Ќерката на севернокорејскиот лидер ја оствари првата официјална посета на мавзолејот на предците - Канал 5

Свет

Ќерката на севернокорејскиот лидер ја оствари првата официјална посета на мавзолејот на предците

Во изминатите три години, името на Џу-е се појавуваше почесто во државните медиуми, поттикнувајќи шпекулации меѓу аналитичарите и јужнокорејските разузнавачки агенции дека таа би можела да стане лидер од четврта генерација на земјата.

Ќерката на севернокорејскиот лидер ја оствари првата официјална посета на мавзолејот на предците

Ќерката на севернокорејскиот лидер Ким Џонг-ун, Ким Џу-е, за која се верува дека е подготвувана да биде негов наследник, ги придружуваше своите родители во посетата на мавзолејот Кумсусан, каде што им оддаде почит на поранешните лидери на земјата, објавија севернокорејските државни медиуми.

Во изминатите три години, името на Џу-е се појавуваше почесто во државните медиуми, поттикнувајќи шпекулации меѓу аналитичарите и јужнокорејските разузнавачки агенции дека таа би можела да стане лидер од четврта генерација на земјата.

За време на посетата на мавзолејот на 1 јануари, Ким Џонг-ун беше придружуван од неговата сопруга, Ри Сол-ју, и претставници на севернокорејската елита. Џу-е беше забележана со своите родители во главната сала на Палатата на сонцето Гумсусан.

Ким Џу-е, за која се верува дека е родена на почетокот на 2010 година, исто така учествуваше во новогодишните прослави. Таа отпатува во Пекинг со својот татко во септември.

Ким Џонг-ун традиционално го посетува мавзолејот Гумсусан за да им оддаде почит на својот дедо Ким Ил-сунг и татко му Ким Џонг-ил на важни датуми и годишнини, гест што служи за консолидирање на династичкото владеење во земјата со нуклеарно оружје.

Тагови: Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер