Македонија

Коалицијата Алијанса за Албанците и Алтернатива ги интензивираат активностите

Деновиве кога се очекува пад на пандемијата и додека се разгледува датумот на  идните избори,делегација на Алијансата за Албанците, предводена од претседателот Зијадин Села, беше во посета на Алтернатива, каде ги пречека претседателот, Африм Гаши.

Според партиското соопштение,тема на средбата беше соочувањето со коронавирусот, како и организацијата на предвремените парламентарни избори. Во врска со епидемијата, двајцата претседатели истакнаа дека и покрај фактот дека болеста е ставена под контрола, бројките од последните денови покажуваат дека сè уште сме далеку од крајот на оваа тема.

Покрај загрижувачките вести за здравјето на граѓаните, ова ситуација неизбежно влијае и на изборната агенда.

Двајцата претседатели истакнаа дека здравјето на граѓаните е над секој друг интерес, вклучително и политичкиот. Затоа, тие го повторија ставот дека изборите не смеаат да се одржуваат во вакви услови и дека во ниту еден случај не смее да се загрози јавното здравје.

Како резултат на тоа, осврнувајќи се на сите фактички анализи направени од локални и меѓународни експерти, може да се заклучи дека крајот на јули и почетокот на август може да биде најповолното време кога граѓаните ќе имаат можност да ја изразат својата политичка воља, заклучија тие. Дури ако овие услови не се поправат и на овие датуми, за Коалицијата здравјето останува поважно отколку изборите. Покрај тоа, двајцата претседатели го искажаа својата политичка подготвеност да учествуваат на изборите кога и да бидат одржани, убедени дека по победата над пандемијата, време е и за долгоочекуваната промена на политичката сцена на нашата земја.

На состанокот присуствуваа и генералните секретари на партиите, Арбен Таравари и Скендер Реџепи - Зејди, потпретседателот на Алијансата, Елми Азири, како и секретарот за односи со јавноста на Aлтернатива, Зеќирија Ибрахими, се наведува во соопштението на Алтернатива.

Ракомет

Лазаров го објави поширокиот список за баражот со Фарски Острови

Во стручниот штаб предводен од Лазаров за дуелите против Фарски Острови е вклучен и поранешниот долгогодишен репрезентативец Стојанче Стоилов.

Вкупно 36 ракометари, од кои петмина интернационалци, се најдоа на поширокиот список кој селекторот на македонската машка репрезентација Кирил Лазаров го објави денеска за мајските бараж натпревари против Фарските Острови за пласман на Светското првенство во 2025 година.

Во стручниот штаб предводен од Лазаров за дуелите против Фарски Острови е вклучен и поранешниот долгогодишен репрезентативец Стојанче Стоилов.

Македонските ракометари првиот бараж натпревар против Фарски Острови ќе го одиграат на 8 мај на гостински терен, а реваншот е на 12 мај во Скопје, со почеток во 19 часот во СЦ „Борис Трајковски“.

Повикани ракометари:

НИКОЛА МИТРЕВСКИ ФК ПОРТО

МАРТИН ТОМОВСКИ РК ВАРДАР 1961

МАРКО КИЗИЌ РК ЕУРОФАРМ ПЕЛИСТЕР

ИВАН ГАЛЕВСКИ РК АЛКАЛОИД

ЦВЕТАН КУЗМАНОСКИ РК ЕУРОФАРМ ПЕЛИСТЕР

ПЕТАР АТАНАСИЈЕВИЌ РК ЕУРОФАРМ ПЕЛИСТЕР

ГОЦЕ ОЈЛЕСКИ ГРК ОХРИД

ДИМИТАР ДИМИТРИОСКИ ЦД БАЛОНМАНО АТЛЕТИКО ВАЉАДОЛИД

НИКОЛА КОСТЕСКИ ТАЛЕНТ ПЛЗЕН

НИКОЛА СТОИЛЕВ ГРК ОХРИД

МАРТИН ПОПОВСКИ ГЦ АМИЧИТИА Цирих

ЖАРКО ПЕШЕВСКИ РК ЕВРОФРАМ ПЕЛИСТЕР

МИЛАН ЛАЗАРЕВСКИ РК ВАРДАР 1961

НИКОЛА МАРКОСКИ РК АЛКАЛОИД

МАРКО СТОЈКОВИЌ РК АЛКАЛОИД

МИХАИЛ АЛАРОВ РК ВАРДАР 1961

ВАЛЕНТИН КАРАСМАНАКИС РК АЛКАЛОИД

КРИСТИЈАН АТАНАСОВ ГРК ТИКВЕШ 2014

ТОМЧЕ СТОЈАНОВСКИ РК БУТЕЛ СКОПЈЕ

ТОМИСЛАВ ЈАГУРИНОСКИ РК ВАРДАР 1961

МАРТИН ВЕЛКОВСКИ РК АЛКАЛОИД

ФИЛИП НИКОЛОВ РК БУТЕЛ СКОПЈЕ

МАРТИН СЕРАФИМОВ РК АЛКАЛОИД

ДАВИД САВРЕВСКИ РК АЛКАЛОИД

ДАМЈАН МИТЕВ РК АЛКАЛОИД

МАРТИН КАРАПАЛЕВСКИ РК ВАРДАР 1961 г

МАРКО МИТЕВ РК АЛКАЛОИД

МАРИО ТАНКОСКИ РК ЕУРОФАРМ ПЕЛИСТЕР

ИВАН ЈОНОВ РК АЛКАЛОИД

ЕМИЛИЈАН ЖОРГОСКИ РК ЕУРОФАРМ ПЕЛИСТЕР

ПАВЕЛ АТАНАСИЈЕВИЌ РК ЕУРОФАРМ ПЕЛИСТЕР

ФИЛИП КУЗМАНОВСКИ РК ЕУРОФАРМ ПЕЛИСТЕР

ФИЛИП ТАЛЕСКИ Спорт Бенфика (ПОР)

МИХАЈЛО МЛАДЕНОВИЌ РК АЛКАЛОИД

МАРКО МИШЕВСКИ РК ВАРДАР 1961

ГОРАН ХРИСТИЈАНСКИ ГРК ОХРИД.

НБА

Кари ја освои наградата „Џери Вест“

Кошаркарот на Голден Стејт Вориорс, Стивен Кари, е добитник на овосезонската награда „Џери Вест“, која му се доделува на најдобриот играч во решавачките моменти од натпреварите во НБА лигата.

Наградата која се доделува на клучниот играч во последните пет минути од натпреварите во кои резултатот е до пет поени разлика, беше воведена минатата сезона, а Кари го наследи дефанзивецот на Сакраменто Кингс, Де Арон Фокс.

Кари во изборот доби вкупно 298 поени (45 први, 18 втори и 19 трети места).

Второто место со 272 поени (34 први места) го зазеде Демар Дерозан од Чикаго Булс, додека третото место го освои Шеј Гилџес.-Александер од Оклахома Сити со 160 бодови (11 први места). /МИА

Регион

Во Атина уапсени двајца членови на меѓународната криминална група „Пинк Пантери“

Двајца странски државјани, членови на меѓународната криминална група „Пинк Пантери“, во средата биле уапсени во Атина, а се товарат за две кражби на златарници во центарот на градот, јави дописничката на МИА од Атина.

Неофицијално станува збор за српски државјани, а за кражбите го користеле методот „рифифи“, односно во златарниците и продавниците за накит влегувале по направени дупки од соседни напуштени или празни згради или простори.

Од грчката полиција соопштија дека уапсените биле активни најмалку од декември минатата година, користеле фалсификувани документи, а се движеле со возила со странски регистарски таблички или во сопственост на лица со чисто криминално досие, за да не бидат откриени.

Во однос на начинот на дејствување откако ги таргетирале продавниците, ги набљудувале, по што подготвувале соодветен план и се движеле пеш за да не бидат сомнителни.

Откако успевале да добијат пристап до напуштените или празни згради-лепенки до златарниците, отворале дупка на ѕидот што води до продавницата.

Еден од уапсените влегувал преку дупката со лазење за да не се активираат детекторите за движење и со украдениот накит се враќал во соседниот простор.

Од досегашната истрага на полицијата, расчистени се две случаи на кражби во златарници во центарот на Атина, а продолжува истрагата за утврдување на целосниот обем на нивната криминална активност.

По извршениот претрес на уапсените меѓу другото, биле пронајдени и одземени алатки за кражби, три часовници, накит, 190 евра, фалсификувана возачка дозвола, три мобилни телефони.

притисни ентер