Концерт на џез фестивалот „Нишвил“ вечер во рамките на Скопско лето - Канал 5

Култура

Концерт на џез фестивалот „Нишвил“ вечер во рамките на Скопско лето

Во рамките на Скопско лето, вечер во Куршумли Ан во Скопје, во соработка со ПолиФониа, ќе се одржи концерт на џез фестивалот „Нишвил“ од Србија. Ќе настапат „Моба трио“, Нишвил „Ромајам“ оркестар и ди-џеј Лоптица.

Концерт на џез фестивалот „Нишвил“ вечер во рамките на Скопско лето

Според амбасадорката на Србија во земјава, Невена Јовановиќ, преку настапот на овој „Нишвил“ џез фестивалот во Скопје, уште еднаш се потврдува добрата билатерална соработка која постои меѓу двете земји.

-Среќни сме што на овој начин ја потврдуваме уште еднаш добрата билатерална соработка која постои меѓу двете земји. Уметноста е таа која ги поврзува двете земји и вечер ќе имаме можност преку реномирани уметници од Србија, поточно преку претставниците од „Нишвил“ фестивалот, уште еднаш да покажеме колку се блиски култури и традициите и на двата народа, рече Јовановиќ на денешната прес-конференција.

Таа нагласи дека Србија целосно е посветена да глади пријателска соработка со Северна Македонија и се надева дека во иднина таа ќе се интензивира.

-Се надевам дека вечер ќе присустувате на концертот и ќе уживате во маестралната изведба. Да нагласам дека Србија е во потполност посветена да гради пријателска соработка и меѓусебна доверба со Северна Македонија и се надевам дека соработката ќе ја зајакнеме и интензивираме во сите области, а културата е една од најзначајните, додаде амбасадорката.

Директорот на „Нишвил“ фестивалот Иван Благојевиќ на прес-конференцијата информираше дека на програмата ќе биде композицијата на Шабан Бајрамовиќ, со оглед на тоа што покрај класичен, публиката ќе има можност да слушне и етно џез музика.

-Се надевам дека ќе стане традиција да гостуваме секоја година во Скопје, бидејќи блискоста и поврзаноста меѓу двата народи е многу важна за „Нишвил“ фестивалот. Секако, најмногу посетители на нашите настапи имаме од Македонија и Бугарија. Се надевам дека публиката ќе ужива во богатата програма, ја започнуваме програмата со композицијата на Шабан Бајрамовиќ со оглед на тоа што вечер покрај класичен џез ќе има и етно џез, а Шабан Бајрамовиќ на некој начин е заштитник на Ниш, рече Благојевиќ.

Пијанистот на групата „Моба трио“ Миша Павловиќ посочи дека ова го прават најмногу од љубовта кон класичен џез, свират композиции од минатата година, а во тек е и снимање на нивниот албум.

-„Нишвил“ е благодет на Ниш, но и на целата Србија, благодарение на големата група на ентузијасти, професионалци на чело со Благојевич. Денес Ниш живее само за „Нишвил“. Ги повикувам луѓето од Македонија во што поголем број да дојдат вечер на концертот на „Нишвил“ фестивалот, додаде Павловиќ.

Вокалната солистка на Нишвил „Ромајам“ оркестарот, Злата Маринковиќ посочи оти е драго што е дел од овој проект и што има можност да ја доловат ромската но и етно џез музиката.

-Драго ми е што вечер ќе имам можност да настапам со талентирани музичари. Нашиот репертоар се состои од етно џез и џејси џез и одредени жанрови, на луѓето им се допаѓа ваков вид на музика и се надевам дека ќе уживаат вечер во концертот, рече Маринковиќ на прес-конференцијата. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џастин Бибер ќе настапи на финалето на Светското првенство?

Се наведува дека Џастин Бибер е во преговори да настапи на полувремето од финалето на Светското првенство.

Џастин Бибер ќе настапи на финалето на Светското првенство?

Извори од ФИФА велат дека официјалните лица размислуваат да го вклучат во спектаклот што ќе се одржи на 19 јули на стадионот „МетЛајф“ во Њу Џерси, објавува „TMZ“.

Веќе импресивен список на изведувачи

Бибер на тој начин би се придружил на веќе импресивниот список на изведувачи, кој, според најавите, ги вклучува Мадона, Шакира и популарниот јужнокорејски бенд „BTS“. Ангажирањето на канадската ѕвезда за ФИФА би имало смисла и поради неговата неодамнешна поврзаност со турнирот.

Забележан на церемонијата на отворањето

Џастин и неговата сопруга Хејли Бибер беа во центарот на вниманието на церемонијата на отворањето на Светското првенство во Инглвуд пред неколку недели. Во таа прилика, Џастин ги изненади ВИП гостите со интимен настап зад сцената, каде што ја изведе својата песна „Yukon“.

Единствен настап наместо турнеја

Можниот настап на финалето носи интересен пресврт во летото на Бибер. Неодамна беше објавено дека, и покрај шпекулациите, пејачот во моментов не планира турнеја. Сепак, еднократен настап на најголемата фудбалска сцена во светот е сосема друга приказна.

Во медиумите веќе се шпекулира дека би било интересно да се види Бибер како го завршува турнирот, особено ако репрезентацијата на САД продолжи со добрите резултати. Иако Бибер е Канаѓанец и покажа симпатии кон Мексико на церемонијата на отворањето, неговиот настап би бил во согласност со идејата за Светското првенство - собирање на целиот свет на едно место.

Извор: Б92

Тагови: Џастин Бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бајден го номинира Трамп за Нобелова награда?

Синот на поранешниот американски претседател, Хантер Бајден, наводно објавил на социјалните мрежи дека го номинирал американскиот претседател Доналд Трамп за Нобелова награда за мир, што некои медиуми го опишаа како „обид за провокација“.

Бајден го номинира Трамп за Нобелова награда?

Како што објави „Хафпост“, Бајден ја претставил својата објава како номинација со иронично објаснување кое се толкува како критика на претходните тврдења на Трамп дека тој ја заслужува Нобеловата награда.

Белата куќа официјално не коментираше за наводното соопштение, а некои извори блиски до администрацијата наводно реагирале со саркастичен тон.

Трамп јавно го изразува своето верување со години дека ја заслужува Нобеловата награда за мир, истакнувајќи ги неговите дипломатски иницијативи за време на неговиот мандат.

Тој, исто така, постојано ги критикуваше одлуките на Нобеловиот комитет, особено откако наградата им беше доделена на други политички лидери.

Објавата на Бајден предизвика широки реакции на социјалните мрежи, при што корисниците ја толкуваа на различни начини, од политичка сатира до обид да се привлече вниманието кон претходните изјави на Трамп за Нобеловата награда.

Нобеловиот комитет не коментираше за поединечните номинации, кои генерално се доверливи.

Тагови: Доналд Трамп Нобелова награда Хантер Бајден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Намалена довербата во рускиот претседател Путин

Довербата во рускиот претседател Владимир Путин се намали за 3,4 процентни поени за една недела, додека одобрувањето на неговата работа се намали за 3,5 процентни поени, според анкетата на руската државна агенција за истражување на јавното мислење.

Намалена довербата во рускиот претседател Путин

Податоците доаѓаат од Рускиот центар за истражување на јавното мислење, или „ВЦИОМ“, објавени од рускиот медиум „Агентство“ на 3 јули.

Медиумите објавија дека довербата во Путин не се намалила толку брзо од почетокот на руската инвазија на Украина, додека неговиот рејтинг на одобрување не се намалил со ова темпо од 2024 година.

Вкупно 73,3% од испитаниците рекле дека му веруваат на рускиот претседател, додека 22,1% рекле дека не. Една недела претходно, тие бројки беа 76,7% и 18,8%.

Во исто време, 66,9% од испитаниците рекле дека го одобруваат работењето на Путин, додека 21,3% рекле дека не го одобруваат.

Една недела претходно, тие бројки беа 70,4% и 19,7%.

Последниот пат кога рејтингот на Путин падна толку брзо беше во август 2024 година, кога тој изгуби 3,5 процентни поени за една недела, објави медиумот.

Фондацијата за јавно мислење, која соработува со Кремљ, исто така забележа влошување во својата проценка на работата на Путин. Нејзините податоци покажаа дека 70% од испитаниците рекле дека Путин добро ја врши работата на власт, што е намалување за 1 процентен поен во однос на претходната недела.

Медиумот рече дека отчитувањето од 70% е најниското ниво од почетокот на целосната инвазија на Русија врз Украина.

Анкетата од јуни 2026 година од рускиот центар Левада покажа дека рејтингот на Путин паднал за 5 процентни поени, од 79% на 74%, објави агенцијата на 2 јули.

Во извештајот, исто така, се вели дека уделот на Русите кои веруваат дека земјата се движи во вистинската насока паднал со рекордно темпо во јуни. Уделот на Руси кои не го одобруваат работењето на Путин, исто така, се зголеми од 15% на 21%, што е највисоко ниво од септември 2022 година, кога започна мобилизацијата, се вели во извештајот.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер