Концерт на Александра Коцевска и Глигор Гелебешев во Велес - Канал 5

Култура

Концерт на Александра Коцевска и Глигор Гелебешев во Велес

Во Ликовниот салон во Велес синоќа беше одржан концерт на Александра Коцевска соло пеење – мецосопран во пијано придружба на Глигор Гелебешев, кои од публиката беа враќани на бис, а за крај Коцевска ја отпеа популарната ариа Кармен. 

Концерт на Александра Коцевска и Глигор Гелебешев во Велес

Концертот беше во организација на Сојузот на музичкии уметници на Македонија (СМУМ) преку проект поддржан од Владата кој се реализира преку Министерството за култура,во рамки на циклусот концерти низ државата насловени „Про музик".

Двајцата успешни уметници и професори од ДМУБУЦ „Илија Николовски-Луј" од Скопје пред велешката публика се претставија со дела од Шопен, Гранадос, Сарасате, Росини, со Шпанска канцона и дело од Обрадорс.

По успешниот настап во разговор за МИА, тие оценија дека се задоволни од настапот и велешката едуцирана публика која знае што е добра класична музика.

Проф Глигор Гелебешев вели дека во Велес настапувал повеќепати и како солист и како пијано придружба и како камерен музичар и оценува дека велешката публика е едуцирана познава и многу сака класична музика и дека тој со задоволство доаѓа во Велес, а сега и со неговата колешка Александра Коцевска.

На новинарско прашање колку е важно освен во Скопје да настапат и во други градови во внатрешноста на земјата, тој појасни дека тоа е важно за нив како уметници но и за публиката која за ваков настан не мора да патува во Скопје.

Гелебешев искажа голема благодарност што во таа насока ја добивата подршката од Министерството за култура. Тој информира дека овој програм со кој настапија во Велес е нов и планираат понатаму со овој концерт да настапат и во странство.

За разлика од Гелебешев неговата колешка Александра Коцевска првпат настапува – пее во Велес.

-Јас сум задоволна од настапот посебно од салата, бидејќи тука можете да си го слушате и да си го раководите гласот во ваква прекрасна сала. Имаше многу публика, а тогаш адреналинот расте и вие имате чувство дека треба навистина да го докажете тоа што сте го работеле со години, појаснува Коцевска.

Таа вели дека настапот во внатрешноста многу и значи бидејќи нејзините почетоци биле во педагогијата кога почнала во 1996 година во Штип и каде е основоположник на соло пеењето.

– Многу ми значи што во овие четири години настапував во многу градови и гледав тоа да е музука која е привлечна за народот не многу тешка за слушање,меѓутоа привлечна и гледам дека луѓето навистина се желни за музика. Не само за народната и забавната, тука и за класичната и сакаат да слушнат нешто навистина убаво. Затоа јас на крај на концертот на бис ги наградив со популарната арија Кармен,затоа што народот ја познава и ја сака и затоа се одлучив токму нејзе да ја изведам, а и затоа што е за мецосопран,појасни Коцевска.

Воедно најави дека на 18 декември ќе има свој последен годинашен концерт во салонот 19/19 во Скопје.

Коцевска информира дека годинава и била многу плодна и настапила во повеќе градови во земјава: во Прилеп со „Трио колегиум",имала настап со дуо „Пани" односно како квартет во Кочани, со „Трио колегиум" во Штип,настапувала на „Куклите".

Во понеделникот имала концерт „Танго звуци" во Музејот на македонска народна борба, a претходно и голем проект докуметарен филм со Македонската телевизија за големата композиторка Клара Шуман./MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шумски пожари беснеат во југозападна Франција- евакуирани се над 10.000 луѓе (ВИДЕО)

Повеќе од 10.000 луѓе се евакуирани преку ноќ во југозападна Франција откако пожар што брзо се ширеше зафати 2.000 хектари земјиште западно од градот Бордо, соопштија локалните власти.

Шумски пожари беснеат во југозападна Франција- евакуирани се над 10.000 луѓе (ВИДЕО)

Податоците покажуваат дека шумските пожари во Европа веќе изгореле повеќе земјиште оваа година од годишниот просек во последните две децении.

Континентот што се затоплува најбрзо во светот претрпе три практично последователни топлотни бранови оваа година. Петстотини пожарникари се обидуваат да го локализираат големиот пожар, објави префектурата. Досега никој не е повреден.

Шумскиот пожар избувна во близина на областа на заливот Аркашон, туристички центар, а многу од евакуираните се туристи кои престојуваат во кампови.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Федоров го одби Зеленски: Се враќам само како министер за одбрана

Поранешниот украински министер за одбрана Михајло Федоров во четвртокот ја одби понудата да стане вицепремиер за воени иновации.

Федоров го одби Зеленски: Се враќам само како министер за одбрана

Во писмен одговор, тој рече дека е заинтересиран само за враќање на старата позиција, бидејќи верува дека само од таа позиција може да ги спроведе потребните реформи и да придонесе за победата во војната против Русија, пишува „Киев пост“.

Во писмото, кое им го достави и на новинарите, Федоров му се заблагодари на претседателот Зеленски за понудата. Сепак, тој нагласи дека ќе ги разгледа само оние функции од кои навистина може да влијае на ситуацијата.

„Му сум благодарен на претседателот за сите понудени опции. Сепак, денес во земјата има само три позиции кои, заедно со војниците на бојното поле, навистина го обликуваат текот на војната: претседателот на Украина, министерот за одбрана и врховниот командант на вооружените сили“, напиша Федоров. „Затоа нема да прифатам никаква друга позиција освен онаа на министерот за одбрана“, додаде тој.

„Само како министер можам да спроведам реформи“

Тој објасни дека позицијата министер за одбрана е единствената што му дава вистински алатки за спроведување на клучни промени во армијата.

„Ниту една друга улога не носи вистински овластувања за борба против корупцијата во набавките, за завршување на трансформацијата на армијата, за планирање и извршување на асиметрични операции против непријателот. Ниту за искоренување на културата на лаги и неодговорност во системот или за завршување на иницијативите што нашиот тим веќе ги започна во Министерството за одбрана“, објасни тој.

На крајот, тој повтори дека титулите и статусот не му се важни. „Мојата единствена цел отсекогаш била да имам вистинско влијание врз исходот и да ја доближам Украина до победата“, заклучи Федоров.

Тагови: Володимир Зеленски Федоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Инфлуенсер постави када на планински врв во Велс- му се заканува казна (ВИДЕО)

Инфлуенсерот Том Кристофер предизвика многу критики откако остави када на врвот на велшката планина Пен и Фан, која е висока речиси илјада метри.

Инфлуенсер постави када на планински врв во Велс- му се заканува казна (ВИДЕО)

Кристофер објаснува дека ја донел кадата за да се обиде да го сруши рекордот за „највисока када во светот“, но рагби играчите од Кардиф морале да ја спуштат бидејќи останала на врвот повеќе од 24 часа. Инфлуенсерот планирал да ја отстрани кадата во рок од 48 часа, пишува The Telegraph.

Обид за уривање на рекордот

25-годишникот рекол дека решил да купи сосема нова када и да ја однесе на највисокиот врв во јужен Велс во четврток, 16 јули. „Само сакав да направам нешто лудо и да направам забавно видео од мене како пливам во Пен и Фан додека сонцето заоѓа“, рекол Кристофер.

Се снимил себеси како ја влече кадата по планината, а во подножјето поставил знаци со кои ги замолувал минувачите да му помогнат да ја наполни со шишиња речна вода.

@tomchrist0pher 886m Worlds highest bath 🛁 🌍 #worldwide #record #penyfan ♬ original sound - Tom Christopher

Интервенција на рагби играчи

Сепак, кога рагби играчите од Кардиф ја посетија планината еден ден подоцна, во петок, 17 јули, кога таа сè уште беше на врвот, тие самите ја спуштија.

Портпаролот на Академијата за рагби во Кардиф ги критикуваше постапките на Кристофер. „Одличен ден за Сениорската академија што му помага на Националниот фонд за Пен и Фан. Тоа беше непроценливо работно искуство и важна лекција за тимска работа. Групата, исто така, имаше задоволство да спушти када од врвот. Кој воопшто остава када на планина?! #несовесно“, објавија тие.

Извинување и објаснување

Кристофер се извини и тврди дека направил сè „искрено за благородна цел“.

„Но, тоа беше навистина за добра кауза. Иако сега јас сум лошиот човек, ми е мило што луѓето се грижат за националните паркови и ги одржуваат чисти“, додаде тој.

Тој, исто така, ја објасни финансиската страна на приказната. „Ми недостасуваат 400 фунти (470 евра) за таа када, но научив од мојата грешка. Можев да земам стара, валкана када, но оваа беше сосема нова и дефинитивно планирав да ја вратам.“ Во меѓувреме, вели тој, чуварите на Националниот фонд го информирале дека кадата е уништена.

Сериозен недостаток на проценка

Пол Батерс, кој го организираше чистењето со групата „Вемблс од Велс“, изјави за Телеграф дека Кристофер покажал „сериозен недостаток на проценка“. „Тој се извини и се надевам дека ја научил лекцијата. Тој е влијателен човек и има многу следбеници. За мене вистинските херои се рагби тимот и нивните тренери кои го спуштија“, рече Батерс.

Националниот фонд Кимру, кој управува со областа, рече дека кадата претставувала опасност. „По извештаите за када оставена на врвот на Пен и Фан, нашиот тим чувари го отстрани предметот со помош на волонтери од Академијата за рагби во Кардиф. Кадата претставувала ризик за посетителите и за оваа заштитена зона поради можна контаминација“, се вели во соопштението.

„Фрлањето ѓубре и нелегалното фрлање предизвикуваат голема штета на природата и дивиот свет и ги одвлекуваат нашите чувари од важна работа како што се реставрацијата на живеалиштата и одржувањето на патеките. Ги молиме сите посетители да не оставаат траги за да можат сите да уживаат во овие посебни места.“

Казната за нелегално фрлање ѓубре во Велс моментално е 1.000 фунти (1.172 евра) и би можела да се зголеми на 5.000 фунти (5.861 евра) доколку се воведат построги мерки ова лето.

Тагови: Велс инфлуенсер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер