Клековски апелира сите граѓани кои се или мислат дека се оштетени во кардиохирургијата да поднесат претставка - Канал 5

Македонија

Клековски апелира сите граѓани кои се или мислат дека се оштетени во кардиохирургијата да поднесат претставка

Директорот на Фондот за здравствено осигурување на Македонија, Сашо Клековски вечерва упати апел до можните оштетени граѓаните во кардиохирургијата и до сите други пациенти, да поднесат жалби. 

Клековски апелира сите граѓани кои се или мислат дека се оштетени во кардиохирургијата да поднесат претставка

Изјавата на Клековски, кој гостуваше во „Вести плус“ на Канал 5 ТВ, доаѓа откако кардиохирургот, Сашко Кедев пред неколку дена изјави дека во некои приватни болници се вршат непотребни интервенции со цел профит, вклучувајќи и стентирања и операции. По оваа изјава МЗ најави формирање комисија со експерти од три различни земји за проверка на работењето во приватните здравствени институции, но и продолжување на контролите во јавните здравствени установи кои се занимаваат со истата проблематика.

-Апел до можните оштетени во Кардиохирургија и до сите други пациенти службено да се жалат. Да се жалите, без да се пожалат ништо нема да се реши. Да, се жалат до вас, но вие не сте службена институција за постапување. Нас ни требаат конкретни случаи, бидејќи сега има илјадници стентирани луѓе и ќе биде повеќегодишна работа ако тргнеме да проверуваме досие по досие. Апелирам секој еден граѓанин што е оштетен или мисли дека е оштетен со своите аргументи да поднесе претставка. Јас одговорно тврдам дека ќе ја истражиме и ќе одговориме, рече Клековски.

Тој нагласи дека Фондот нема склучено договори за стентирање со „Жан Митрев“ и „Систина“ за стентирање.

-Кога еден врвен експерт како доктор Кедев ќе изнесе такви тврдења, секако треба да се обрне повеќе внимание, што не значи дека не се водат соодветни контроли и без такви изјави. Во ФЗО имаме договор со јавни и приватни здравствени установи исклучиво во полето на кардиохирургијата, не во полето на кардиологија. Кардиологија, границата интервентна кардиологија е она што популарно го нарекуваат стентирање, се работи на Клиниката во Скопје, во Клиничката болница во Тетово, во Битола, во Штип, во Специјалната болница во Охрид, и спрема нашите сознанија тие капацитети за интервентна кардиологија или стентирање се доволни. Поради тоа, ние немаме договори за стентирање со „Жан Митрев“ и „Систина“, две други приватни болници каде што овој зафат се врши. Стентирањето многу често е итно, односно во случај на срцеви проблеми или прегледи да треба во моментот да се направи. Додека, друг тип на интервенции се елективни кои можат да се закажуваат или договараат во друго време, рече тој

Клековски потенцира дека Фондот склучува договор со приватните здравствени установи во оние подрачја каде што нема давател или нема доволен капацитет на јавни даватели.

-Кардиохирургијата има два дела, едниот е кардиолошкиот, а другиот васкуларниот дел. Кардиолошкиот дел се работи во Кардиохирургија, „Жан Митрев“ и „Систина“. Тоа се трите установи со кои Фондот има договор. И васкуларната се работи во овие три клиники и во Клиниката за торакална хирургија и васкуларна хирургија и ми се чини во Штип и во Охрид. Фондот склучува договор со приватните здравствени установи во оние подрачја каде што нема давател или нема доволен капацитет на јавни даватели. И Кардиохирургијата во Македонија почна како приватна кардиохирургија, а не како јавна кардиохирургија, изјави тој.

Потенцира дека Фондот врши редовни и вонредни контроли во сите здравствени установи со кои има договор за работите за кои има договор.

-Во основа Фондот врши редовни и вонредни контроли на сите установи со кои има договор за работите за кои има договор. Нормално дека можеме да контролираме тоа за кое имаме договор. За тоа што немаме договор, не можеме да го контролираме. Тоа значи дека во поголемите установи вршиме редовни годишни контроли кои опфаќаат, на пример кај една приватна здравствена установа од март до мај контролирани се 20 досиеја кои се лекувани по ДРГ каде цената се формира по ДРГ и 10 каде што цената се дефинира преку пакет услуги. Контролите опфаќаат дијагноза, дополнителни дијагнози, медицинска документација поврзана со тие дијагнози, кои се интервенциите кои се направени со точен опис на секоја поединечна интервенција и за тие работи мора да има медицинска документација како поткрепа. Она што Фондот не го контролира, овие редовни и вонредни контроли ги прават доктори, меѓутоа ги правата доктори по општа пракса кои се стручни за медицина но не навлегуваат што пишува во ултразвукот, што пишува во ЕКГ, но дека мора да има соодветна медицинска документација да се поткрепат наводите и тие се чуваат во болниците кои ги чуваат во одреден рок. Ние вакви контроли правиме во сите поголеми здравствени установи, не само во кардиолошките, рече тој.

Клековски истакна дека стручна проценка дали еден зафат требало да се направи или не, може да го направи само стручна комисија во која ќе има соодветни специјалисти и експерти.

-Редовно секоја година, конкретно во „Жан Митрев“ и „Систина“ секоја година се прават редовни контроли. Сме направиле 9 вонредни контроли заради наплата на приватни средства. И во сите девет случаи пациентите потпишале изјава дека се согласуваат дека оперативните зафати треба да ги платат самите, а да не чекаат на листа. За добар дел од интервенциите, посебно васкуларните интервенции има листа на чекање. Не е дека нема доволно пациенти, туку напротив има повеќе пациенти од што можеме во јавното и во приватното здравство да опслужиме. И сите девет поплаки се поврзани со васкуларна хирургија каде што редовниот термин за пациентот да се оперира бил во ноември а пациентот сакал да направи операција во април на сопствени средства. Нема ниту една поплака на стручниот дел. Ако имало поплаки, ќе сме ги упатиле до ДЗСИ. Стручна проценка дали еден зафат требало да се напра ви или не, може да го направи само стручна комисија во која ќе има соодветни специјалисти и експерти, рече тој.

Клековски соопшти дека Фондот најмногу тужби има од странски болници.

-Станува збор за странски болници. Не станува збор за домашни болници. Најмногу тужби имаше од една болница Фризбург во Германија, каде што пациенти се упатуваа за третман со матични клетки, најчесто хематолошки болни. Тие се наследени процеси и некои од процесите се одбиени. Не станува збор дека Фондот бил крив или не бил, едноставно комуникацијата меѓу Фондот и болницата не била соодветна и не биле соодветно разменувани информациите меѓу двете страни, рече Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 6. октомври 2026 година

Дневен хороскоп за вторник, 6. октомври 2026 година. 

Дневен хороскоп за 6. октомври 2026 година

Вага 24.9.-23.10.

Љубов

Вашата самодоверба ќе биде на краткотраен испит. Но , со љубав и верба во партнерот набргу се ќе надминете.

Кариера

Можен е финансиски трошок за кој што мислевте дека можеше да се избегне , односно дека е непотребен.

Здравје

Не си ја трошете силата попусто.

Шкорпија 24.10-22.11.

Љубов

Вашиот љубовен живот денеска ќе има нов замав , благодарејќи на магичната комуникација што ќе се одвива меѓу вас и вашиот партнер.

Кариера

Одлично ќе маневрирате во секој вид деловна кореспонденција.На суптилен начин ќе ја постигнете саканата цел.

Здравје

Не жалете по небитни работи.

Стрелец 23.11.-21.12.

Љубов

Како што ќе одминува денот , во вашите лични односи ќе име се повеќе фрустрации.

Кариера

Бидете подготвени за нови потфати и активности , што од вас ќе бараат знаење , интуиција и вештина.

Здравје

Не им верувајте на слаткоречиви .

Јарец 22.12.-20.1.

Љубов

Другата страна ќе има зголемени барања на тема нежност , а вие нема да бидете премногу расположени да ја задоволите.

Кариера

Кога своите способности не ги користите со целосен капацитет, би можело да дојде до фрустрации. За тоа ќе размислувате денеска.

Здравје

Кој може , нека оди на пливање.

Водолија 21.1.-19.2.

Љубов

Ќе бидете чувствителни со голема потреба некој да ве гушне. Доколку сте во врска, добро е. Ако сте сами ќе ве мачи копнеж.

Кариера

Во уметничките и естетските професии , би можело да дојде до претерување. Суетата ќе биде преголема и штетна.

Здравје

Спуштете се на земја.

Риби 20.2.- 20.3.

Љубов

На паметен начин ќе успеете да споите пријатно со корисно. На другата страна ќе и се допадне вашиот вкус за детали.

Кариера

Ќе добиете можност за да ја покажете својата прецизност. Токму тоа ви е потребно , па со ентузијазам ќе го прифатите предизвикот.

Здравје

Настинка.

Овен 21.3-20.4.

Љубов

Ќе најдете начин за да задржите нечија доверба , но тоа во исто време и ќе ве обврзе. Сметајте на тоа.

Кариера

Изгледа дека својата работа ќе ја гледате во розево светло. Би било подобро да ја согледате и онаа другата, помалку привлечна страна.

Здравје

Треба да се биде реален.

Бик 21.4- 20.5.

Љубов

Вашата фантазија може да создаде се што недостига , но кога работите ќе ги видите во реалноста, се гледа дека сепак нешто недостига.Поработете на тој дел.

Кариера

Кога сите луѓе би биле простодушни како деца, светот би бил поубав и се би било поедноставно. Соочете се со реалноста.

Здравје

Излезете на сонце .

Близнаци 21.5.-21.6.

Љубов

Иако нема да бидете премногу отворени, сепак ќе покажете добра доза на друштвена комуникација.

Кариера

Денеска би можеле да ви паднат на памет необични финансиски идеи. Некои ќе зарабиотуваат на црно.

Здравје

Чувствителност на нервиот систем.

Рак 22.6-22.7.

Љубов

Денеска вашиот партнер нема да покажува способност за реалност, туку обратно. Затоа вие ќе бидете тука за да го спуштите на земја.

Кариера

На состаноците ќе дојде до недоречености , што ќе ве нервираат. Вие сакате се да ви е јасно , а се случува спротивното.

Здравје

Разјаснете го она што можете.

Лав 23.7-22.8.

Љубов

Во попладневните часови доаѓа до нови поместувања кон подобро во вашата врска. Затоа дочекајте ги со радост.

Кариера

Возможна е соработка со една млада личност , која е посериозна од вашите врсници. Размислувате за неа.

Здравје

Не претерувајте со грижите.

Девица 23.8.-23.9.

Љубов

Во личните односи денеска би можеле да се фокусирате на нешто ново. Заедно ќе истражувате интересни теми.

Кариера

Далечни филозофии, егзотика , други народи и континенти – сето тоа би можело денеска да ве преокупира.

Здравје

Оние кои можат нека отпатуваат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лилјана Поповска и Снежана Калеска Ванчева во „Само вистина“

Вечерва во „Само вистина“ гости ќе бидат Лилјана Поповска и Снежана Калеска Ванчева.

Лилјана Поповска и Снежана Калеска Ванчева во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Заблуди за вежбањето после 50-тата година во кои многумина веруваат

Со возраста, добиваме сè попретпазливи совети, кога станува збор за вежбањето: забавете го темпото, чувајте ги зглобовите, избегнувајте кревање тешки предмети.

Заблуди за вежбањето после 50-тата година во кои многумина веруваат

Ако нешто ве боли, прескокнете ја активноста и придржувајте се до умерено темпо. Дел од оваа претпазливост е оправдан. Телото се менува, градењето мускулна маса станува потешко, а одредени здравствени состојби бараат прилагодување.

Сепак, тренерите специјализирани за работа со постари лица предупредуваат дека прекумерната воздржаност може да го попречи здравото стареење. Пристапот што постарите лица ги смета за кревки, може да ги одврати од активности кои се клучни за одржување на силата, подвижноста и самостојноста, пренесува „Prevention“.

Како да ги разликуваме фактите од заблудите во врска со вежбањето во педесеттите години и подоцна? Еве кои се најчести митови што треба да ги игнорирате за да останете во добра форма.

Болка и тренинг

Многу луѓе со хронична болка во зглобовите или долниот дел на грбот избегнуваат да ги оптоваруваат болните места од страв дека ќе ја влошат својата состојба, вели Стивен Холт, личен тренер кој работи со жени над 50 години. Сепак, во зависност од причината за болката, целосното избегнување на активноста не е најдобро решение.

Во многу случаи, физиотерапевт или квалификуван тренер може да помогне при изборот на вежби што ги зајакнуваат околните мускули без да ги влошат симптомите. Истражувањата покажуваат дека тренингот за сила може да биде решение за одредени болни состојби на зглобовите.

На пример, систематски преглед и мета-анализа од 2024 година, објавени во списанието *Journal of Personalized Medicine*, покажуваат дека тренингот со тегови може да ја намали болката и да ја зголеми силата кај пациенти со остеоартритис на колената или колковите. Ваквиот тренинг може да ја подобри функцијата на зглобовите, под услов програмата да трае најмалку четири недели.

Холт препорачува клиентите – особено оние кои немаат артритис – да ги зајакнуваат мускулите над и под болниот зглоб. „Ако, на пример, ве боли коленото, фокусирајте се на вежби за колковите и глуждовите“, вели тој. „Болката во коленото што не е поврзана со артритис честопати е поврзана со слабост во колковите и глуждовите, бидејќи тие се клучни за функцијата на колената во секојдневниот живот.“

Безбедно вежбање

Тренерите како Холт често слушаат од потенцијални клиенти со остеопороза или остеопенија дека се плашат да вежбаат бидејќи сметаат дека се премногу кревки. Сепак, истражувањата покажуваат дека тренингот за сила е една од најдобрите алатки за спречување или подобрување на состојбата со ниска коскена маса. Тоа е така бидејќи механичкото оптоварување го стимулира зајакнувањето на коските.

Во 2017 година, научниците ја објавија познатата студија LIFTMOR во списанието *Journal of Bone and Mineral Research*. Таа покажува дека тренингот за сила под стручен надзор е безбеден за жени во постменопауза со ниска коскена маса. Во текот на осум месеци, 101 жена вежбале двапати неделно по 30 минути. Резултатот било подобрување на густината на коските во долниот дел на 'рбетот и нозете.

„Учесничките креваа тежина поголема од 80% од нивното максимално оптоварување – многу повеќе отколку што просечна жена на таа возраст би избрала сама“, вели Холт. Тие исто така изведувале вежби како кревање еднорачен тег над глава и мртво кревање(deadlift) – кои претходно се сметале за опасни за оваа демографска група – но тоа го правеле под стручен надзор.

Вежбањето и кортизолот

Еден од најчестите митови што ги шират инфлуенсерите за здрав начин на живот е дека интензивното вежбање – вклучително и трчањето – го зголемува нивото на кортизол, па затоа жените во менопауза треба да го избегнуваат и да се држат до лесни активности. „Тој мит едноставно не исчезнува“, вели Сара Фурман, сертифициран тренер и советник за менопауза.

Таа објаснува дека вежбањето привремено го зголемува нивото на кортизол, што претставува нормална и здрава реакција на стрес за која телото е природно создадено. Според една мета-анализа од 2021 година, нивото на кортизол се зголемува само краткорочно.

Тоа опаѓа два часа по интензивниот тренинг и се враќа на почетното ниво во рок од 24 часа. Со текот на времето и со соодветно закрепнување, интензивното вежбање всушност може да го балансира нивото на кортизол бидејќи го учи телото како да се прилагоди на стресот.

Кортизолот станува проблем само кога е хронично покачен. „Вистинскиот проблем е стресот кој не се контролира правилно, а не напорниот тренинг“, вели Фурман. „Ако им се кажува на жените во средни години да избегнуваат вежби со висок интензитет поради кортизолот, тоа прави повеќе штета отколку корист. Силата и кардиоваскуларниот капацитет се токму она што долгорочно ги заштитува.“

Без страв

„Внимавајте. Одете полека. Не се форсирајте премногу.“ Џенифер Шорт, директорка за фитнес во центарот за постари лица „Touchmark Senior Living“, постојано слуша вакви совети. „Тоа едноставно не е точно. Така нема напредок“, вели таа.

За да напредувате, треба да им обезбедите на мускулите нов стимул преку менување на вежбите и постепено зголемување на тежината на тренингот. Во тренингот за сила, ова е познато како „прогресивно оптоварување“ – што значи како станувате посилни, постепено ја зголемувате тежината и бројот на повторувања, или опсегот на движење.

Ова не значи дека секоја постара личност треба да крева стотици килограми, бидејќи „тешко“ е релативен поим. „Мене показател ми е изразот на лицето“, вели Фурман.

„Ако можете да се смеете во текот на серијата вежби, тежината е премногу мала. Треба да правите гримаси додека ги изведувате последните две повторувања – но секогаш со правилна техника и со чувство дека би можеле да направите уште едно или две ако навистина морате.“

Истото важи и за HIIT (интервалниот тренинг со висок интензитет). „HIIT не е премногу напорен. Всушност, тој е корисен и целосно изводлив за постарите лица“, вели Фурман.

Извор:index.h

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер