Не, не се наоѓаме во некоја јужноамериканска џунгла, туку сме во срцето на главниот град, а ова е скопското кале, неговиот главен симбол.
Од она што некогаш со гордост им се покажуваше на туристите и местото од каде граѓаните го имаа целото Скопје на дланка, денес остана само бледа дамка. Патеките кои што во други времиња ви нудеа пат низ историјата и ви ја претставуваа магијата на средновековието, денеска се непроодни и обраснати со трева. Кантите се преполни, главната патека е украсена со отпадоци, а доколку сакате да седнете, да се одморите уживајќи во погледот на Скопје, клупа нема да најдете, оти нема ниту една..
На овој простор позади мене постајно некој седеше, граѓаните правеа пикник, но сега како и речиси поголемиот дел од оваа тврдина е обраснат со грмушки и трева која е висока повеќе од еден метар.
Оливер Бојаџиев е веќе 12 години на скопското кале како туристички водич, па целата тажна трансформација на ова место му поминала пред очи. Вели најатрактивните автентични улици од 10 век сега се обраснати и постои опасност од змии и крлежи. Вели, ова место го посетувале турсити од цел свет кои прекрасните слики од тврдината ги виделе на интернет, а кога ќе стапнат на калето остануваат вџашени.
Сега туристите едноставно, пред да влезат на кале имаат некоје расположение, кога ќе тргнеме тука многу прашања се отвораат, велат ова е главен град, ова е најголема прочитавме, во што е проблемот. Тие се разочарани и толку, дефинитивно и некои од коментарите се „ќе размислиме дали ќе дојдеме пак или дали ќе го препорачаме на пријателите.
Дека ова место има потреба од подобра грижа порачаа и самите туристи и посетители кои ги затекнавме на тврдината.
Мислам дека е многу битно да го одржувате ова место имате уште многу работи тука да ги зачувате./ Се изненадувам малку пријатно, малку непријатно, има туристи и тоа ме изненадува пријатно, ама малку запоставено е и така некако по споредниот влез е запустено.
А, доколку се најдете на Кале и имате физиолошка потреба, ова е тоалетот кој што ќе треба да го искористите.
Навечер калето сјаеше од сите страни, а сега речиси половина од осветлувањето не работи.
Е, сега, кој треба да го негува овој симбол како што се негуваат сите слични знаменитости во европските градови и да се погрижи Калето да го врати сјајот? Ги исконтактиравме сите можни институции кои би можеле да имаат надлежност, но топката како по обичај си ја префрла меѓусебе, па одговорноста во моментов не можевме да ја лоцираме. Последно што беше познато е дека екс-градоначалникот Шилегов сакаше да го земе под своја закрила, но ингеренциите според дел институциите останаа недоделени.