Комитетот за права на жените на ЕП ја поддржа иницијативата за безбеден и достапен абортус - Канал 5

Живот

Комитетот за права на жените на ЕП ја поддржа иницијативата за безбеден и достапен абортус

Во документот се нагласува дека многу жени во Европа се уште немаат целосен пристап до безбеден и легален абортус и се изразува загриженост поради правните и практичните бариери што постојат во некои земји од ЕУ.  

Комитетот за права на жените на ЕП ја поддржа иницијативата за безбеден и достапен абортус

Комитетот за права на жените и родова еднаквост на Европскиот парламент денеска со 26 гласа „за“, 12 „против“ и ниту еден „воздржан“, усвои извештај во кој се поддржува граѓанската иницијатива „Мој глас, мој избор: За безбеден и достапен абортус“.

Во документот се нагласува дека многу жени во Европа се уште немаат целосен пристап до безбеден и легален абортус и се изразува загриженост поради правните и практичните бариери што постојат во некои земји од ЕУ.

Пратениците ги повикуваат тие земји да ги реформираат своите закони и политики за абортусот во согласност со меѓународните стандарди за човекови права.

Со извештајот се повикува и Еврокомисијата да воспостави финансиски механизам на доброволна основа за финансиска поддршка за обезбедување пристап до безбедно прекинување на бременоста во земјите од ЕУ во кои нема можност за легален абортус.

Европратениците ја нагласуваат улогата на ЕУ во поддршката на напорите за подобрување на сексуалното и репродуктивното здравје и права и повикуваат на посилна европска акција за универзален пристап до нив, вклучувајќи информации за планирање на семејството, прифатлива контрацепција, безбеден и легален абортус и здравствена заштита на мајките.

Во извештајот се изразува длабока загриженост поради „растечката реакција против правата на жените и родовата еднаквост во Европа и глобално“, вклучително и поради ограничувањата на сексуалното и репродуктивното здравје и права и нападите врз заштитниците на правата на жените, а воедно и се осудуваат антиродовите движења кои „се стремат да ја поткопаат еднаквоста и човековите права“.

Врз основа на усвоениот извештај од страна на Комитетот, треба да биде свикана дебата на некоја од следните пленарни заседанија на Европарламентот, од која треба да произлезе Резолуција за граѓанската иницијатива за безбеден и достапен абортус.

Тагови: абортус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер