Живот

Колибрите пијат голема количина алкохолен нектар, но се чини, не се опиваат

Луѓето понекогаш се прашуваат: Дали животните се опиваат како нас? Шимпанзата, се чини - да. А, и пчелите и мувите, исто така, се опиваат на пр. од извори на храна богати со етанол.

И, сега, најпосле, благодарение на нови истражувања објавени во британското Кралско друштво „Отворена наука“ (Royal Society Open Science), може да ги додадеме и колибрите во списокот на „пијаниците“ во животинското царство.

Колибрите пијат алкохолен нектар. Научниците што ја проучуваат консумацијата на нектар откриле дека некои цвеќиња природно содржат мали количини на етанол поради ферментација. Изложеноста на алкохол е рутински дел од исхраната на некои животни. Така, во контролирани експерименти, видот наречен колибрите на Ана (Calypte anna) покажаа јасна склоност кон нектар со многу ниска содржина на алкохол, околу еден отсто или помалку, а нивниот интерес се намалува со зголемувањето на содржината на алкохол. Тоа не е доволно за да ги опие. Значи, тие се „умерени пијачи“, пишува „Вајс“ (Vice).

Истражувачите потврдија дека колибрите пијат алкохол, по анализа на нивните пердуви, откривајќи нуспроизвод од метаболизмот, со етанол и етил-глукуронид. Ова значи дека телата на колибрите го обработуваат алкохолот на сличен начин како нашето, но со голема разлика во количината и намената.

Имено, на колибрите им е потребен алкохол за да преживеат, бидејќи речиси постојано ги согоруваат своите калориски резерви само за да останат живи.

Колибрите секој ден пијат алкохолен нектар - вообичаено, колку што самите се тешки, а понекогаш дури и значително повеќе. Ова значи дека траги од етанол можат да се наталожат во нив. Но, проценките говорат дека нивниот дневeн внес на алкохол е приближно еднаквосоодветен на она што човек го внесува пиејќи мало пиво на ден. Сè уште е нејасно е дали овие ниски нивоа на алкохол имаат некаков ефект врз однесувањето или биологијата на колибрито. Истражувачите се сомневаат дека може да има и недостатоци, и придобивки, но ќе бидат потребни многу повеќе истражувања за да се утврди тоа точно.

Тагови: колибри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на ЦУК, Мухамед Али, директно на терен во Никуштак

Директорот на Центарот за управување со кризи, Мухамед Али, моментално се наоѓа директно на терен во селото Никуштак.

Директорот на Центарот за управување со кризи моментално се наоѓа директно на терен во селото Никуштак, каде заедно со екипите на Територијалната противпожарна единица од Куманово и екипите на Национални шуми, активно ги координира мерките и активностите за справување со пожарот.

На терен се ангажирани 3 противпожарни возила, а во текот на денот се очекува и воздушна интервенција, во зависност од метеоролошките услови.

Директорот Али од терен ја следи состојбата и директно ја координира работата на екипите, со цел навремено локализирање на пожарот, спречување на неговото ширење и заштита на населените места и имотот на граѓаните.

Се повикуваат граѓаните на максимална внимателност и претпазливост, да избегнуваат непотребно движење во погодените подрачја и да ги почитуваат упатствата на надлежните институции, соопштуваат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спасени 300 лица во Мавританија

Мавританската крајбрежна стража денес соопшти дека повеќе од 300 мигранти, меѓу кои и 40 деца, се пронајдени покрај брегот на земјата, најверојатно обидувајќи се да стигнат до Канарските Острови.

Тие беа пронајдени ноќта помеѓу среда и четврток и се вели дека се во сериозна состојба, пренесува „Euronews“.

Нивниот дрвен чамец тргнал од Гамбија и превезувал 315 лица, 191 од Сенегал, 123 од Гамбија и едно од Мали, се додава во соопштението.

„Меѓу овие луѓе има мажи, жени и малолетници, вклучувајќи бебиња, кои се во тешка хуманитарна ситуација“, соопшти крајбрежната стража, додавајќи дека тие биле спасени во близина на рибарското пристаниште Нуадибу, економскиот главен град на земјата.

Во последните месеци, стотици мигранти, главно од Сенегал, Гамбија и Мали, беа спасени во мавританските води додека се обидуваа да стигнат до Европа, но стотици загинаа или исчезнаа откако нивните чамци потонаа.

More than 300 migrants, including 40 children, rescued off Mauritania, coastguard says https://t.co/btCYHQyWSR
— The Right News, Right Now. (@BradPorcellato) August 21, 2026

Тагови: Мавританија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Фудбалер е суспендиран на 10 натпревари поради инцидент на завршеното Светско првенство

Аргентинскиот играч од средниот ред Леандро Паредес е суспендиран на 10 натпревари поради неговите постапки по поразот на Аргентина од Шпанија во финалето на Светското првенство, соопшти ФИФА.

Аргентинскиот играч од средниот ред е казнет и со 90.000 долари за напад на Гави и сопнување на шпанскиот играч од средниот ред.

За истиот инцидент, Нахуел Молина е суспендиран на седум натпревари и мора да плати и 90.000 долари, додека Тиаго Алмада е суспендиран на еден натпревар и парична казна од 30.000 долари.

Суспендирани се и членовите на тренерскиот штаб Роберто Ајала и Пабло Мартин Паез Гавира, кои се суспендирани и казнети со по 30.000 долари.

ФИФА соопшти дека суспензиите ќе бидат пренесени на следните натпревари на соодветните национални тимови, во согласност со Дисциплинскиот законик.

Аргентинската фудбалска асоцијација е исто така казнета и ќе мора да плати 321.000 долари за транспарентот посветен на Малвините, како и за несоодветното однесување на тимот, дискриминаторските и расистички скандирања и гестови од страна на навивачите, како и недостатоците во организацијата и безбедноста на натпреварот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.