Италијанскиот автомобилски гигант, кој откако не се прилагоди на најновите трендови, многумина го „погребаа“ однапред, им одржа лексија на некои големи имиња од автомобилската индустрија.
„Fiat“, бренд кој, иако не толку драстично како „Lancia“ и „Alfa Romeo“, го намали својот асортиман, продолжува да постигнува забележителни продажби.
Верувале или не, во конкуренција на имиња кои го сочинуваат „Stellantis“, меѓу кои се „Citroen“ и „Peugeot“, „Fiat“ е најпродаваниот бренд. Не само тоа, „Fiat“ го има и најпродаваниот електричен модел во гамата.
Ова е значајно достигнување за бренд кој, како и „Mazda“, долго време бегаше од електрификацијата и изгуби огромни суми пари на својот прв електричен модел. Сега дефинитивно има со што да се пофали.
Не само што традиционално е најпродаваниот бренд во Италија, туку истиот статус го има и во Турција и Бразил.
Зборувајќи на јазикот на бројките, „Fiat“ испорача 1,2 милиони автомобили во 2022 година, вклучувајќи ја и програмата за професионални лесни комерцијални возила и спортската програма „Abarth“.
За споредба, „Peugeot“ испорача 1.056.182 автомобили.
Повеќе од 90 отсто од продажбата на „Fiat“ е остварена во Европа и Јужна Америка, а особено е популарен во Бразил, каде што испорача дури 430.000 возила и постигна пазарен удел од 21,9 отсто.
Има одлични 18,7 отсто од пазарот во Турција и 15,1 отсто во Италија.
Во исто време, не може да се пофали со претерано млад возен парк. Така, во сегментот на градски модели, каде што настапува со моделите „500“ и „Panda“, италијанскиот производител држи 43,7 отсто од сегментот во Европа.
„Fiat“ моментално има само еден електричен модел, „500e“, и тој е најпродаван електричен модел во Италија, втор најпродаван во Франција и трет во Германија.