Забава

Клои Кардашијан има ново момче, отако раскина со НБА ѕвезда

Клои Кардашијан наводно има ново момче по раскинувањето со Тристан Томпсон.

Нивната врска допрва започнува, но Клои се чувствува одлично со својот нов, мистериозен маж“, изјавил извор за магазинот People.

Наводно, Кардашијан го запознала нејзиното сегашно момче, инвеститор во приватен капитал, пред неколку недели на вечера.

Изворот тврди дека Клои сè уште разговара со поранешниот партнер Тристан, но само кога станува збор за нивната мала ќерка. Изворот изјавил за People дека Клои била уништена од неверството на Томпсон и дека никогаш повеќе нема да биде со него.

Да потсетиме, Томпсон и Кардашијан (37) се во врска по неколку раскинувања од 2016 година, а заедно ја имаат четиригодишната ќерка Тру. Покрај тоа, кошаркарот со моделот Џордан Крег го има и петгодишниот син Принс.

Минатата недела се рашири гласина дека Кардашијан е вљубена во уште еден НБА кошаркар, а таа тоа го демантираше.

"Тоа дефинитивно не е точно! Не се гледам со никого. Среќна сум што ќе можам да се фокусирам на ќерка ми и на себе некое време", напишала таа во коментар на Инстаграм.

Регион

Европскиот парламент одобри визна либерализација за Србите од Косово

За безвижен режим за патување во ЕУ гласаа 406 од 597 европратеници.

Европскиот парламент денеска изгласа либерализација на визите за имателите на српски пасоши од Косово, кои ги издава Координативната администрација на Србија, на предлог на европратеникот и известувач за укинување на тие визи, Матјаж Немец.

За безвижен режим за патување во ЕУ гласаа 406 од 597 европратеници - до 90 дена за имателите на пасоши издадени од Координативната управа на Србија, 97 беа против, а 94 беа воздржани.

Германецот, обраќајќи им се на членовите на ЕП пред гласањето, рече дека тоа е важно гласање и одлука која ќе го подобри животот на 18.000 српски државјани на Косово, кои се носители на специјални пасоши. /МИА

Регион

Вучиќ: Со кампањата во Македонија, Курти ја поткопува регионалната стабилност

Предизборната кампања во Македонија најде место и на седницата на Советот за безбедност на Обединетите нации, каде синоќа се расправаше за извештајот за работата на УМНИК на Косово.

Српскиот претседател Вучиќ во своето обраќање рече дека косовскиот премиер Курти се мешал во внатрешните работи на Македонија и дека бил вклучен во предизборната кампања во земјава. Косовската претсеателка Вјоса Османи, пак, обвини дека Белград со терористички тактики го поткопувал уставниот поредок во Косово.

Свет

Швајцарија замрзна руски имот во вредност од 5,8 милијарди франци

 Швајцарија замрзна руски имот во вредност од 5,8 милијарди швајцарски франци или 5,95 милијарди евра, соопшти денеска Државниот секретаријат за економски прашања на земјата (СЕКО).

Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.

Вредноста на замрзнатите руски средства во Швајцарија е помала отколку на крајот на 2022 година, кога изнесуваше 7,5 милијарди швајцарски франци.

„Вредноста на финансиските средства замрзнати во врска со санкциите против Русија изнесуваше 5,8 милијарди швајцарски франци на 31 декември 2023 година. Ова е за 1,7 милијарди швајцарски франци помалку од бројката пријавена за декември 2022 година. Покрај тоа, сега се блокирани 17 имоти во 7 кантони“ се вели во соопштението на СЕКО. /МИА

притисни ентер