КултураКнигите од капиталните едиции пуштени во слободна продажбаСите капитални едиции промовирани последните неколку години и сите поддржани изданија во Годишната програма на Министерството за култура можат да се купат во пет библиотеки во Македонија. Делата се достапни во Националната универзитетска библиотека „Св. Климент Охридски“ во Скопје, во универзитетските библиотеки „Св. Климент Охридски“ од Битола и „Гоце Делчев“ од Штип и во библиотеките „Кочо Рацин“ од Тетово и „Григор Прличев“ од Охрид.Министерката за култура Елизабета Канческа-Милевска денеска информира дека иако овие едиции се дел од библиотечните фондови на националните институции, нивната интенција е книгите да бидат пуштени и во продажба за секој читател да може да си избере одредено издание од домашната и светска литература. - Наша цел беше да ги доближиме врвните вредности на македонската и светската литература до читателската јавност, да обезбедиме соодветна литература која ќе го збогати образовниот и едукативниот процес, да го подигнеме нивото на интелектулна култура во нашата држава, рече Канческа-Милевска. Министерката за култура додаде дека при бројните промоции на делата постојано до нив пристигнувале иницијативи и побарувања од стручните редакции и од граѓаните за едициите да бидат дел од нивните приватни библиотеки. За таа цел, како што рече, Министерството за култура во мај годинава пристапи кон измени во Законот за библиотеките со што конечно се создадоа формално-правни услови националните установи од областа на библиотечната дејност да можат да вршат продажба на публикации. Од 1 јули дел од книгите можат да се купат одделно или да се купи цел комплет на десет месечни рати. Просечната цена на една книга од едицијата „130 тома македонска книжевност“ изнесува 156 денари, а книга од едицијата „Превод на литературните дела на добитници на Нобелова награда за литература“ е 300 денари. - Продажбата на публикациите во нашите установи ќе има исклучително значајна културолошка и воспитно-образовна функција и ќе придонесе библиотеките дополнително да се отворат кон јавноста, рече Канческа-Милевска. Таа информира дека проекти кое се во фаза на реализација се -Антологија на македонската поезија на шест светски јазици, Антологија на македонската литература за млади и деца, 50 книги за најпознатите светски битки, 50 книги од областа на здравиот живот, уметноста и архитектурата, 316 книги од едицијата Светско книжевно богатство,... Директорот на Националната универзитетска библиотека „Св. Климент Охридски“ од Скопје Иван Заров посочи дека некои од овие дела првпат се преведени на современ, книжевен, македонски јазик и додаде оти се работи за многу квалитетни преводи. - Читајте, купувајте и ширете го убавиот македонски збор, рече Заров. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизФото: Џеј Ло во тесно трико ги истакна облинитеШто промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години. Папарацо-фотографиите го открија нејзиното совршено тело. Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање. Дефинитовно оваа промена вродила со плод и сега жешката Латиноамериканка изгледа подобро од било кога. Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена. Сепак, тешко е да се поверува дека оваа жена има 57 години и е мајка на две возрасни деца. Тагови: Џенифер Лопез Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваВидео-фото: Најпознатата плус сајз манекенка гордно го покажа телото: Вака изгледа мојот животНајпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот. На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално. https://www.instagram.com/reel/DeO4MOMznWf/?utm_source=ig_embed „Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото. Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски: Дијалогот со Бугарија ќе продолжи и очекувам во определена фаза ставовите да се приближат15:00Царинска управа: на Богородица спречен шверц на заштитени видови змии 12:41Доживотна затворска казна доби серискиот убиец Трајко Бојковски од Старо Нагоричане18:15Доживотен затвор за серискиот убиец од Старо Нагоричане15:16Муцунски: ЕУ да не оценува според реформите не според историјата, дијалогот ќе продолжи08:43
Мицкоски: Дијалогот со Бугарија ќе продолжи и очекувам во определена фаза ставовите да се приближат15:00
ЖивотЕврото падна на најниско ниво во однос на доларот во последните 17 месецЕврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви. Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција. Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook