„Постојат актери кои излегуваат на сцена и актери кои ја носат со себе. Кили беше од овие вторите“ – со треперлив глас рече директорот на Македонскиот Народен Театар, Никола Кимовски на комеморацијата за актерот Кирил Поп Христов, кој почина неодамна во Еквадор.. За актерството и спомените со Поп Христов со длабоки емоиции говореа и неговите колеги.

-Имаше нешто исконско, нешто речиси диво. Една непомирлива љубов кон слободата. И можеби токму затоа Кили никогаш не беше актер кој може да се стави во рамка. Тој беше актер кој ги поместува рамките. - Никола Кимовски – Директор на МНТ.

-Покрај неговите улоги, одлично изиграни, он знаеше да го чува и да го следи својот животен лик – ликот на Кили. - Даница Георгиевска – Актерка.

-Пред секоја Бубамара доаѓав кај него, повеќе се дружевме и ми даваше точни и правилни совети околу тоа како да реализираме некоја точка или слично. - Ранко Петровиќ – Радио Бубамара.

Поп Христов зад себе остави богата актерска историја. Дел од неговиот актерски опис се Ликот на Принцот Едвард во „Ричард Трети“, Микољка во „Злосторство и казна“ КАКО И Џиги во „Павилјони“Поп Христов СЕ појавуваше и на филмското платно СО свои улоги во филмовите „Бал-кан-кан“, „Панкот не е мртов“, КАКО и „Тетовирање“, но и уште 15-ина други.

Кили замина за Еквадор пред 12 години и како што соопштија од семејството таму останува и неговото вечно почивалиште..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.