Класичен јапонски „Но“ театар во Скопје - Канал 5

Култура

Класичен јапонски „Но“ театар во Скопје

По повод 20 годишнината од воспоставувањето на дипломатски односи меѓу Јапонија и Македонија, Амбасадата на Јапонија во соработка со Театар Комедија ја претставува првата изведба на класичен јапонски „Но“ театар во Скопје, на 27 септември во 20:00 часот.

Класичен јапонски „Но“ театар во Скопје

„Но“ е театарска уметничка форма која датира од 14-от век. Претставува комбинација на драма, музика и танц, а се пренесувала низ генерациите до денешен ден во речиси неизменета форма. Во 2001 година „Но“ театарот е прогласен за „Ремек-дело на усното и нематеријалното наследство на човештвото“ од страна на УНЕСКО.

Кјутаро Хашиока како претставник на деветтата генерација актери на „Но“, од семејството Хашиока, ќе даде преглед на оваа јапонска театарска форма со изведби на сцени од славните „Но“ дела „Хагоромо“ и „Такасаго“.


Кјутаро Хашиока е роден во 1958 година, како најстар син на Кјума Хашиока, член од осмата генерација на семејството Хашиока, чиишто вештини се официјално признаени како Значајно нематеријално културно наследство. Кјутаро Хашиока прв пат дебитира на сцената на тригодишна возраст. Откако ја изведува главната улога во Кикуџидо (Детето на хризантемата) на осумгодишна возраст низ седум европски земји, тој продолжува да изведува Но театар во 30 градови, во десет земји и брилира во сложени дела како што се Саги (Чапјата) или Доџоџи (Храмот Доџоџи). По учеството на јавен настап, по повод посетата на Н.Е. Императорот на Јапонија, на Бразил во 1997 година, по налог на Министерството за надворешни работи на Јапонија и Јапонска Фондација, во 1998 година пролетта, тој предводи група изведувачи со цел да ја претстават уметноста на Но во пет градови низ Бразил. Во мај 2004 година на покана од Сукмјунг женскиот универзитет во Сеул, Република Кореја, тој настапува со Но претставата Такасаго. Ова е прва изведба на Такасаго во Сеул во периодот по Втората светска војна, односно прв пат по 65 години. Во јуни 2006 година, тој е дел од првата Но изведба во Нов Зеланд, во градовите: Велингтон, Оукланд и Палерстон Норт, а во 2013 година настапува и во Виена. Сите изведби се дочекани со големи јавни признанија.
Додека е заштитник на традиционалното Но, тој исто така активно ги поддржува и новите продукции на Но, учествувајќи во разни сценски активности со други изведувачки жанрови. Тој активно го промовира Но театарот и по училиштата, на сите нивоа. Во периодот од 2009 до 2010 година, Хашиока е член и на Експерименталниот одбор за напредок во образованието при префектурата Чиба.

ВОВЕД ВО ЈАПОНСКИОТ „НО“ ТЕАТАР
ОД КЈУТАРО ХАШИОКА IX
27 септември 2014, 20:00
Театар Комедија, Бул. Климент Охридски бб, Скопје
Слободен влез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен тајфун се приближува кон Тајван- откажани се над 1.000 летови (ВИДЕО)

Тајфунот Чампи се приближува кон Тајван, каде што секојдневниот живот е речиси целосно запрен поради силната бура. 

Силен тајфун се приближува кон Тајван- откажани се над 1.000 летови (ВИДЕО)

Иако бурата ослабе, метеоролозите предупредуваат на екстремно силни ветрови и обилни дождови. Едно лице веќе почина, 94 се повредени, а речиси илјада летови се откажани, пишува Ројтерс.

Чампи во еден момент достигна сила на супертајфун и беше една од најсилните бури во Пацификот оваа година. Според податоците од Тајванската метеоролошка администрација (CWA), ветровите во неговиот центар достигнаа брзина до 191 километар на час.

Ветрови посилни од 150 километри на час

Метеоролозите предвидуваат дека тајфунот ќе помине веднаш покрај североисточниот брег на Тајван, потоа ќе се сврти кон кинескиот брег и ќе продолжи кон јужна Јапонија. На жителите на крајбрежните градови им се издадени предупредувања поради можни налети на ветер од над 150 километри на час. Тие беа повикани веднаш да побараат засолниште.

Бурата има радиус од околу 320 километри, што значи дека може да влијае на поголемиот дел од Тајван. Метеоролозите предупредуваат дека бурата може да трае два дена. Според досегашните податоци, едно лице загина во бурата, а 94 се повредени. Тајванските власти евакуираа речиси 1.300 луѓе од планинските подрачја поради опасноста што ја донесоа силните ветрови и обилните дождови.

Откажани се речиси илјада летови

Бурата сериозно го наруши воздушниот сообраќај. Министерството за транспорт на Тајван објави дека за петок се откажани сите 262 домашни летови и уште 717 меѓународни летови, или вкупно 979 летови. Тајван е вообичаено добро подготвен за тајфуни, поради што бројот на жртви во вакви бури е генерално мал, според Ројтерс. Иако тајфуните во областа се најчести во текот на летото, тие можат да го погодат островот и во есенските месеци.

Тагови: Тајван тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Леќата на Маја

Во петок (16.10.2026) во емисијата гостин ни бeше Маја Дукова

„Гответе со Дракче“ - Леќата на Маја

Состојки за денешниот рецепт:

1 чаша црвена леќа

4 моркови

1 пиперка

1 домат (или 3 - 4 лажици доматен сос)

1 главица кромид

2 - 3 чешниња лук

мало парче свеж ѓумбир

1 коцка за супа

1 конзерва кокосово млеко

1 лажица масло

сол, бибер, кари и др. зачини по избор

малку магдонос

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши со честитка по повод 23 Октомври – Денот на Македонската револуционерна борба

По повод 23 Октомври – Денот на Македонската револуционерна борба, упатувам искрени честитки до сите граѓани на Македонија.

Гаши со честитка по повод 23 Октомври – Денот на Македонската револуционерна борба

Овој значаен датум нè потсетува на истрајноста, храброста и стремежот на генерациите пред нас за слобода, достоинство и сопствена државност. Нивната борба и пожртвуваност се дел од историската основа врз која денес ја градиме нашата заедничка иднина.

Одбележувањето на 23 Октомври е можност со почит да се потсетиме на минатото, но и да ја потврдиме нашата заедничка одговорност да градиме демократско, стабилно и просперитетно општество, засновано на меѓусебно почитување, единство и европски вредности.

Само обединети околу заедничките интереси и со почит кон различностите можеме да создадеме држава во која секој граѓанин ќе се чувствува еднакво, сигурно и почитувано.

Со почит,

АФРИМ ГАШИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер