Кој ќе го наследи Коцевски, конкурсот за нов Јавен обвинител трае уште денеска - Канал 5

Македонија

Кој ќе го наследи Коцевски, конкурсот за нов Јавен обвинител трае уште денеска

Четири кандидатури за нов државен јавен обвинител до овој момент се поднесени во Собранието, информираше собраниската прес-служба.

Кој ќе го наследи Коцевски, конкурсот за нов Јавен обвинител трае уште денеска

Рокот за огласот за наследник на Љупчо Коцевски истекува вечерва на полноќ. Од нив досега официјално за Канал 5 кандидатурите ги потврдија обвинителката од скопското обвинителство Лидија Раичевиќ, како и поранешниот судија и екс претседател на Основниот суд Скопје, Владимир Панчевски. Поранешниот шеф на Вишото обвинителство Скопје, Мустафа Хајрулахи, пак, иако првично најави дека ќе се пријави за функцијата, сепак, за Канал 5 изјави дека се премислил и нема да влегува во трката за нов републички обвинител. Според обвинителката Раичевиќ ова е сериозна функција која бара исклучителен професионален габарит и смета дека таа има многу што да понуди како прв човек на државното ЈО.

-Јас поднесов документи да конкурирам за ова високо место и функција од причини што сметам дека е должност за некој којшто работи толку години во обвинителството и кој согледува еден многу важен момент за обвинителската институција да се изложи со својот габарит, професионален квалитет и капацитети да може да придонесе за подобрување на состојбите во институцијата. Моите очекувања се големи, исто како и на јавноста. Се надевам дека Советот за јавни обвинители ќе ги има предвид и другите објективни критериуми, тоа се години на искуство, години на поминат стаж, образованието, изјави Раичевиќ за Канал 5.

И Панчевски е уверен во своите капацитети и долгогодишно искуство за да ја води највисоката обвинителска функција. Контроверзите во минататото и затворската казна на која беше осуден како екс претседател на Кривичен за злоупотреби при распределбата на предмети не го смета за пречка во процесот, туку вели дека се користат за негова дискриминација во јавноста.

-Сметам дека ги исполнувам сите законски услови од општите до посебните услови во нив се бара над десет годишно искуство и стаж на работа во кривична материја како судија или како јавен обвинител. Во однос на тоа какво ќе биде мислењето на Советот на јавни обвинители мислам дека процедурата е формално правна, во однос на тоа што се споменува за осуди и нешто од тој аспект, тоа не е дел од процедурата и го осудувам она што некои медиуми пробаа да го лиферуваат овие денови дека сум бил осудуван, тоа се дикскриминаторски аспекти, не се општи ниту посебни услови за кандидатура, вели Панчевски за Канал 5.

Како можни кандидати за прв човек на државното обвинителство во јавноста се споменуваат и имињата на Владимир Милошевски од Вишото јавно обвинителство и актуелната в.д. обвинителка која го замени Коцевски Анита Тополова. Во игра неофицијално се и обвинителите Златко Биковски и Јован Цветановски.

Според огласот, право да се пријават имаат обвинители и судии кривичари со најмалку 10 годишно работно искуство.. Секој од канадидатите ќе биде оценет од Советот на јавни обвинители кој списокот со имиња ќе го испрати до Владата. Таа ќе треба да одбере еден од позитвно оценетите и да го предложи на Собранието како кандидат за нов државен јавен обвинител. За негов избор потребни се најмалку 61 пратенички глас.

YouTube video

Тагови: Јавен обвинител

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мурињо ја тужи Турција пред Европскиот суд за човекови права

Поранешниот тренер на Фенербахче, Жозе Мурињо, поднесе тужба против Турција до Европскиот суд за човекови права поради дисциплинските санкции што му беа изречени додека беше на чело на турскиот клуб. 

Мурињо ја тужи Турција пред Европскиот суд за човекови права

Судот во Стразбур ја прифати тужбата на разгледување и официјално побара изјава од турската влада, која има шест месеци да одговори, пишуваат турските медиуми.

Случајот произлегува од санкциите што му ги изрече Дисциплинскиот комитет за професионален фудбал (PFDK) на Турската фудбалска асоцијација за коментарите што ги даде по натпреварот против Трабзонспор во ноември 2024 година. Португалскиот стручњак потоа беше казнет со забрана за пристап до соблекувалната и казни во износ од неколку стотици илјади турски лири. Откако Арбитражниот комитет на Турската фудбалска асоцијација ја потврди првичната одлука, Мурињо одлучи да се обрати до Европскиот суд за човекови права.

Аргументи на тужбата

Во својата тужба, Мурињо наведува дека дисциплинските тела на Турската фудбалска асоцијација не се независни и дека неговите права на слобода на изразување се прекршени со казните што му се изречени. Тој исто така тврди дека не му била правилно доставена образложената одлука за казната, која, според него, му го одземала правото на фер судење.

Европскиот суд за човекови права забележува дека известувањето испратено до турската влада не го прејудицира исходот од спорот, туку го означува почетокот на официјалната постапка.

Жозе Мурињо беше назначен за тренер на Фенербахче во 2024 година, а го напушти клубот во август 2025 година. Во тој период, тој го водеше тимот во 62 натпревари и постигна просек од 2,02 поени по натпревар. Тој моментално е на клупата на Бенфика, а медиумите го поврзуваат со можно враќање во Реал Мадрид доколку претседателот Флорентино Перез обезбеди нов мандат на чело на клубот.

Тагови: Жозе Мурињо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

На патнички авион во Франкфурт му отпадна предниот трап (ВИДЕО)

На авионот Боинг 787 на германската авиокомпанија Луфтханза му се скрши предниот трап за слетување попладнево додека беше на застанување на аеродромот во Франкфурт.

На патнички авион во Франкфурт му отпадна предниот трап (ВИДЕО)

Портпаролката на Фрапорт, компанијата што управува со најголемиот транспортен центар во Германија, изјави дека инцидентот се случил околу 12:45 часот и дека околностите сè уште се утврдуваат.

Во тек е истрага за да се утврдат сите детали, вклучително и дали некој е повреден. Според неофицијални информации, во авионот немало патници во времето на несреќата, а багажот се товарел. 787 е двомоторен широк трупен авион што Луфтханза го користи главно на долги релации и е релативно нов додаток на флотата на превозникот.

Тагови: авион Франкфурт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Воведни зборови за случајот со злоупотреби на ИПАРД-фондовите

Во Основниот кривичен суд со воведни зборови на Обвинителството и адвокатите започна главната расправа за случајот со злоупотреба на ИПАРД-фондовите.

Воведни зборови за случајот со злоупотреби на ИПАРД-фондовите

Со воведни зборови на Обвинителството започна главната расправа за случајот со злоупотреба на ИПАРД-фондовите, во кој поранешниот директор на Платежната агенција Илија Стоилев се товари за примање награда за противзаконито влијание, а поранешниот министер за локална самоуправа и правда, Џевдет Насуфи, во случајов управител на фирма е обвинет за давање поткуп и организирано влијание. Според обвинението, биле ветени и исплатени десетици илјади евра со цел да се обезбеди одобрување на ИПАРД-средства за фирма која не ги исполнувала условите.

Обвинителката Наташа Поп-Трајкова во воведните зборови истакна дека станува збор за коруптивен систем кој „има име и презиме“, и кој, освен што ја нарушил довербата во домашните институции, ја довел во прашање и довербата на меѓународните партнери во управувањето со европските фондови.

Одбраната на Стоилев и Насуфи целосно ги отфрли наводите на обвинителството,.. адвокатката на екс директорот изјави дека обвинението се темели на претпоставки, а не на директни докази, и потенцираше дека Стоилев не учествувал во бодувањето на проектите и не можел да влијае врз конечната одлука. Одбраната на Насуфи тврди дека тој ниту дал, ниту ветил парични средства, и дека средсвата кои биле одобрени биле намалени за околу 65 проценти, што според бранителот, ја исклучувало можноста за договор за поткуп.

За останатите обвинети, меѓу кои службени лица од Агенцијата за финансиска поддршка во земјоделството и Управата за јавни приходи, обвинението тврди дека преку бодување и административна обработка овозможиле одобрување на проектот спротивно на правилата. На претходното рочиште, вработената во платежната егнција Јасмина Костадинова ја призна вината и беше осудена на 10 месеци затвор. Следното рочиште е закажано за 9 јуни.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер