Комплетирано седмото коло во ракометната Лига на шампиони - Канал 5

Ракомет

Комплетирано седмото коло во ракометната Лига на шампиони

Со германското дерби меѓу Кил – Фленсбург 22:30, комплетирано е седмото коло во ракометната Лига на шампиони.

Комплетирано седмото коло во ракометната Лига на шампиони
Ова беше меч од А групата во која вчера се одиграа уште два натпревари.

Барселона за која настапуваат Кирил Лазаров и Борко Ристовски славеше триумф на гостувањето кај Силкеборг со 27:23, додека дуелот Веспрем – ПСЖ заврши со минимална победа на гостите од Франција со 29:28.

Македонскиот вицепрвак Металург на гостувањето во Норвешка беше поуспешен од Елверум со 31:26.

Пласман по групи по седум рунди:

А група: ПСЖ 12 бодови, Барселона 12, Фленсбург 9, Веспрем 8, Кил 6, Висла Плок 5, Силкеборг 4, Кадетен Шафхаузен 0.

Б група: Вардар 12 бодови, Киелце 10, ПИК Сегед 9, Рајн-Некар 9, Мешков Брест 7, Цеље 4 Кристијанштад 3, и ППД Загреб 2.

Ц група: Монпеље 10 бодови, Ла Риоха 9, Чеховски Медведи 6, Таран Прешов 6, Металург 6 и Елверум 5.

Д група: Табела: Нант 11 бодови, Мотор Запорожје 9, Бешикташ 9, Динамо Букурешт 6, Брага 4 и Холстебро 3. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсена е скопјанка, која запалила тревна површина во центарот на градот

Лишена од слобода скопјанка, предизвикала пожар во централното подрачје на Скопје.

Уапсена е скопјанка, која запалила тревна површина во центарот на градот

На 06.09.2026 во 13:05 часот во Скопје, на подрачјето на Центар, полициски службеници од СВР Скопје ја лишија од слобода Ш.И.(51) од Скопје, поради постоење основи на сомнение дека со запалива материја предизвикала пожар, при што опожарени биле поголема тревна површина со дрва, а биле зафатени и две бандери.

По целосно документирање на случајот, ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десет артилериски плотуни за Денот на независноста: Армијата со почесна стрелба во касарната „Илинден“

По повод Денот на независноста, денеска во 19 часот, во касарната „Илинден“ во Скопје, артилерискиот баталјон на армијата ќе изврши почесна артилериска стрелба со 10 плотуни од шест артилериски орудија.

Десет артилериски плотуни за Денот на независноста: Армијата со почесна стрелба во касарната „Илинден“

Според генералштабот на армијата, во 18 часот ќе биде извршена пробна артилериска стрелба, со еден плотун од шест артилериски орудија. Почесната стрелба е дел од протоколарните активности на армијата по повод одбележувањето на 8 Септември – Денот на независноста..

Тагови: Денот на независноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер