Судбина

Кога волјата ги надминува сите препреки, Стоилко Стоичев со 90% оштетен вид ги освојува сите врвови

Планината дава нова смисла на нашиот живот. Ни ги проширува хоризонтите и ни овозможува спој со совршенството.

И во моментот кога ќе дојдеме до првата пречка, не смееме да се вратиме назад, бидејќи таа пречка постои само во главата.

Со ваква филозофија живее планинарот и високогорец Стоилко Стоичев, кој е лице со над 90 проценти оштетен вид, но неуморно гази по недопрените предели на планините.

Уште пред повеќе од 20 години му било констатирано оштетување на фокусот на очите. Иако на почетокот тешко, тој се се навикнал да живее со полни гради.

Неговиот хендикеп не го обесхрабрил да ја пронајде својата љубов во планините, кои му дале втор живот. Најпрво Солунска глава, а во изминатата деценија бил на уште над 400 врвови над 2.000 метри и 20-тина над 3.000 метри.

Од Алпите до Иран, од Турција до Таџикистан и сонот на секој високогорец – Хималаите. Стоичев најчесто оди со придружба поради хендикепот, додека пак на Водно и на Матка оди самостојно.

Од стотиците врвови, најдраг и најтежок му е Аконкагва, највисокиот во Јужна Америка, со што е првиот Македонец со хендикеп кој го искачил и неофицијално втор во светот.

Предрасудите кон лицата со хендикеп во Македонија се уште постојат и се проблем кој многу бавно се решава, раскажува нашиот соговорник. Уште поголем проблем е институционалната неподдршка за како што вели, нашите спортисти надвор од границите. Особено е разочаран од недобивањето на одговор на барањето за финансиска помош од Министерството за спорт за врвот Ленин во Централна Азија, иако е член на планинарски клуб и член на Планинарската федерација.

Целокупната планинарска приказна Стоичев ја заокружи во октомври, кога организираше изложба, на која беа претставени повеќето врвови кои ги искачил во Македонија, но и надвор од нашите граници.

Стоичев, кој во 2019 година бил избран за спортист на годината на град Скопје во категорија лица со посебни потреби, живее со уште неколку предизвици за следните години. Искачување повторно на Алпите, а веќе во 2027 година му е желба пак да се врати на врвот Ленин и овојпат да го искачи.

Тагови: планинари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Конечно решение за булевар „Борис Трајковски“

Фејсбук објава на градоначалникот на Град Скоје, Орце Ѓорѓиевски.

„30 години голгота - конечно решение за булевар „Борис Трајковски“

Зборот е збор.

Со силна динамика продолжуваат работите на довршување на булеварот „Борис Трајковски“, проект што со децении беше симбол на лажни ветувања, застој и секојдневен сообраќаен хаос.

Денес, со задоволство можам да кажам дека работите напредуваат според предвидената динамика и дека наскоро повеќе од 100.000 жители ќе добијат нов, модерен и безбеден булевар со четири сообраќајни ленти, како и уредена пешачка и велосипедска патека.

Трасата е речиси целосно пробиена, а паралелно се гради и нова атмосферска канализација, со што трајно се решаваат проблемите што со години го отежнуваа животот на граѓаните од овој дел на Скопје.

Свесен сум низ што поминуваше мојот народ сите овие години.

Свесен сум за изгубеното време, нервозите и долгото чекање.

Но, деценискиот сообраќаен хаос конечно заминува во историјата.

Ова е враќање на достоинството на граѓаните и доказ дека кога има волја, работа и одговорност - нема невозможни работи!

Продолжуваме да го менуваме ликот на Скопје!“- напиша Ѓорѓиевски.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.