Компанијата на Де Ниро ќе треба да ѝ плати 1,2 милиони долари на неговата поранешна асистентка - Канал 5

Шоу биз

Компанијата на Де Ниро ќе треба да ѝ плати 1,2 милиони долари на неговата поранешна асистентка

Компанијата на Роберт де Ниро ќе треба да ѝ плати повеќе од 1,2 милиони долари на неговата поранешна лична асистентка како отштета, откако Судот утврди дека неговата продукциска компанија допуштила полова дискриминација.

Компанијата на Де Ниро ќе треба да ѝ плати 1,2 милиони долари на неговата поранешна асистентка

Инаку, двојниот оскаровец мина три дена од двонеделното судење, вклучително и два на говорницата за сведоци. Иако поротата утврди дека Де Ниро не е лично одговорен за тоа што се случило, на неговата продукциска компанија „Канал продакшн“ ѝ е наложено да изврши две исплати од по 632.142 долари на неговата долгогодишна асистентка Грејм Чејс Робинсон.

Тој е во правни битки со Робинсон откако таа си замина од кај него во април 2019 година. Тој не беше во судницата кога беше прочитана пресудата во четвртокот попладне.

Робинсон сведочеше дека Де Ниро (80) и неговата девојка Тифани Чен заговарале против неа за да ѝ ја претворат работата што некогаш ја сакала и каде минала околу 10 години - во кошмар.

Де Ниро и Чен сведочеа дека Робинсон станала проблем кога пројавила амиции за сѐ поголема плата во компанијата на Де Ниро. Глумецот пред поротата сведочеше дека ѝ ја зголемил платата на Робинсон од безмалку 100.000 долари годишно на 300.000 долари и ја унапредил во потпретседателка за продукција и финансии на нејзино барање, иако нејзините обврски останале речиси исти.

Роберт де Ниро како сведок призна и многу од тврдењата на Робинсон во однос на нејзината тужба за полова дискриминација и одмазда во вредност од 12 милиони долари, вклучително и дека тој можеби ѝ рекол оти неговиот личен тренер добил поголема плата од неа, делумно затоа што имал семејство за прехранување. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Четворица дилери на дрога се уапсени во Куманово

Претрес во Куманово, пронајдена дрога, лишени од слобода четири лица.

Четворица дилери на дрога се уапсени во Куманово

На 25.07.2026, полициски службеници од СВР Куманово ги лишија од слобода Д.И.(55), М.И.(26), Р.А.(50) и А.П.(46), сите од Куманово. При претрес во домот на Д.И., извршен со судска наредба во 14:00 часот, кој не бил дома, а биле затекнати неговиот син М.И., неговиот пријател Р.А. и пријателката А.П., биле пронајдени и одземени прашкаста материја, дигитална вага, предмети со остатоци од бела прашката материја, метадон и други предмети.

По преземени мерки, во 17:30 часот на Спомен костурница во Куманово бил пронајден и Д.И. и кај него биле пронајдени и одземени предмети со остатоци од прашкаста материја, дробилка и други предмети. По целосно документирање на случајот, против нив ќе следува соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Владата продолжува со силна поддршка за развој на Скопје, следува набавка на нова комунална опрема и електрични автобуси

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде.“

Мицкоски: Владата продолжува со силна поддршка за развој на Скопје, следува набавка на нова комунална опрема и електрични автобуси

„Јас сакам само да упатам честитки на работата на градоначалникот бидејќи би рекол за овие неколку месеци се направија големи чекори во проекти коишто беа до никаде, односно беа заглавени и со посветена работа, можам да кажам дека за овие неколку месеци откако Орце е градоначалник се гледа огромен напредок, еве како што самите слушнавте до Нова година очекуваме не само овој проект туку уште други 2, па и би рекол 3 проекти ќе бидат завршени.

Тука би сакал уште еднаш да додадам дека Градот Скопје од Владата исто така треба да добие до Нова година камиони, цистерни и метларки за подобра хигиена. Тендерот тука е завршен, мислам и дека оние формални процеси со царина и слично се завршени.

Таму некаде до крајот на август месец денеска разговарав со потпретседателот на Влада и министер за транспорт ќе можеме да направиме промоција и на таа опрема се разбира бидејќи таа опрема нема да добие само Скопје туку и уште неколку други поголеми општини низ државата, исто така сега е процесот на жалби.

Очекувам и тој да заврши како процес и да се добијат новите автобуси електрични што исто така ќе ги добие Градот Скопје, но и другите општини низ државата, така што се интензивираат активностите, се работата проектите, се реализирано она коешто е ветено.

За жал, не можеме преку ноќ сето она коешто со децении е уништувано да го поправиме, но се разбира со фокусирана работа, со посветена работа гледате дека и тие работи што се невозможни стануваат реалност и стануваат возможни.

Благодарам на советниците коишто ја поддржуваат работата на градоначалникот, на администрацијата на Град Скопје, на колегите од Владата, на сите коишто се вклучени во реализирањето на овие проекти, тука пред сè мислам на градоначалниците во Градот Скопје.

Ние како Влада ќе продолжиме и понатаму да ги поддржуваме општините, а јас сум убеден дека Орце онаков каков што е карактер, уште попосветено, иако и сега е максимално посветен, уште попосветено ќе продолжи да ги реализира проектите коишто наумил да ги реализира, а се приоритет на Скопје.“, рече премиерот Христијан Мицкоски при увидот на градежните работи на клучката Момин поток во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарот во Франција се приближува до Бордо- пожарникарите користат нова метода во гаснењето (ВИДЕО)

Илјадници луѓе беа евакуирани од периферијата на Бордо, бидејќи големите шумски пожари во југозападна Франција се приближуваа кон градот. 

Пожарот во Франција се приближува до Бордо- пожарникарите користат нова метода во гаснењето (ВИДЕО)

Француската војска, исто така, се приклучи во борбата против невидениот пожар, со воен транспортен авион Ербас А400М кој беше распореден за прв пат. Снимен е како испушта 20 тони хемиски ретардант за да го спречи ширењето на пожарот, објави Јутарњи.

Објавените снимки го покажуваат авионот како лета ниско над загрозената шумска област додека испушта црвена мешавина од ретардант за пожар, обидувајќи се да го пресече патот на пожарот што се заканува да се прошири во нови населби.

Црвениот ретардант - мешавина од вода, хемиски средства за ретардант за пламен и пигмент - не се користи за директно гаснење на пламенот, туку се прска врз вегетацијата пред фронтот на пожарот за да се намали запаливоста на растенијата и да се забави напредокот на пожарот. Пожарот моментално е на околу 30 километри од Бордо, познат центар за одгледување вино и клучен транспортен центар за туристи на атлантскиот брег.

Францускиот министер за внатрешни работи Лоран Нуњез изјави дека рекордни 98.000 хектари земја се изгорени во Франција досега оваа година во пожарите, предизвикани од интензивниот топлотен бран низ Европа.

„Очекуваме долга и тешка битка“, предупреди Нуњез, додека францускиот премиер Себастијан Лекорну рече дека пожарите достигнале невидени нивоа. Властите ги евакуираа жителите од општините Ле Агебланш, Ејсин и Мерињак, а вкупно 167.000 луѓе се евакуирани од поширокиот регион Жиронд досега.

На возачите и патниците на возот им е советувано да ја избегнуваат областа. Според климатскиот монитор на Ројтерс, просечната температура во поширокиот регион Аквитанија во јули била 32,2°C, 7,3°C над повеќегодишниот просек.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер