Колку често и како да се чистат мобилните во време на пандемија ?

Поради пандемијата на коронавирус, луѓето станаа повеќе свесни за важноста на хигиената и чувањето на предметите чисти. Но, што е со телефонот, уред со кој повеќето го користат повеќе пати на ден или го ставаат до лицето?

Најпрвин добра вест. „Современите мобилни телефони не се толку подложни за ширење на микроби“, вели Маркус Егерт, професор по микробиологија и хигиена на германскиот универзитет Футванген.

"Во споредба со бројот на микроби на човечките раце, би можеле да кажеме дека нивниот број на мобилните телефони е занемарлив. За здрав човек кој користи мобилен телефон во сопственото домаќинство, бактериите на него не претставуваат опасност", вели Егерт.

"Современите паметни телефони имаат мазни површини, поради што мал број на бактерии се лепат на нив. Тие немаат од што да се хранат на такви површини, па не можат да се размножуваат. За разлика од тоа, бројот на бактерии што се наоѓаат на копчињата на старите мобилни телефони е многу поголем", објасни Егерт.

Тој додава дека начинот и местата на кои го користите вашиот мобилен телефон влијаат на тоа колку микроби се насобрале на него.

„Површината на паметниот телефон е одраз на свеста на корисниците за хигиена“, вели Себастијан Клоес од германскиот Битком. Сите оние кои ретко мијат раце, користат паметни телефони додека јадат и ги носат со себе во тоалетот или бања, ќе пренесат значително повеќе микроби на нивниот уред од оние што не го прават тоа.

Количината на микроби што ќе се лепат на неговата површина, исто така, зависи од состојбата на вашиот телефон. „Бактериите, вирусите и мувлите се лепат особено на гребнатини“, предупредува Клоес.

Претходното истражување откри различни видови на бактерии и вируси на телефоните. Вообичаено е да се пронајдат бактерии кои живеат и на нашата кожа, во респираторниот тракт, како и бактерии кои живеат во измет. И додека повеќето се состојат од бактерии од кои нема да се разболиме, не сите се целосно безопасни. Различни студии покажаа дека E. coli, MRSA и стрептококите живеат на мобилни телефони.

Во некои случаи, мора да бидете изложени на илјадници микроби за да се разболите, така што нивното присуство на мобилните телефони не е нужно причина за загриженост.

Производителите на паметни телефони, како Apple и Samsung, нудат упатства и совети за чистење на истите на нивните веб-страници. Се препорачува да се исклучи апаратот пред чистење, да се користи мека крпа од микрофибер. Ако мобилниот телефон е многу валкан, тие советуваат да го чистат со мека влажна крпа со малку сапун на неа.

Егерт вели дека мобилниот телефон кој не е многу валкан не треба да се дезинфицира бидејќи коронавирусот исто така се отстранува со обичен сапун. Тој предупредува дека средствата за чистење, како што се средства за чистење стакло или средства за чистење на база на алкохол, можат да ја оштетат облогата на екранот на паметниот телефон.

Колку често го чистите телефонот на крај зависи од тоа како го користите, вели Бернд Гилкл од германската асоцијација за детергенти и лична хигиена. Ако патувате често, ако запознавате многу различни луѓе или го користите телефонот во вашата кујна, дефинитивно треба почесто да го чистите.

Љубе Бошкоски е примен на Инфективната клиника, му се влошила состојбата со коронавирусот

Поранешниот министер за внатрешни работи Љубе Бошкоски попладнево е примен на Инфективната клиника откако неговата состојба поради коронавирусот се влошила.

Неговата состојба во овој момент е комплицирана, јавуваат медиумите ,но подетални информации до овој момент нема.

Бошкоски беше дијагностициран со ковид-19 минатата недела.Тој самиот пред неколку дена изјави дека му бил дијагностивиран Ковид-19 , но дека се чувствува добро и е во самоизолација во родниот Челопек.

Пукотници во Призрен, убиен напаѓачот кој пукал кон полицајците

Косовската полиција вечерва објави дека во Призрен напаѓачот пукал кон полицајците кои одговориле со огнено оружје во самоодбрана.

Во соопштението, косовската полиција наведува дека нивните припадници вечерва во Призрен го пронашле осомничениот Б.Ш., со прекар „Слепи“, за кого е распишана потерница за делото „убиство во обид“.

Во моментот кога ја забележал полициската патрола, осомничениот започнал да пука кон полицајците, кои биле принудени да одговорат со огнено оружје во самоодбрана, се вели во полициското соопштение.

На осомничениот, кој бил повреден при размената на оган, му била укажана лекарска помош и бил испратен на лекување во болница.Сепак, надлежните лекари потврдиле дека лицето починало, се додава во соопштението.

На местото на настанот е пронајдено оружје, со кое осомничениот пукал кон полицајците, како и две рачни бомби.

Форд од 80-тите е најскапиот караван на светот(ФОТО)

Тргувањето со стари автомобили е денес многу профитабилна работа, особено кога станува збор за егзотични примероци на класиците од минатиот век.

Овој Форд не припаѓа скоро никаде. Тоа е издолжено возило, типично за американскиот пазар,што ја дели основата со тогашниот Мустанг. Готовиот производ е апсолутно неинтересен во однос на технологијата. Се напојува со 3.8 V6 мотор , а овој модел има 150.000 километри поминато зад себе.

Сето ова вели дека автомобилот ќе биде тешко да го смени сопственикот, дури ни за неколку илјади евра, а камоли за 1.999.999 евра, колку што бара сегашниот сопственик. Неговата самодоверба произлегува од фактот дека тој е единствен, барем кога станува збор за изгледот. Автомобилот е насликан во 1996 година од танзанискиот уметник Џорџ Лиланг.

Според огласот објавен на mobile.de, Лиланг го насликал автомобилот за време на изложбата во Фирт, Германија, кога сопственик на хотел му понудил бесплатно сместување доколку го наслика автомобилот и го претворил во уметничко дело.

Друг уметник, Пони Јенги, помогнал во креирањето на новата надворешност, украсувајќи ги предните и задните делови на возилото, додека остатокот го направил Лиланг.

Без сомнение, безличниот караван станал уметничко дело и единственото прашање е дали вреди толку многу.

притисни ентер