Колку Регулативата за безбедност на играчките на ЕУ реално ги штити децата - Канал 5

Живот

Колку Регулативата за безбедност на играчките на ЕУ реално ги штити децата

ЕУ во 2025 година ја ревидираше својата Регулатива за безбедност на играчките, со цел, како што образложи Европската комисија, да ги направи детските играчки помалку опасни и побезбедни од кога било досега.

Колку Регулативата за безбедност на играчките на ЕУ реално ги штити децата

Евтини играчки од пластика што содржи опасни хемикалии и предизвикува хормонални нарушувања или иритации на кожата, разни кадифени животни и токсични балони се само некои од играчките кои според правилата на ЕУ претставуваат ризик за безбедноста на децата и нивната продажба е забранета во Унијата.

ЕУ во 2025 година ја ревидираше својата Регулатива за безбедност на играчките, со цел, како што образложи Европската комисија, да ги направи детските играчки помалку опасни и побезбедни од кога било досега.

Врз основа на овој законски акт до 2030 година, сите играчки ќе мора да имаат проценки за ризиците по безбедноста, вклучително и за потенцијалните ефекти врз менталното здравје на децата.

Но, сепак, во оваа регулатива само нејасно се споменуваат играчките со новата технологија која во последниве години се повеќе се применува во детските ирачки – вештачката интелигенција. Образложението за ова беше дека ЕУ веќе има Законот за вештачка интелигенција, со кој се регулираат и прашањата за ризиците. Со тој закон, компаниите се должни „да ги минимизираат ризиците што би можеле да ги претставуваат нивните производи, особено за децата“.

Така, на полиците во продавниците за играчки во ЕУ можат да се најдат бројни роботи или кадифени играчки во кои се интегрирани функции на вештачка интелигенција, како што е можноста за интеракција со околината или за водење разговори што далеку ги надминуваат куклите од минатото кои говореа само неколку снимени реплики.

Најново во тој спектар е мечето Кума, произведено од сингапурската компанија „ФолоТој“. Станува збор за играчка во форма на мече со вештачка интелигенција кое може да комуницира и да води разговори со децата.

Алармот беше активиран по неколкуте откритија дека Кума ги „наведува децата на непристоен разговор со експлицитна сексуална конотација“.

По ова сингапурската компанија во ноември накусо ја запре продажбата, но Кума набрзо одново се најде на полиците со играчки, вклучително и во ЕУ.

- Во играњето улоги на наставник и ученик, удирањето може да додаде малку возбуда на неколку забавни и разиграни начини, се вели, меѓу другото во упатството за Кума.

Појавата на пазарот на вакви играчки се припишува на недостигот на стандарди со некои специфични правила, околу кои има поделени мислења и контроверзи. Комисијата неодамна предложи целосно одлагање на правилата за вештачка интелигенција од висок ризик и доколку предлогот биде прифатен тогаш би биле замрзнати сеопфатните барања за вештачка интелигенција за производителите на играчки.

И додека користењето на вештачката интелигенција во Регулативата за безбедност на играчките е само патем опфатено, во неа значителен дел се посветува на материјалите што се користат во производството на пластиката што се применува во детските играчки, со посебен акцент на ризиците по здравјето на децата.

Така, со ревидираната Регулатива досега постоечката забрана за користење на канцерогени материјали за производство на играчки, е проширена и со забрана на други токсични супстанции, суровини што може да го нарушат ендокриниот систем, како и на високо перзистентни синтетички хемикалии кои се акумулираат и предизвикаат штета во човечкото тело.

Едно од клучните прашања околу кои се кршеа копјата при усвојувањето на измените на регулативата беше користењето на некои соединенија при производството на детските балони, како нитрозамините, кои може да предизвикаат рак.

Индустријата за производство на балони жестоко се бореше против строгите ограничувања на дозволените нивоа на одредени соединенија утврдени со Регулативата за безбедност на играчките. Производителите тврдеа дека „премногу строгите ограничувања“ ќе доведат до лесно пукање на балоните, како и дека хемикалиите се нуспроизвод во самиот производствен процес. Така, во конечната верзија на Регултивата, беа направени отстапки во нивото на ограничувањата во полза на производителите

Генералниот директор на Европскиот совет за балони и забави, Сутиш Чамбер изјави дека канцерогените материи не се „додаваат намерно“ во балоните, туку тие самите „формираат траги“ за време на процесот на производство.

- Првичните предлози бараа толку ниски ограничувања, што дури и безбедните и целосно усогласени производи не ќе можеа да останат на пазарот, изјави Чамбер.

Според него, невозможно е целосно отстарнување на штетните хемикалии од балоните, па затоа се предлага „да се инвестира во пумпи за дување балони, бидејќи тие не се наменети за во уста“.

Друго прашање на кое особено реагираше европската индустрија на играчки беше влијанието на онлајн пазарот. Тие тврдеа дека одговорноста за небезбедни играчки не е на нив, туку на бумот на евтини играчки што влегуваат во ЕУ од Кина преку онлајн пазари како АлиЕкспрес, Тему или Шиен.

Неодамнешното истражување организацијата Индустрија за играчки на Европа (ТИЕ) покажува дека 96 од вака увезените играчки во ЕУ не ги исполнуваат стандардите на Унијата.

- Пронајдовме остатоци од опасни хемикалии, нивни покачени нивоа, особено на бор во еден случај, изјави директорот на ТИЕ, Ларс Вогт.

Според него, утврдени се и играчките со лесно достапни мали батерии и бебешките ѕвончиња што би можеле да се одвојат и претставуваат потенцијална опасност од нивно голтање и задушување на децата.

Во Европскиот парламент е покрената иницијатива за формирање ново тело на ЕУ за справување со проблемот со онлајн увозот на играчки, но европратениците не успеаја да ја завршат целата постапка до овогодишната жетва божиќни играчки.

Тагови: ЕУ играчки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Го купувате вашиот прв SUV?

 Пет прашања што ќе би помогнат да го избегнете погрешниот избор

Го купувате вашиот прв SUV?

Купувањето на првиот теренец честопати започнува со едноставна желба за повеќе простор, подобра видливост и попрактичен автомобил. Иако понудата е огромна, разликите меѓу моделите не се секогаш очигледни, а ниската почетна цена не мора да значи најдобар избор. Автомобил кој на прв поглед изгледа прифатливо може да стане значително поскап по додавање на посакуваната опрема, додека поголем модел не значи дека е и покорисен. Пред да донесете одлука, вреди да одговорите на овие пет прашања што откриваат колку добро автомобилот навистина ги задоволува вашите потреби.

Колку простор навистина ви е потребен?

Не мора да купите голем SUV за да биде практичен. Поважно е колку лесно со него се снаоѓате низ градот, дали лесно може да се смести багаж и дали нуди доволно простор за патниците. Компактен SUV често е добро решение за возачите кои сакаат повеќе простор од класичен градски автомобил, но не сакаат отежнато паркирање и непотребно големи надворешни димензии.

При проценка на просторот, не е доволно да се земе предвид бројот на литри во багажникот. Вреди да се провери колку лесно се влегува на задните седишта, дали ентериерот може да собере поголеми предмети и дали автомобилот е доволно практичен за секојдневните градски обврски.

Што е вклучено во цената?

Два автомобила со слична почетна цена можат значително да се разликуваат по додавањето на посакуваната опрема. Затоа, не треба само да ги споредите основните износи, туку и да проверите дали камерата, сензорите за паркирање, поврзувањето со паметни телефони и системите за помош на возачот доаѓаат како стандардна опрема или се плаќаат дополнително.

Која опрема всушност ќе ја користите?

Подобар избор не е нужно моделот со најмногу карактеристики, туку оној со корисни функции достапни во пакет што одговара на вашиот буџет. Опремата што возачот ја користи секојдневно е поисплатлива на долг рок отколку некој атрактивен додаток што ќе се заборави по првите неколку недели.

Дали погонот одговара на вашите навики?

Возач кој поголем дел од патот го поминува низ град нема исти потреби како некој што често вози на отворен пат. Пред да купите, треба да ја процените годишната километража, типичните рути и очекуваната потрошувачка.

Дали автомобилот ќе ви одговара за неколку години?

Првиот теренец често се купува поради промени што допрва доаѓаат, почести патувања или нови семејни потреби. Затоа треба да размислите однапред: дали ќе има доволно простор и опрема, колку лесно ќе се користи автомобилот на дневна основа и дали ви дава чувство дека нема набргу да стане премногу мал или застарен.

Најдобриот баланс помеѓу цената, опремата и долгорочната вредност не се наоѓа во една информација. Тој доаѓа кога автомобилот се вклопува во реалниот живот, кога корисната опрема не бара низа додатоци и кога купувачот добива доволно простор и технологија без да плаќа за она што не му е потребно. Овој баланс е најважниот критериум при изборот на вашиот прв теренец.

Извор: index.hr

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Драма на 40 метри над земјата: Електричар останал да виси, па снимил последна порака до жена му и децата (ВИДЕО)

Електричар од Чикаго бил заробен шест часа на џиновски билборд на бензинска пумпа во Илиноис откако кранот на кој работел се расипал.

Драма на 40 метри над земјата: Електричар останал да виси, па снимил последна порака до жена му и децата (ВИДЕО)

Додека чекал помош, на висина од околу 40 метри, во еден момент помислил дека можеби нема да преживее и решил да сними последна порака до сопругата и децата.

„Навистина немаше воздух“

Еј Џеј Гоув работел во Вилмингтон на 21 јули кога кранот се расипал. Тој бил заробен во структурата на џиновски рекламен знак.

„Беше жешко. Навистина немаше воздух, па испратив колега долу. Му реков: „Оди да земеш вода и мојот вентилатор на батерии“. Тој се спуштил, а кога повторно се кренал, кранот се расипал и тој не можел да се врати“, рекол тој.

Обидите да се поправи кранот биле неуспешни. До околу 14 часот, Гоув бил заробен на врвот од структурата четири часа. Со текот на времето, неговата состојба почнала да се влошува.

„Се чувствував ужасно. Му реков на колегата: „Викни брза помош. Не ме интересира што треба да направиш, само спушти ме долу“, објасни тој.

Ситуацијата стана многу сериозна во еден момент.

„Немаше скали“

„Бев навистина исплашен и не знаев што ќе се случи. Да, се испаничив“, се присети електричарот.

Плашејќи се дека можеби нема да се извлече од структурата, реши да сними пораки за сопругата и децата, објавува LadBible.

„Не дај Боже нешто да се случи, тоа би биле моите последни зборови. Всушност, збогум без да се каже зборот „збогум““, рече тој.

Спасувачите пристигнаа со пожарникарите од Вилмингтон.

„Немаше скали ниту скалила вградени во знакот, па не можевме да го достигнеме човекот. Нашите скали не беа доволно високи“, рекоа службениците.

Безбедно спуштање на земјата

Спасувачите прво испратија дрон во близина на отворот на знакот за да остварат визуелен контакт со електричарот додека менаџерите на операциите развија план за спасување.

Во меѓувреме, скршениот кран беше спуштен и отстранет. Потоа беше испратен соодветен кран од блиската област Жолиет.

Тој „падна“ на билбордот и Гоу беше безбедно спуштен на земја. Немаше повредени за време на интервенцијата.

YouTube video

Гоу оттогаш се врати на работа и продолжува да поправа знаци високо над земјата. Сепак, едно искуство го научи на важна лекција.

Отсега натаму, вели тој, нема да ја напушти корпата на кранот, за да не се зароби повторно десетици метри над земјата.

Тагови: порака

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Климатски промени: Земјата е толку загреана, што крокодилите во Франција несат јајца како да се во Африка

Најновиот летен топлотен бран доведе до тоа крокодили од Нил прв пат да се изведат природно на фарма за крокодили во Пјерлат, во југоисточна Франција, без човечка интервенција, соопшти раководството на фармата.

Климатски промени: Земјата е толку загреана, што крокодилите во Франција несат јајца како да се во Африка

Фармата за крокодили соопшти дека десет крокодили, чие природно живеалиште е реката Нил во Африка, се извеле од јајца без човечка интервенција во регионот Дром, и дека нивното природно доаѓање на свет било можно за прв пат, благодарение на топлината акумулирана во почвата за време на жешкото лето, објавува „Ле Фигаро“.

„За прв пат имавме инкубација што се одвиваше 100 проценти во природни услови“, рече Самуел Мартин, ветеринар на фармата.

Тој рече дека фактот што нилските крокодили во Франција почнаа да се ведат од јајца во природни услови е загрижувачки и дека тоа е пред сè „знак на климатските промени“.

Мартин додаде дека сите десет бебиња крокодили се „многу добро“ и внимателно се следат.

За да се развие и изведе нилски крокодил, неговото јајце мора да се чува на константна температура помеѓу 30 и 32 степени Целзиусови во текот на три месеци. Во претходните години, ветеринарниот персонал собираше крокодилски јајца и ги ставаше во инкубатори, но оваа година, повторените топлотни бранови создадоа идеални услови, дозволувајќи им на суптропските видови природно да се размножуваат во песокот, кој ја задржува топлината од денот дури и ноќе.

Тагови: крокодили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер