Кога најчесто се разведуваат паровите? - Канал 5

Живот

Кога најчесто се разведуваат паровите?

Според стручњаците ова е најкритичниот месец во годината, а ова се трите клучни причини за крах! 

Кога најчесто се разведуваат паровите?

Практични совети на експерти за тоа како да ги избегнете проблемите во овој период.

Научниците честопати се занимаваат со различни истражувања, па така дошле до заклучокот дека најмногу бебиња се раѓаат во септември, и септември беше прогласен за месец со најголем број родендени. Тоа не е случајно, според стручњаците, паровите најчесто водат љубов за време на новогодишните празници, па оттаму и најмногу деца се раѓаат во септември.

Од друга страна, новогодишните празници не се среќни за сите, бидејќи најмногу барања за развод се поднесуваат во јануари. Според статистичките податоци, првиот месец од годината е најкритичен за брачните двојки, а експертите кои се занимавале со оваа проблематика дошле до три можни причини поради кои луѓето најмногу се разведуваат во јануари, а пишува Њујорк пост.

Еве кои се трите најчести причини за развод во јануари и како да ги надминете.

1. Финансии

Во периодот на новогодишните празници сè звучи бајковито и магично, децата најмногу се радуваат. Подготовката и самиот дочек обично се прилично скапи, тука се и подароците, желбата луѓето да го надополнат пропуштеното време со пријателите, па доаѓа до проблеми со финансиите. Тоа е и причина за најголем број брачни расправи, па и сите несогласувања излегуваат наповршина. Експертите дошле до заклучок дека финансиите се главен проблем и причина за развод на повеќето парови. За да го избегнете ова, планирајте однапред. Ставете ги вашите приоритети на хартија и не отстапувате од нив. Доколку нема непредвидени трошоци, страстите и несогласувањата можеби овој јануари ќе го заобиколат вашиот дом.

2. Време со семејството

Новогодишните и божиќните празници се време за одмор, децата се на распуст, па повеќето луѓе одлучуваат подолго време да поминат со семејството. Неретко, жените со децата одат кај своите родители, а мажите веруваат дека времето кое нивната сопруга го поминува со нејзиното семејство, честопати без него, може да резултира со одредени лоши одлуки што може да се одразат и на нивниот брак. Експертите советуваат, ако воопшто е можно, да одлучите заедно со сопругот да одите кај родителите или на зимување.

3. Нонстоп заедно

Божиќните и новогодишните празници се време кога поминувате најмногу време со партнерот. Во текот на годината повеќето парови се зафатени со бројни обврски на работа и околу децата, па кога ќе дојдат празниците се фокусираат еден на друг. И додека за некои жени ова е најубавото време бидејќи се нонстоп со партнерот, за други ова е периодот кога на површина излегуваат проблемите во односот што претходно „ги туркале под тепих“. Конфликтите што вообичаено постојат само уште повеќе се продлабочуваат, па токму затоа во јануари може да се очекува развод.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Докторите предупредуваат на ризик од мигрена кај децата поради употреба на мобилните телефони

Употребата на паметни телефони го зголемува ризикот од главоболки кај децата за 1,5 пати, а кај предиспонирани пациенти може да предизвика порано појавување на мигрена.

Докторите предупредуваат на ризик од мигрена кај децата поради употреба на мобилните телефони

Ова го изјави неврологот во Федералниот центар за неврохирургија во Новосибирск и вонреден професор на Одделот за невронауки на Државниот универзитет во Новосибирск, Галина Мојсак.

Еквиваленти или прекурсори на мигрена

„За жал, мигрените кај најмладите ретко се препознаваат на време денес. Честопати, возрасните ги толкуваат проблемите на децата како нормално преоптоварување на училиштето или замор. Сепак, првите напади можат да се појават уште на возраст од три до пет години“, објасни Мојсак.

Таа забележа дека клиничката слика на мигрена кај децата може значително да се разликува од онаа кај возрасните. Болеста не секогаш започнува со карактеристична еднострана пулсирачка главоболка.

„Покрај типичната болка од мигрена, децата доживуваат таканаречени еквиваленти или прекурсори на мигрена. Тие вклучуваат, на пример, повторливи, интензивни епизоди на повраќање во отсуство на гастроинтестинални или заразни причини или ненадејни напади на вртоглавица. Само по некое време, понекогаш месеци или години, овие симптоми се развиваат во класична главоболка“, нагласи специјалистот.

Намалување на сивата материја во мозокот

Според докторката, важно е родителите да не ги игнорираат повторувачките циклични поплаки на своето дете за лошо расположение и гадење, особено по преоптоварување или продолжено изложување на дигитални екрани, и навремено да се консултираат со педијатриски невролог.

Мојсак претходно изјави за ТАСС дека луѓето кои страдаат од хронични мигрени (со напади што се случуваат повеќе од 15 пати месечно) доживуваат намалување на сивата материја во мозокот, што може да доведе до намалена концентрација и оштетување на меморијата.

Таа наведе строго придржување кон дневната рутина, ограничување на предизвикувачите и одење во кревет во исто време како примарен метод за заштита на нервниот систем без лекови.

Тагови: мигрена телефони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Крдо од 12 диви свињи се прошетаа низ центарот на Солун (ВИДЕО)

Уште една „прошетка“ на диви свињи во населено место е снимена вчера вечерта во Солун, вториот по големина град во Грција.

Крдо од 12 диви свињи се прошетаа низ центарот на Солун (ВИДЕО)

Како што може да се види во видеото објавено на TikTok, вкупно 12 диви свињи се забележани во областа Харилау, објавија грчките медиуми.

„Мислам дека вечерните излети завршуваат тука“, напиша жител на областа, кој го снимаше крдото диви свињи.

Животните, кои можат да бидат исклучително опасни, мирно шетаа среде ноќ во потрага по храна, без никој да ги допре.

Тагови: диви свињи солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Албанец од Косово со нож до смрт избодел 15- годишен тинејџер во Германија

Албанецот Албин Бејтулаху (23) од Вучитрн е осомничен за вмешаност во убиството на 15-годишно момче во Марсберг, Германија. 

Албанец од Косово со нож до смрт избодел 15- годишен тинејџер во Германија

Тој се предал на полицијата заедно со неговиот соучесник откако германските власти издале налог за претрес по нив, објави Билд.

Полицијата во Дортмунд соопшти дека двајцата осомничени, на возраст од 22 и 23 години, се предале на властите.

Претходно биле издадени налози за апсење поради сомнение за убиство со умисла и нанесување тешки телесни повреди.

Според германските власти, тие се осомничени дека учествувале во тепачка во населбата Есенто во Марсберг во саботата, 19 септември, во близина на приватна роденденска забава.

За време на тепачката, 15-годишникот од Дортмунд бил избоден со нож и починал на местото на настанот. Друг млад човек, на возраст од 18 години, се здобил со тешки повреди и е однесен во болница.

Полицијата започнала потрага по осомничените и објавила нивни фотографии. Полицијата, исто така, користела хеликоптер за време на претресот во областа Марсберг. Властите соопштија дека, и покрај нивното бегство, немало проценка дека постои закана за населението.

Осомничените се од Хам. Според информациите објавени од германските медиуми, едниот е грчки државјанин, додека другиот е од Косово. Тие се идентификувани како Алекс Олтаси (22) и Албин Бејтаљаху (23).

По нивното предавање, јавната потрага по нив е прекината. Во среда, на 23 септември, двајцата се изведени пред судија за притвор.

Истрагата за околностите и мотивот на конфликтот продолжува. Обвинителството сè уште не објавило целосни детали за тоа како започнал конфликтот и што довело до употреба на насилство. Властите, исто така, ја истражуваат специфичната улога на секој од двајцата осомничени.

Според непотврдени информации, група млади мажи се судриле поради девојка.

Тагови: Косово нож

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер