Компанијата „Боинг“ мора да му исплати 28 милиони долари на семејството на жртва во несреќата на „Боинг 737 MAX“ во Етиопија во 2019 година - Канал 5

Свет

Компанијата „Боинг“ мора да му исплати 28 милиони долари на семејството на жртва во несреќата на „Боинг 737 MAX“ во Етиопија во 2019 година

Пресудата изречена на семејството на Шика Гарг е прва од серијата тужби поднесени по оваа несреќа и уште една во Индонезија во 2018 година, во која загинаа вкупно 346 лица.

Компанијата „Боинг“ мора да му исплати 28 милиони долари на семејството на жртва во несреќата на „Боинг 737 MAX“ во Етиопија во 2019 година

Поротата во федералниот суд во Чикаго вчера и наложи на компанијата „Боинг“ да му исплати повеќе од 28 милиони долари на семејството на вработена во Обединетите нации во одделот за животна средина која загина во несреќата на авионот „Боинг 737 MAX“ во Етиопија во 2019 година.

Пресудата изречена на семејството на Шика Гарг е прва од серијата тужби поднесени по оваа несреќа и уште една во Индонезија во 2018 година, во која загинаа вкупно 346 лица.

Според адвокатите на семејството, со спогодбата постигната вчераутро семејството на Гарг ќе добие 35,85 милиони долари, односно целиот износ на пресудата плус 26 проценти камата, и „Боинг“ нема да поднесе жалба.

Компанијата сè уште не одговори на барањето за коментар.

Адвокатките Шанин Спектер и Елизабет Крофорд, кои го застапуваа семејството, во соопштението изјавија дека пресудата „обезбедува јавна одговорност за погрешното однесување на ’Боинг’“.

Гарг имала 32 години кога авионот на летот 302 на „Етиопијан ерлајнс“ од Адис Абеба, Етиопија до Најроби, Кенија се урна само неколку минути по полетувањето, изјавија нејзините адвокатки.

Во тужбата се тврди дека авионот „Боинг 737 МАКС“ бил неправилно дизајниран и дека „Боинг“ не ги предупредил патниците и јавноста за опасностите.

Авионот на „Етиопијан ерлајнс“ се урна пет месеци откако авионот на „Лајон ер“ се урна во Јаванското Море во Индонезија.

Истрагата покажала дека автоматизираниот систем за контрола на летот придонел за двете несреќи.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер