Македонија

Колку барањата за лидерска средба се искрена намера за натпартиски консензус?

Колку барањата за лидерска средба се искрена намера за натпартиски консензус или политички театар?

Дел од аналитичарите во земјава се согласни дека политичарите треба да разговараат еден со друг, особено за прашања од национален интерес, но главната дилема е кој е ефектот од лидерските средби во изминативе години. Прашањето повторно го актуелизираше лидерот на СДСМ Венко Филипче за она што, според него, суштински треба да се направи по трагедијата во Кочани. Според Петар Арсовски прашање е дали лидерска средба е вистинскиот формат и дали политичарите или, пак, институциите треба да расправаат за вака важни прашања.

-Кога се` решавате на лидерска средба, прашање е зошто ви е потребен Парламент. Второто е високото ниво на политички антагонизам кој прави дел од политичките партии на тие средби да им пристапуваат со извесна доза на цинизам и сарказам. Така што, не сум сигурен во искрената желба на сите партии навистина да слушнат и да разговараат за тоа. Ако не постои таква некаква конкретна агенда, лидерската средба останува политички театар. Не треба ниту една политичка партија да се плаши од тоа транспарентно да проверува што се случило во Кочани, но во ваква ситуација можеби треба да се почека прво истрагата или можеби анкетната комисија треба да се состави на некакво надпартиско ниво. Не треба анкетната комисија да се претвори во можност за политички ПР на партијата која ја иницира, смета Арсовски.

Досегашната пракса покажала дека лидерските средби во Македонија се повеќе за сликање на политичарите отколку суштински промени, смета Благојче Атанасовски. Според него ваквиот начин служи за собирање на повеќе политички поени, анкетни комисии во Собранието наместо утврдување на фактите, се партизираат и политизираат, без конкретен успех.

- Сме гледале дека тие завршуваат само со сликање пред камерите, со некакви платформи, иницијативи, но ништо суштинско не се променило во дејствувањето во институциите на системот во Македонија. После ужасната трагедија во Кочани сите говорат дека треба да се промени и ресетира системот, но не мислам дека лидерите на политичките партии или елити кои кои го создадоа тој т.н систем не може да бидат решението на истиот. Мислам дека ова е некој вид на замајување на јавноста и бенигна иницијатива на лидерот на опозицијата колку да биде присутен во медиумите. Не верувам дека после сето тоа што беше инсталирано каков ваков систем и институции дека некоја анкетна комисија ќе издејствува независно расчистување на трагичните настани од дискотеката во Кочани, изјави Атанасовски.

Премиерот Мицкоски вчера ја отфрли идејата на Филипче за лидерска средба во поширок формат како пресериозна тема да се разговара преку медиуми, но го покани на разговор ако сака лично да му го образложи својот план. Барањето за анкетна комисија за истрагата во Кочани за Мицкоски е прифатливо, но само ако бидат опфатени и случаите од минатото како пожарот во Модуларната во Тетово, „Беса Транс“ и несреќата кај Ласкарци. Од СДСМ, пак, најавија дека сите детали околу лидерската Филпче ќе ги објави оваа недела.

Тагови: лидерска средба аналитичари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државен завод за ревизија: Недоволно пари и луѓе, како и слабата дигитализација кај Државниот пазарен инспекторат

Низа неправилности и слабости во работењето на Државниот пазарен инспекторат утврдил Државниот завод за ревизија.

Недоволен број инспектори, нецелосна дигитализација и неизвесност околу контролите на безбедноста на производите се дел од забелешките.државниот пазарен инспекторат во 2024 година спровел 28.263 инспекциски надзори.од нив, 21.108 биле редовни, 5.106 вонредни, а 2.049 контролни надзори.надзорите ги спроведувале 148 инспектори, од вкупно 313 систематизирани работни места..

Изразено е неповолно мислење за финансиските извештаи за 2024 година. Утврдено е дека апликацијата „е-инспектор“ не е целосно ставена во употреба.

Не е воспоставена ниту единствена електронска база со методологија за проценка на ризик. Во периодот од 2022 до 2025 година, од пазарот биле повлечени 40 производи по лабораториски испитувања.

Ревизорите предупредуваат дека неизвесно е продолжувањето на овие контроли по завршувањето на проектното финансирање. Констатирани се и недостатоци во финансиската и материјалната евиденција.Ревизијата препорачува зајакнување на човечките ресурси, дигитализација и подобрување на инспекцискиот надзор.

Се препорачува и обезбедување услови за безбедно чување на одземените предмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Нова порака до Иран од Брисел: „Престанете со нападите, отворете го Ормуз“

Претседателот на Европскиот совет, Антонио Кошта, во средата изјави дека го повикал Иран да ја обнови соработката со Меѓународната агенција за атомска енергија (МААЕ).

Кошта изјави дека разговарал со иранскиот претседател Масуд Пезешкијан и притоа го повикал Техеран да ја обнови соработката со ИАЕА. Претседателот на Европскиот совет исто така го повика Иран да ги запре нападите врз соседните земји и целосно да ја воспостави слободата на пловидба низ Ормускиот Теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Си и Трамп денес разговараат за царините, ретките минерали и ВИ пред истекот на трговското примирје

Претседателот на САД Доналд Трамп го пречека кинескиот претседател Си Џинпинг со прелет на воени авиони и со црвен тепих долг 30 метри на почетокот на нивниот тридневен самит во Вашингтон.

Си Џинпинг денес влегува во Белата куќа на разговори со Доналд Трамп во момент кога на САД и Кина им остануваат помалку од седум недели да решат што ќе се случи со дел од привремено суспендираните царини и трговски ограничувања. Кинескиот претседател пристигна во САД во средата, а официјалната државна посета трае од 23 до 25 септември. Белата куќа потврди дека денес е предвидена церемонијата на пречек и разговорите меѓу двајцата претседатели.

Trump rolls out the red carpet for Xi Jinping. https://t.co/xxpvf7tZcV
— Clash Report (@clashreport) September 23, 2026

На масата се неколку прашања што директно влијаат врз светските синџири на снабдување: царините, кинескиот извоз на ретки минерали и магнети, американските ограничувања за напредна технологија и чипови, земјоделската трговија и вештачката интелигенција. Reuters наведува дека пазарите особено ќе следат дали ќе има продолжување или промена на трговските аранжмани што истекуваат на 10 ноември. Меѓу нив е суспензијата на американската дополнителна царина од 24 проценти за кинески производи и поврзаните кинески контрамерки. Кинеското Министерство за трговија потврдува дека до истиот датум се суспендирани и дел од претходно најавените извозни контроли. Тоа не значи дека на 10 ноември исчезнуваат сите други царини меѓу двете економии.

Ретките минерали се можеби најчувствителната економска точка. Кина контролира до 70 проценти од светското ископување ретки земни елементи, околу 85 проценти од капацитетите за нивно преработување и приближно 90 проценти од производството на легури и магнети, според податоци на AlixPartners што ги пренесува Reuters. Таквите магнети се вградуваат во електрични и класични автомобили, индустриски мотори, електроника, ветерни турбини, воздухопловна и медицинска опрема и низа високотехнолошки производи. Вашингтон бара посигурен пристап до овие материјали, додека Пекинг бара олеснување или дополнително одложување на американските технолошки ограничувања кон кинески компании.

ВИ влегува во преговорите

Вештачката интелигенција е нов елемент во денешните разговори. Американскиот министер за финансии Скот Бесент по подготвителните преговори со кинескиот вицепремиер Хе Лифенг соопшти дека Вашингтон предложил механизам преку кој двете држави би се известувале за сериозни инциденти со ВИ што можат да достигнат ниво на закана за националната безбедност. Според AP, идејата е да се зголеми транспарентноста меѓу двете најголеми сили во развојот на ВИ. Тоа засега е предлог и тема на разговор, а не постигнат договор. Истовремено, двете страни разговараат и за намалување на царините за одредени „нечувствителни“ производи, меѓу кои може да има земјоделски производи, стоки за широка потрошувачка, енергетски производи и медицинска опрема.

Економијата, сепак, не е единствената точка. Тајван останува едно од најчувствителните политички и безбедносни прашања. Според извори на Reuters запознаени со кинеската позиција, Си се очекува повторно да го отвори прашањето за американската продажба на оружје на Тајван.

Американската администрација, пак, јавно не најави промена на долгогодишната американска политика кон островот. Затоа секое соопштение по средбата ќе треба внимателно да се чита за да се разликува дали станува збор за конкретна промена, политичка изјава или само продолжување на разговорите.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.