Кој го партизирал, а кој ги кочи реформите, власта и опозицијата со меѓусебни обвинувања за состојбите во правосудството - Канал 5

Македонија

Кој го партизирал, а кој ги кочи реформите, власта и опозицијата со меѓусебни обвинувања за состојбите во правосудството

Најави за промени во правосудството и обвинувања меѓу ВМРО-ДПМНЕ и СДСМ кој го партизирал, а кој ги кој ги кочел реформите се дел од предизборната реторика помеѓу двете партии. 

Кој го партизирал, а кој ги кочи реформите, власта и опозицијата со меѓусебни обвинувања за состојбите во правосудството

Најави за промени во правосудството и обвинувања меѓу ВМРО-ДПМНЕ и СДСМ кој го партизирал, а кој ги кој ги кочел реформите се дел од предизборната реторика помеѓу двете партии. Мицкоски од Струга обвини дека опозициските партии бараат спас од одговорност во криминалното судство. Филипче пак возврати дека за состојбите во судството е одговорна власта, која на речиси половина од мандатот не сповела ниту една реформа.

„СДСМ и ДУИ грчевито ќе се борат за спас во корумпираното судство и обвинителство, бидејќи тоа им е последното танго за спас на нивните кариери и шанса да одбегнат одговорност. Од месечинатa се гледа дека последниот бастион на криминалот во државата стана судството и обвинителството кое ги штитат СДСМ и ДУИ како бели мечки. Нема ниту еден случај во институциите, кој што сме го предочиле, обезбедиле докази, а да заврши со обвинителен акт за било кој поранешен висок функционер“– Христијан Мицкоски, претседател на ВМРО-ДПМНЕ.

„Не може премиерот да ја префрла одговорноста. Одговорноста за неспроведување на реформите е екклузивно кај него лично и во неговиот тим. Требаше да се донесат 12 закони годинава, а не е донесен ниту еден, не е ниту поднесен во Собранието. Се што сакаат е да го контролираат судството, да зачуваат свои роднини, свои пријатели, сопружници на градоначалници, на нивни коалициски партнери и роднини, се со цел да имаат свои луѓе и да може да влијаат на судски процеси. Ништо повќе не сакаат од тоа“– Венко Филипче, претседател на СДСМ.

Жешка тема во првите денови од кампањата се и евроинтеграциите и понудената резолуција. Од ВМРО-ДПМНЕ со обвинувања дека црвените линии на Филипче се најава за ново предавтсво на националните интереси и обид за спас на лидерската позиција во СДСМ. За Филипче пак ваквите тврдења се обид за спин од власта, која избегнува државничка одгворност и намерно ги кочи евроинтеграциите на земјава за лични и партиски интереси.

„Дали Венко Филипче лажеше 2024 година кога кажа дека дипломатијата победила со прифаќањето на францускиот предлог или лаже денес кога нуди предлог резолуција со црвени линии за заштита од истиот француски предлог којшто е целосно во корист на источниот сосед. Сметаме дека ваквите изјави и изменети ставови на Филипче, не се порака до македонските граѓани, туку се порака до соседна Бугарија, бидејќи Венко Филипче се надева дека источниот сосед или некој меѓународен актер ќе му помогне да дојде на власт, или барем да ја задржи водечката позиција во СДСМ, “– Антонио Милошоски, ВМРО-ДПМНЕ.

„Еднставно не сакаат да го продолжат европскиот пат на земјава, што е во позадина дали се кријат влијанија на други држави тоа доправа ќе го видиме следниот период. Јасен е нашиот предлог во предлог-резолуцијата се содржани сите предлог документи и резолуциии, вклучувајќи го и Францускиот предлог, во којшто јасно кажуваме како се заштитени сите идентитетски одредници. Јасно кажуваме кои се нашите црвените линии, ги повикуваме сите партии да ја донесеме таа резолуција заедно, за конечно да обезбедиме национален консензус“ -– Венко Филипче, претседател на СДСМ.

Продолжија и преписките околу тоа кој со кого правел сојузи пред,избори. Мицкоски обвинува за како што ја нарече, колиција за пари меѓу СДСМ, ДУИ и Левица, Филипче демантира и вели дека ако некој соработувал со ДУИ во имзинатата година и половина – тоа е ВМРО ДПМНЕ, а не СДСМ.

YouTube video

Тагови: Венко Филипче Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Домашно ќофте

Во петок (29.05.2026) во емисијата гостин ни бeше Кристијан Лукаров

„Гответе со Дракче“ - Домашно ќофте

Состојки за денешниот рецепт:

300 гр. мелено месо

1 главица кромид

2 јајца

200 гр. кашкавал

половина китка магдонос

масло

сол, бибер и др. зачини по избор

Пире за прилог

3 компири

250 мл. млеко

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

НУ Камерен Oркестар на Битола го одржа својот јубилеен концерт по повод 3 години од основањето

Три години уметнички раст, посветеност и музика: јубилеен концерт на НУ Камерен Oркестар на Битола.

НУ Камерен Oркестар на Битола го одржа својот јубилеен концерт по повод 3 години од основањето

Минатата вечер, НУ Камерен оркестар на Битола го одржа својот јубилеен концерт по повод 3 години од своето постоење, одбележувајќи значаен момент во својот уметнички развој и присуство на македонската музичка сцена.

Пред полната свечена сала во Офицерски Дом, Битола, оркестарот изведе програма која го отслика неговиот досегашен уметнички пат, зрелост и континуиран стремеж кон квалитетна концертна продукција. Концертот беше под диригентска палка на маестро Борјан Цанев.

Програмата опфати дела од различни стилски периоди и музички изрази, создавајќи богата концертна целина. Во првиот дел беа изведени композиции од Клод Дебиси, со Прелудиум VI „Стапки во снегот“ и Прелудиум VIII „Девојката со ленена коса“, во оркестрација на Б. Цанев, како и „Capriol Suite“ од Питер Ворлок, „Fantasia on Greensleeves“ од Ралф Вон Вилијамс и „Romanian Folk Dances“ од Бела Барток.

Во вториот дел од концертот, публиката имаше можност да ја слушне „Serenade for Strings“ од Едвард Елгар, „A Little Daneliade“ од Гија Канчели, како и „Happy Birthday Variations“ од Питер Хајдрих — дело кое на симболичен и уметнички начин ја заокружи јубилејната вечер. Преку препознатливата тема „Happy Birthday“, обработена во различни стилови и варијации, оваа композиција внесе посебна свечена атмосфера и беше соодветен музички поздрав за роденденот на оркестарот.

Во изминатите три години, НУ Камерен оркестар на Битола реализираше повеќе од 30 концерти, настапуваше на значајни сцени низ Македонија и оствари гостувања надвор од државата, меѓу кои и во Виена и Рим. Со својата посветеност, професионализам и постојана активност, оркестарот изгради силна врска со публиката и се позиционираше како еден од значајните музички ансамбли во земјата.

Јубилејниот концерт беше можност да се прослави досегашниот успех, но и да се најави ново поглавје во работата на институцијата. Оркестарот продолжува со својата мисија да создава квалитетни музички содржини, да ја збогатува културната сцена во Битола и да ја претставува македонската музичка култура пред пошироката публика.

Публиката ја поздрави изведбата со силен аплауз, потврдувајќи дека НУ Камерен оркестар на Битола за кратко време успеа да стане препознатлив културен симбол на градот и институција од значење за македонската уметничка сцена. По завршувањето на концертниот дел, јубилејната вечер продолжи со свечен коктел, на кој беше одбележан роденденот на оркестарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Промена на врвот на ФИФА листата пред почетокот на Светското првенство

Шест дена пред почетокот на Светското првенство, имаме нов лидер на ФИФА ранг-листата на националните селекции.

Промена на врвот на ФИФА листата пред почетокот на Светското првенство

Станува збор за селекцијата на Аргентина, актуелниот светски шампион, по што може да се заклучи дека пред почетокот на најголемото Светско првенство во историјата, сè си дојде на свое место.

Според најновите проекции што го следат пласманот во реално време, актуелниот шампион ги „прескокнаа“ Франција и Шпанија на ранг листата на најдобри на ФИФА.

Промената на врвот дојде откако најблиските ривали на Аргентина разочараа во своите подготвителни натпревари пред СП.

Според последните пресметки, Аргентина сега има 1.875 поени. Веднаш зад неа е Шпанија со 1.873 поени, додека Франција падна на третото место со 1.869 поени.

Минималните разлики меѓу водечките тимови покажуваат колку се неизвесни пласманите и како секој натпревар може да доведе до значителни промени.

Зад водечката тројка исто така со мала разлика се следните селекции:

Англија е четврта со 1.826 поени, по неа следуваат Португалија (1.764), Бразил (1.763), Мароко (1.757), Холандија (1.751), Белгија (1.740) и Германија, која ги заокружува првите десет со 1.731 поени.

Селекцијата на Хрватска испадна од Топ 10, моментално на 11-то место со 1.712 поени.

Тагови: Аргентина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер