Комеморација за Милан Завков - Канал 5

Култура

Комеморација за Милан Завков

Неговата музика со сигурност ќе живее уште долги години, преку интерпретацијата на неговите творења.

Комеморација за Милан Завков

Милан Завков зад себе остави голем број на композиции кои се неизбришлив дел од македонската фолклорна музичка ризница и кои уште долго ќе се изведуваат на сцените и ќе бидат дел од нашето секојдневие. Тој беше брилијантен инструменталист и еден од нашите најголеми виртуози. Во иднина допрва ќе се слави неговиот лик и дело. Ова беше посочено на денешниот комеморативен собир во Фоајето на Националната опера и балет, посветен на првенецот на НУ „Танец“, врвен инструменталист и музички автор, Милан Завков, кој почина ненадејно завчера, во 61-та година од животот.

Директорот на „Танец“ Мартин Вучиќ на денешниот комеморативен собир истакна дека Милан Завков остави трајни вредности во ансамблот на „Танец“ и неизбришливи спомени кај секој од вработените.

-На наш својствен начин, со музика, во иднина ќе му одадеме должна почит на маестро Милан Завков, иако неговата музика и така со сигурност ќе живее уште долги години преку интерпретацијата на неговите творења. Можам со сигурност да тврдам дека споменот на неговиот музички хабитус ќе остане вечно втиснат во ансамблите на „Танец“ и на македонската музичка култура во целост, рече Вучиќ.

Во телеграмата на сочуство од претседателот Стево Пендарвски која денеска ја прочитаа колегите на Завков, претседателот посочува дека Завков зад себе остави голем број на композиции, кои се неизбришлив дел од македонската фолклорна музичка ризница и кои уште долго ќе се изведуваат на сцените и ќе бидат дел од нашето секојдневие.

-Милан Завков беше брилијантен инструменталист и еден од нашите најголеми виртуози. Ќе остане запаметен по неговиот ангажман како долгогодишен раководител на орекстарот на „Танец“ и првенец на оваа иснтитуција. Со смртта на Милан Завков загубивме голем композитор, неповторлив инструменталист, но пред се благороден човек, вели претседателот во телеграмата.

Директорката на Здружението за заштита на авторски музички права, Антоанета Поповска Котевска на денешната комеморација повтори дека загубивме неповторлив виртуоз и автор, кој им го осветли патот на многу млади уметници и автори, оставајќи им аманет да продолжат да ја збогатуваат македонската музичка ризница.

-Животот е едно големо патување кое ни овозможува да се спријателиме со многу луѓе, но во суштина малку од нив остануваат во нашите срца. Со Милан многу одамна почнавме со едно едноставно здраво, а денес кажувам едно оловно тешко збогум. Голема вистина е дека луѓето умираат кога сите ќе ги заборават. Големиот Милан Завков не го дозволува тоа. Неговите дела, добрина, генијалност, го осудија на незаборав. Ќе го паметиме ние, ќе го паметат и генерациите по нас, бидејќи остави свој препознатлив печат на музичките дела кои се слушаат, пеат и едноставно значат македонска музика, додаде Поповска Котевска.

Сашо Либрински од Здружението на естрадни уметници на Македонија напомена дека Милан Завков беше стожерот на вистинската македонска народна и новокомпонирана музика.

-Кога се зборува за ваков великан, зборовите се недоволно силни да го опишат. Ваквите луѓе едноставно треба да ги знаеш, да им ја почувствуваш енергијата и духовноста. Ваквите великани никогаш не умираат, тие живеат вечно, тие се присутни во секој миг и простор. Вонвременскиот карактер на неговата музика допрва ќе не гали, продуховува и ќе ни го одзема здивот. Многу генерации Македонци ќе воспитува, многу среќни и несреќни љубови ќе се пронајдат во неговите песни, многу играорци ќе ги искршат даските на сцените низ светот играјќи на неговите безвременски инструментални композиции, многу вода ќе протече низ Вардар потсетувајќи не на нашиот Милан, додаде Либрински на денешната комеморација.

Тој додаде дека Милан Завков направи цело поглавје во историјата на македонската музика, направи историја, а неговото име ќе се слави со векови.

На сцената Милан Завков има соработувано со многу имиња, а зад него ќе останат над 150 авторски творби, многу трајни снимки и повеќе дискографски изданија, меѓу кои врвните мелодии како „Заиграј со мене”, „Камен да беше срцето” и „Свири мајсторе” од Гоце Арнаудов, „Нема друга Македонија” од Војо Стојаноски, „Лична Јовано” и „Лазарополе” од Наум Петрески, „Пат за Стамболград” и „Мораш душо да ме разбереш” од Благица Павловска, како и други создадени за Атина Апостолова, Пепи Бафтировски, Сузана Спасовска, Ленче Кукиќ, Миле Кузмановски, Зуица Лазова, Милица Кузмановска, Ефто Пупиновски.

Милан Завков низ годините се истакнува и како солист инструменталист со многу ора и чочеци и се здобива со углед на еден од најдобрите хармоникаши во земјава, но и на просторите на поранешна Југославија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Драма во познатите пештери Урзулеи на италијанскиот остров Сардинија. 

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Пештерски истражувач беше закопан во недела попладне по уривање на карпи и земја. Членовите на Националниот корпус за планинско и спелеолошко спасување (CNSAS) се сомневаа дека човекот е под огромни, повеќетонски парчиња карпа и чакал, објавува Bild.de.

По часови неизвесност, пристигнаа охрабрувачки вести - 31-годишниот Италијанец е жив и е успешно спасен. Фотографиите и видеата го покажуваат моментот кога повредениот човек е извлечен на површината во понеделник вечерта, по повеќе од 27 часа поминати заробен под земја.

Човек заробен на длабочина од 10 метри

Според информациите од спасувачките екипи, човекот ја истражувал пештерата кога се случило лизгање на земјиштето, а карпите и камењата го покриле преминот и го заробиле на длабочина од околу 10 метри.

Неговиот партнер ги известил спасувачките служби околу 14:30 часот. Потоа започнала драматична трка со времето за да го однесат човекот на безбедно.

Во операцијата учествуваа околу 60 спасувачи

На местото на несреќата беа распоредени специјализирани спелеолошки спасувачи, лекари и експерти за отстранување на урнатини од цела Италија. Вкупно околу 60 лица учествуваа во координираната операција, заедно со воздушни спасувачи и пожарникари.

Првично, не беше можно да се воспостави контакт со закопаниот човек, а преминот до пештерата Горопеду беше блокиран.

Спасувачите прво мораа да отстранат камења и урнатини за да стигнат до него. Работата траеше цела ноќ и продолжи до понеделник вечерта. Во многу ограничен простор, екипите рачно го расчистија преминот широк само 1,5 метри и со иста висина. Во исто време, мораа да го обезбедат отворот со дрвени штици за да спречат понатамошно уривање.

По повеќе од 27 часа напорна работа, тие успеаја да го ослободат човекот.

Според порталот „SardegnaLive“ и неколку италијански новински агенции, пештерскиот истражувач бил свесен во моментот на спасувањето, но не можел да се движи. Откако бил извлечен на површината, лекарите ја стабилизирале неговата состојба, а потоа бил префрлен во болница со хеликоптер на брза помош.

Тагови: италија карпи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари.

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари, соопшти аукциската куќа „Хант“, што ја прави највисоката цена платена досега за кошаркарски сувенир.

Купувачот на црвениот дрес, кој Џордан го носеше во вториот натпревар од финалето против Јута Џез на 5 јуни 1998 година, е инвеститорот во недвижности од Мајами, Рон Фирман, објавува АП.

Последниот шампионски трофеј на Џордан

Чикаго Булс ја победија Јута во тој натпревар и го израмнија резултатот на 1-1, а потоа ја освоија титулата во шест натпревари. Тоа беше шестиот и последен шампионски трофеј на Џордан во неговата кариера.

Сезоната 1997/1998 беше тема на документарната серија „Последниот танц“, објавена во 2020 година, која ја следеше последната шампионска сезона на Џордан со Чикаго.

Претседателот на аукциската куќа, Дејвид Хант, изјави дека важноста на Џордан на пазарот на спортски колекционерски предмети достигна ниво карактеристично за познати уметнички дела.

Продажната цена од 14 милиони долари е втората највисока сума платена за дрес што го носел спортист. Рекордот го држи дресот на бејзбол играчот Бејб Рут, продаден во 2024 година за 24,12 милиони долари.

Рут го носеше овој дрес кога го постигна познатиот хоум ран во Светската серија во 1932 година против Чикаго Кабс.

Сменуваше сопственик само еднаш

Дресовите што ги носеше Џордан во финалната серија во 1998 година веќе достигнаа мултимилионски износи. Дресот од првиот натпревар беше продаден во 2022 година за околу 10,1 милион долари, додека дресот од третиот натпревар минатиот месец достигна цена од околу 12,3 милиони долари.

Фирман рече дека Џордан е исклучително талентиран кошаркар кој е почитуван низ целиот свет и дека е многу возбуден поради купувањето.

Аукциската куќа во соопштението наведува дека дресот првично бил купен од Чикаго Булс во 2003 година и дека оттогаш сменил сопственик само еднаш.

Други предмети поврзани со последната сезона на Џордан во Чикаго се исто така од голем интерес за колекционерите.

Патиките што ги носеше во вториот натпревар од финалето против Јута беа продадени на аукција на „Сотби“ во 2023 година за 2,2 милиони долари, што во тоа време постави рекорд за најскап пар продадени патики.

Тагови: мајкл џордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пукотница во близина на Европскиот парламент: Едно лице загина, полицаец е застрелан во глава

Во пукотница во близина на зградата на Европскиот парламент во Брисел рано утрово загина едно лице, потврди канцеларијата на белгискиот обвинител.

Пукотница во близина на Европскиот парламент: Едно лице загина, полицаец е застрелан во глава

Пукањето се случило во населбата Иксел, а нема дополнителни информации за околностите на инцидентот, објавува „Бруселс тајмс“.

Во исто време, во бриселското предградие Зет се случи уште една пукотница, во која полицаец бил застрелан во главата додека се обидувал да запре украдено возило.

Осомничениот подоцна бил уапсен во специјална полициска операција, а кај него биле пронајдени три оружја.

Сè уште не е утврдено дали двата инцидента се поврзани.

Белгискиот министер за внатрешни работи, Бернар Квинтин, се огласи за смртта на полицаецот и рече дека е длабоко потресен од трагедијата. Тој изјави дека обвинителството спроведува истрага и дека одговорните ќе се соочат со полната сила на законот.

Во врска со двата случаи, обвинителството треба да одржи прес-конференција попладнево.

Тагови: Европскиот парламент полицаец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер