Клетките на рак хибернираат како мечки, за да ја преживеат хемотерапијата - Канал 5

Здравје

Клетките на рак хибернираат како мечки, за да ја преживеат хемотерапијата

Според најновите истражувања, клетките на ракот можат да хибернираат како „мечки во зима“ кога се соочуваат со закана по преживување, како што е хемотерапијата.

Клетките на рак хибернираат како мечки, за да ја преживеат хемотерапијата

Во таква ситуација, тие се во состојба да активираат состојба во која можат да преживеат со многу скудни ресурси.

За успешно лекување на рак, важно е да се знаете како клетките на ракот се спротивставуваат на третманот. Имено, неколку години по третманот може да се појави повторување на туморот, иако веќе некое време немало знаци на болеста.

Прелиминарните истражувања на клетките на карцином на дебелото црево, кои влијаеле на човечкото ткиво, покажале дека тие можат да преминат во состојба на „ниско ниво на одржување“ во која ќе успеат да бидат отпорни на лекови, пишува Science Alert.

„Туморот функционира како единствен организам што може да активира состојба на заштеда на енергија за да преживее“, изјави хирургот Кетрин О’Брајан од Центарот за рак во Канада.

"Ние знаеме за примери на животни кои влегуваат во реверзибилна состојба на забавен метаболизам и ниска телесна температура за да издржат тешки услови. Се чини дека клетките на ракот лукаво ги прифатиле истите тактики за да преживеат опасни ситуации", додаде таа.

Истражувачите ги изложиле клетките на ракот на дебелото црево и ректумот на хемотерапија и забележале дека кога се изложени на лекови, тие се координираат во иста состојба како хибернација. Клетките престанале да се размножуваат, што значи дека им биле потребни многу малку хранливи материи за да преживеат.

Сличен експеримент бил извршен и врз глувци трансплантирани со колоректални клетки на рак. Откако глувците развиле тумори со одредена големина, научниците ги лекувале со стандардни методи за хемотерапија. Тие забележале занемарлив раст на туморот кај оние глувци третирани во период од осум недели. Кога третманот бил запрен, туморот повторно започнал да расте.

Покрај механизмот кој наликува на хибернација, експертите забележале уште еден трик во клетките на ракот - автофагија. Автофагијата е метаболички процес со кој телото ги отстранува сопствените оштетени или дисфункционални клетки и со тоа го отстранува отпадот. Но, клетките на ракот знаат сами да се јадат за да ја добијат потребната храна за да преживеат.

Во лабораторија, научниците успеале да го инхибираат процесот на автофагија и хибернација во клетките на ракот преку насочени процеси, а потоа успешно да ги елиминираат целосно со хемотерапија. Ова во иднина може да биде еден од начините за лекување на туморите кои се отпорни на конвенционални третмани.

"Ова ни дава единствена терапевтска опција. Мораме да ги насочиме клетките на ракот додека тие се во оваа бавна, ранлива состојба, пред да се здобијат со генетски мутации што ги прават отпорни на лекови", рече О'Брајан.

Студијата наречена Colorectal Cancer Cells Enter a Diapause-like DTP State to Survive Chemotherapy е објавена во списанието Cell.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер