Автомобилизам

Колекционерите шокирани: Ретка Мазда MX-5, стара 35 години е продадена многу евтино

Љубителите на автомобили останаа во шок кога еден од најдобро сочуваните примероци на првата генерација на Mazda MX-5 беше продаден на американска аукција за неверојатно ниски 21.850 евра, што е далеку под реалната вредност за таков автомобил.

За оваа сума, новиот сопственик добил вистинска „временска капсула“ – Mazda MX-5 која за 35 години поминала само 7.740 километри.

Фактот што автомобилот имал само еден сопственик и се чувал во идеалната клима на Ново Мексико ја прави оваа набавка уште поневеројатна, особено ако се земе предвид дека слични примероци на пазарот достигнуваат многу повисоки цени.

Под хаубата се наоѓа оригиналниот 1,6-литарски четирицилиндричен мотор со 116 коњски сили и 136 Nm вртежен момент - единствената опција понудена во 1990 година. Силата се пренесува на задните тркала преку легендарниот петстепен мануелен менувач, кој и денес е синоним за уживање во возењето. Иако овие бројки денес изгледаат скромни, првата Miata тежела само 1.000 килограми, што ја прави вистинска „картинг“ за јавни патишта.

Она што го прави овој примерок особено вреден е неговата комплетна оригинална состојба - од фабричките 14-инчни челични тркала, до реткиот тврд покрив во боја на каросеријата, до оригиналниот преклопен платнен покрив. Каросеријата е без никакви оштетувања, а внатрешноста изгледа како автомобилот никогаш да не излегол од салонот - на седиштата покриени со ткаенина практично нема знаци на употреба.

Експертите проценуваат дека таков примерок би можел да достигне цена од 40.000 евра на специјализирани аукции, што покажува колкава среќа имал новиот сопственик. За колекционерите кои ја бараат првата генерација на иконскиот MX-5, ова е една од ретките можности да се здобијат со практично фабричка копија по цена на попристапен нов автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.