Коби Брајант нема да влезе годинава во Куќата на славните - Канал 5

Кошарка

Коби Брајант нема да влезе годинава во Куќата на славните

Претседателот на кошаркарската Куќа на славните во Спрингфилд објави дека церемонијата за прием на нови членови заради пандемија на коронавирус е одложена од септември за почетокот на 2021 година.

Коби Брајант нема да влезе годинава во Куќата на славните

„Дефинитивно се откажуваме. Ќе ја одржиме церемонијата во првиот квартал од 2021 година. Во текот на следните неколку недели ќе се сретнеме и ќе ги разгледаме сите опции - кога, каде и како“, рече Џери Колангело.

Во април беше објавено дека сите осум кандидати кои го поминаа првиот круг ќе влезат во Куќата на славните оваа година, а најголемото име меѓу нив е починатиот Коби Брајант.

Легендата на ЛА Лејкерс загина во хеликоптерска несреќа на 26 јануари, нешто повеќе од два месеци пред официјално да се потврди формалноста на неговиот влез.

Покрај Коби, нови жители на Куќата на славните ќе станат уште две легенди од неговата генерација - Тим Данкан и Кевин Гарнет.

Покрај нив, влегуваат поранешната sвезда на ВНБА, Тамика Котингс, славниот тренер Руди Томјанович, универзитетскиот тренер Еди Сатон, тренерите Ким Мулки и Барбара Стивенс и покојниот поранешен генерален секретар на ФИБА, Патрик Бауман, кој беше номиниран од Меѓународниот комитет.

Најголема чест во светот на кошарката ќе им биде доделена на тројцата новодојденци постхумно. Освен Брајант и Бауман,и Еди Сатон, кој работел како универзитетски тренер 37 години почина минатиот викенд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувенстус со нова понуда за Емилијано Мартинез

Јувентус е блиску до ангажирање на еден од најдобрите светски голмани, Емилијано Мартинез.

Јувенстус со нова понуда за Емилијано Мартинез

Според Дејвид Орнштајн, доверлив новинар на „Скај Спортс“ и „Атлетик“, претставниците на клубот од Торино доставиле нова, подобрена понуда до Астон Вила, а договорот меѓу двата клуба е сè поблизу.

Јувентус е подготвен да плати пакет вреден 10 милиони евра, структуриран како фиксен износ од 7 милиони евра плус 3 милиони евра во вид на бонуси поврзани со учинокот. Сепак, клубот од Бирмингем во моментов инсистира на 10 милиони евра во загарантирани средства, па преговорите се фокусираат токму на структурата на плаќањето.

Личните услови не претставуваат проблем Орнштајн нагласува дека личните услови меѓу 33-годишниот аргентински интернационалец и „Старата дама“ воопшто не претставуваат пречка. Мартинез изрази силна желба да се пресели на стадионот „Алијанц“ и е подготвен да го прифати понудениот повеќегодишен договор.

Трансферот дополнително го поткрепува фактот што Астон Вила веќе е длабоко во преговори за ангажирање на голман-замена; следствено на тоа, се очекува клубовите да постигнат компромис и наскоро да го финализираат договорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер