Кој колаген е најдобар и дали навистина е толку делотворен против брчките? - Канал 5

Здравје

Кој колаген е најдобар и дали навистина е толку делотворен против брчките?

 Објаснување од дерматолог  

Кој колаген е најдобар и дали навистина е толку делотворен против брчките?

По форумите на Интернет се води постојана расправа дали колагенот треба да се зема во течна форма или во капсули за да се постигне „пеглање на браздите по лицето“.

Колагенот е најзастапениот протеин во нашето тело и е дел од нашите коски, мускули, лигаменти и кожа. Околу 70 проценти од сувата маса на нашата кожа е составена од овој исклучително важен протеин. Постојат неколку видови на колаген, но најважниот за нашата кожа кој ѝ го дава тонусот е познат како тип 1.

Многумина тврдат дека токму овој протеин е одговорен за зачувување на младоликоста и убавината на кожата, но и за „пеглање“ на брчките, па дури и за оние длабоко изразените. Во зависност од тоа со кого разговарате, ќе добиете различни информации; некои дами тврдат дека колагенот во капсули е одличен, други се убедени во ефикасноста само на колагенот во течна форма, трети се колнат во „рецептите на нивните баби“ и откриваат дека супата е всушност најдобриот извор на овој протеин што „прави чуда со брчките“.

Според специјалистот за дерматовенерологија д-р Димитрије Карбабахчиев, во нашиот организам постојано се одвива обрт на производство на колаген и негово разградување. Со тек на време, овој процес доведува до стареење, односно се зголемува разградувањето на овој протеин, што резултира со првите знаци на стареење на кожата, односно појавата на брчки.

Според него, за жал, не постои универзален еликсир на младоста или магично стапче за бришење на брчките, но сепак, колагенот е главна алатка во превенцијата, т.е. ублажување на знаците на стареење. Во доцните дваесетти и почетокот на 30-тите години, се намалува колагенот во нашата коа, особено кај пушачите и лицата со лоши здравствени навики, лица кои се изложуваат на сонце, затоа д-р Карабахчиев советува суплементацијата со овој протеин да се вклучи уште во доцните 20-ти или во раните 30-ти години.

Бидејќи знаците на стареење кај жените се веќе поизразени во менопаузата, односно во четириесеттите и педесеттите години, дерматологот објаснува дека во тој период е пожелно и дохрана со колаген, како за кожата, така и за телото воопшто. Начинот на кој ќе го земаат - дали во капсули, во прав или во течна форма е сосема неважен, објаснува тој и посочува дека сето тоа е прашање на преференци и афинитет.

Најважно е колагенот да е квалитетен и изворот на колагенот да е со добар квалитет. На пример, колагенот од морски алги, бидејчи е најмалку загаден.

На прашањето, колку колагенот добиен од супа од говедски коски е ефикасен во борбата против брчките, д-р Карабахчиев посочува дека колагенот од говедски и пилешки коски е тип 3, и дека можеби е поважен за нешто друго, додека рибјата чорба ја наведува како потенцијален извор на вистинскиот тип на колаген. Докторот истакнува дека и говедската и пилешка и рибјата супа се богат извор не само на колаген, туку и на други нутритиенти кои позитивно влијаат на општиот тонус на огранизмот, па и на нашата кожа.

Според дерматологот Карабахчиев, препорачливата дневна доза колаген изнесува 2.5 до 15 грами, а опсегот се одредува во зависност од возраста на личноста, како и начинот на живот.

- За зрели жени, доволни се 10 грама колаген дневно, тоа е безбедна и доволна доза за нив, без несакани ефекти, односно можност за преоптоварување на бубрезите. Како и со секој додаток, периодот на земање треба да биде од три до шест месеци и може да се повтори со пауза од еден или два месеци помеѓу два циклуса на земање. Повторно е индивидуално, но првите резултати, односно придобивките од намалувањето на брчките, генерално се појавуваат помеѓу 4-та и 12-та недела од земањето колаген - вели дерматологот Карабахчиев.

Колагенските препарати се многу поефикасни кога се комбинираат со некои други состојки како витамин Ц или минерали како бакар, бидејќи колагенот со овие додатоци е многу подобар од чистиот колаген. Ретинолот е исто така исклучително важен во комбинација со колагенот, бидејќи го стимулира создавањето на овој протеин и може да се користи во форма на креми и серуми.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„MUSE“ – ново поглавје во креативниот свет на Милена Танасковска – Пупи

По години посветени на стајлингот и модниот израз, Милена Танасковска – Пупи го претстави својот прв моден проект – колекцијата „MUSE”. 

„MUSE“ – ново поглавје во креативниот свет на Милена Танасковска – Пупи

Настанот се одржа на 16 октомври, во просторот на URMA Concept store, каде посетителите имаа можност одблиску да го запознаат новото креативно поглавје на Пупи.

„MUSE“ е природно продолжение на нејзиниот досегашен професионален пат, но и чекор кон поавторски моден израз. По долгогодишното искуство во создавањето и обликувањето стилски приказни, Пупи за првпат го преточува својот сензибилитет во сопствена колекција, во која модата станува начин за изразување став, индивидуалност и лична естетика.

Зад брендот PUPI стои идејата за мода создадена со личен пристап, надвор од концептот на масовно производство. Секое парче се изработува по нарачка, од висококвалитетни природни материјали, со можност за индивидуален избор на ткаенина и боја, како и прилагодување според мерките на клиентот. На овој начин, секоја креација добива лична димензија, а процесот на создавање станува исто толку важен колку и финалниот изглед.

Визуелната приказна на колекцијата е инспирирана од Париз – неговата безвременска елеганција, урбаниот ритам и ненаметливиот шик.

Соработката со URMA Concept Store ја поставува колекцијата во простор што ја обединува модата со концептуалниот пристап кон стилот и современото купувачко искуство. За презентацијата беше подготвен и ограничен избор парчиња, достапни ексклузивно на 16 октомври, со што настанот доби карактер на внимателно курирано модно доживување.

Со „MUSE“, Милена Танасковска – Пупи отвора ново поглавје во својата креативна приказна, претворајќи го долгогодишниот интерес за модата во сопствен бренд со јасна естетика и индивидуален пристап. PUPI е посветен на жената која ја цени автентичноста и не се стреми да биде обична, туку да го пронајде сопствениот израз преку парчиња создадени токму за неа.

Настанот беше поддржан од Play All Day Cafe.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер