатор за трендовите што го менуваат медиумскиот пејзаж.

Истражувачите ги базираат своите наоди на онлајн анкети спроведени од YouGov претходно оваа година меѓу речиси 100.000 луѓе во 48 земји. Овогодишното издание покажа дека 54 проценти од испитаниците ги добиле вестите од социјалните медиуми или видео платформите во неделата пред анкетата.

Тој процент се зголемува на 56 проценти кога се вклучени четботовите со вештачка интелигенција како ChatGPT.

Ова ги победи телевизиските вести, кои беа цитирани од 52 проценти од испитаниците, новинските апликации и портали од страна на новинските организации со 51 процент и радиото со 21 процент.

Иако ова е прв пат новите платформи да ги надминат старите во просек во глобалните анкети, оваа пресвртница се случила и претходно во некои земји. Во некои земји, особено во Европа, традиционалните медиумски веб-страници и апликации сè уште го водат патот.

Во едно глобално истражување, тројца од десет испитаници изјавиле дека социјалните медиуми или видео платформите се нивниот главен извор на вести.

Меѓу лицата на возраст од 18 до 24 години, тој удел се зголемува на половина. Различните социјални мрежи, исто така, охрабруваат различни модели на користење.

Повеќето испитаници го посетувале X или YouTube конкретно за да пронајдат вести, додека на Facebook, Instagram и TikTok, корисниците почесто наидуваат на вести додека вршат други активности.

Телевизијата остана водечки извор на вести само кај лицата на возраст од 45 до 54 години и над 55 години. Податоците за користењето на традиционалните медиумски апликации и портали се исто така поразителни, бидејќи ниедна возрасна група не ги навела како свој прв избор за информации.

Тагови: социјални медиуми

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Индонезија погодена од серија разорни земјотреси: Земјата не мирува

Серија разорни земјотреси,- земјата не мирува; прогласена тревога .

Видео: Индонезија погодена од серија разорни земјотреси: Земјата не мирува

Индонезискиот остров Сулавеси денес беше погоден од земјотрес со јачина од 6,7 степени според Рихтеровата скала, објави Европско-медитеранскиот сеизмолошки центар (EMSC).

Епицентарот на земјотресот бил на длабочина од 10 километри.

Издадено е предупредување за цунами. По овој земјотрес следела серија од најмалку осум последователни потреси.

Тагови: земјотреси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе објави нова инвестиција во ТИРЗ Тетово со која се очекува да се отворат над 400 нови работни места

Претседателот на владата Христијан Мицкоски денеска на прес-конференција ќе објави нова инвестиција  во ТИРЗ Тетово со која се очекува да се отворат над 400 нови работни места.

Мицкоски ќе објави нова инвестиција во ТИРЗ Тетово со која се очекува да се отворат над 400 нови работни места

Мултинационалната корпорација работи во индустријата за автомобилска опрема, дизајнира и произведува безбедносни производи, како и разни механизми и оперативни кабли за многу водечки производители на автомобили.освен во турција, компанијата е присутна и во Канада, Германија и Словачка.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер