Култура

Комедијата „Чудесна теарпија“ на Драмски театар Скопје се игра утре во центарот на Скопје

Драмски театар Скопје првиот дел од сезоната во која ја прославува 80-годишнината од постоењето, ја заокружува со изведба на претставата „Чудесна терапија“ утре (вторник) во 21 часот на отворено во центарот на градот.

Граѓаните и посетителите на главниот град претставата ќе може да ја гледаат бесплатно на локацијата на малиот амфитеатар во комплексот на спомен-куќата на Мајка Тереза на улица „Македонија“ во Скопје.

„Чудесна терапија“ е работена по текст на авторот Даниел Глатауер. Режисер е Димче Николовски, драматург Александра Бошковска, костимограф е Раде Василев.

Улогите ги играат актерите на Драмски театар: Предраг Павловски, Маја Вељковиќ-Пановска и Соња Стамболџиоска.

Драматургот Александра Бошковска во програмската белешка за претставата вели: „Претставата ʻЧудесна терапија’ се занимава со потребата од чиста и искрена комуникација како предуслов за една среќна врска. При тоа, безусловно сме свесни дека во комуникациската еволуција, човештвото има уште многу етапи што треба да ги совлада“. Бошковска додава: „Комуникацијата е универзална способност на секој човек. Но, дали знаеме вистински да комуницираме? Се чини едноставно, но во врска, сакале или не, сѐ станува комплицирано. Понекогаш и до бескрај. Разговорот знае да прерасне во кавга, кавгата во конфликт, а конфликтот во војна. А проблемот, наместо да биде решен, да роди нов, поголем проблем“.

Претставата премиерно е изведена во мај 2019 година и до сега има 55 изведби од кои десетина гостувања биле на театарските фестивали во Македонија и во земјите од регионот. Поради универзалноста на темата и бравурозната изведба на актерската екипа, комедијата има одличен прием и актерите добиваат силни аплаузи како израз на задоволство на театарската публика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џенифер Анистон објави нови фотографии со своето момче

Конечно е среќна во љубовта: Џенифер Анистон објави нови фотографии со своето момче.

Холивудската ѕвезда, убавата актерка, Џенифер Анистон веќе некое време е во центарот на вниманието на јавноста, главно поради нејзината врска со Џим Кертис.

Се чини дека актерката конечно е среќна во љубовта, а тоа го потврдува и самата преку објави на социјалните мрежи.

Неодамна, екс сопругата на Бред Пит објави компилација од фотографии на Инстаграм, а оние на кои се гледаат таа и нејзиниот партнер за време на летните денови го привлекоа вниманието.

На првата фотографија, ѕвездата од серијата „Пријатели“ направила селфи од автомобилот, додека Кертис се смешка покрај отворената врата на возилото.

Двојката дел од времето го помина и во друштво на пријатели, меѓу кои Наоми Вотс, Били Крудап, Аманда Анка и Џејсон Бејтман. Дури и долгогодишната пријателка на актерката, Сандра Булок, ја коментираше објавата на Анистон.

„Секоја сцена е совршена“, напиша таа накратко. Набрзо потоа следеа бројни коментари од обожаватели кои напишаа дека изгледаат „прекрасно“ и дека е очигледно оти се „вљубени“.

Тагови: Џенифер Анистон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Најубавата италијанска водителка изгледа неверојатно, иако неодамна шсе породи

Една од најубавите телевизиски спортски водителки, „жешката“ Италијанка Дилета Леота повторно го привлече вниманието на своите фанови откако на социјалните мрежи сподели фотографија во костим за капење.

Водителката Дилета Леота, која неодамна се породи по вторпат, позираше за време на својот одмор во елегантно бикини што ја истакнуваше нејзината витка линија и исончан тен.

Многумина забележаа дека таа изгледа беспрекорно, а во коментарите пристигнуваа бројни комплименти за нејзиниот изглед.

Покрај тоа, водителката сподели и неколку семејни моменти со своите деца и со сопругот Лорис Кариус, а судејќи според нејзиниот профил на Инстаграм, уживањето нема крај.

„Преубава“, „Изгледаш неверојатно“, „Кој би рекол дека речиси се породи“, „Нестварна си“, „Ова изгледа како вештачка интелигенција“ – ова се само дел од реакциите на нејзините следбеници.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски воени бродови пристигнаа во Кина; Наскоро треба да започнат заеднички вежби

Кинеската и руската морнарица ќе одржат заеднички вежби следната недела во водите и воздушниот простор покрај кинескиот град Кингдао.

Веста беше објавена во недела од страна на кинеското Министерство за одбрана и руските државни медиуми, објави Ројтерс.

Во соопштението се наведува дека вежбите се одржуваат секоја година „со цел заедничко справување со безбедносните предизвици и одржување на регионалниот мир и стабилност“.

Руската државна новинска агенција РИА објави дека крстосувач, корвета, дизел-електрична подморница и брод за спасување од руската Тихоокеанска флота пристигнале во Кингдао за да учествуваат во вежби што ќе се одвиваат од 6 до 13 јули.

Следуваат заеднички патроли во Тихиот Океан .„По вежбите, дел од силите на двете страни ќе се упатат кон соодветни подрачја во Тихиот Океан за да спроведат заеднички поморски патроли“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.