Шоу биз

Ќерката на Мерил Стрип се разведува по шест години брак

Мејми Гумер, ќерка на познатата актерка Мерил Стрип, официјално го финализираше разводот од сопругот Мехар Сети по шест години брак.

Актерката (42) поднесе барање за развод во февруари минатата година, а според судските документи добиени од „TMZ“, процесот е финализиран во петок во суд во Лос Анџелес. Датумот на разделба е наведен како 6 мај 2023 година, пишува Дејли Меил.

Деталите за разводот остануваат приватни

Поранешните сопружници имаат две деца, седумгодишниот син Питер и четиригодишната ќерка Мери. Гумер побарала заедничко старателство над децата во нејзиното првично барање. Сепак, како што објавува „TMZ“, документите поврзани со договорените услови за старателство и можната алиментација останале приватни и не се достапни за јавноста.

Втор развод за актерката

Гумер и сценаристот Мехар Сети (44) се верија во август 2018 година и се венчаа во февруари 2019 година, истиот месец кога се роди нивниот син. Ќерката Мери е родена во 2021 година. Ова е втор развод за актерката, која беше во брак со актерот Бенџамин Вокер од 2011 до 2013 година.

Љубовниот живот на Мерил Стрип

Мејми е најстарата ќерка на Мерил Стрип (76) и скулпторот Дон Гамер (79). Добитничката на Оскар има и син, Хенри (46) и ќерки Грејс (39) и Луиза (34) со својот поранешен сопруг. Стрип и Гамер ја објавија својата разделба во октомври 2023 година, по 45 години брак, откривајќи во тоа време дека живееле одвоено „повеќе од шест години“.

Актерката оттогаш започна врска со својот колега Мартин Шорт (76), со кого глуми во серијата „Only Murders in the Building“. Иако веста за нивната романса ја изненади јавноста, извор од снимањето тврди дека тоа било „јавна тајна“ на снимањето и дека нивната наклонетост била очигледна и пред и надвор од камерата.

Стрип промовира продолжение на култен филм

Мерил Стрип моментално е зафатена со промоција на „Ѓаволот носи Прада 2“. Во продолжението на хитот од 2006 година, Ен Хатавеј се враќа како Андреа Сакс, поранешна асистентка во списанието „Runway“, која сега работи како уредник на колумни под раководство на главната уредничка Миранда Пристли, која исто така ја игра Стрип.

Ликот на Миранда Пристли е инспириран од поранешната главна уредничка на „Vogue“, Ана Винтур (76). Пред објавувањето на филмот, Стрип и Винтур заедно ја красат насловната страница на мајското издание на „Vogue“. Винтур изјави дека има „безусловна доверба“ во Стрип за снимањето на продолжението. „Мислам дека сега успеаја да прикажат нешто вистинито за модната индустрија“, коментираше Стрип за враќањето во улогата 20 години подоцна.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Разговор што го промени текот на полуфиналето!!

На социјалните мрежи се појави видео од разговор меѓу капитенот на Аргентина Лионел Меси и асот на Англија Џуд Белингем, кој се одвиваше за време на полуфиналниот натпревар во Атланта.

Читачите од усните го дешифрираа разговорот помеѓу Лео Меси и Џуд Белингам за време на натпреварот:

Меси: „Не беше мој фаул... Тоа е првата одлука што отиде во наша корист.“

Белингам: „Не, не... Не беше фаул.“

Меси: „Тоа е првата одлука што отиде во наша корист.“

Белингам: „Не, не.“

Меси: „Што гледаш?“

Меси: „Добро, добро!“

Многу фанови веруваат дека реакцијата на капитенот на Аргентина по нивната расправија била клучна за пресвртот.

I’ve seen thousands of Messi videos over the years, but nothing tops this 😂 pic.twitter.com/jM0KcD9MxU
— Jacob C. Edmunds (@JacobCEdmunds) July 16, 2026

Осум минути по разговорот меѓу Меси и Белингем, Аргентина направи голем пресврт и со голови при крајот на натпреварот стигна до победа од 2:1 и пласман во финалето на Светското првенство.

Иако е невозможно да се тврди дека токму овој разговор го решил натпреварот, сцената стана еден од најкоментираните моменти во полуфиналето и дополнително ја поттикна приказната за менталната сила на светските шампиони.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски – Бројер: Унапредување на одбранбената соработка и зајакнување на партнерството во рамки на НАТО

На средбата со Бројер како што објави Мицкоски се разговарало за понатамошно унапредување на билатералната одбранбена соработка, зајакнувањето на партнерството во рамки на нато, како и за актуелните безбедносни предизвици со кои се соочува Европа.

Премиерот Христијан Мицкоски заедно со министерот за одбрана Владо Мисајловски оствари средба со началникот на генералштабот на вооружените сили на СР Германија, Генерал Карстен Бројер, кој е во дводневна официјална посета на Македонија и македонската армија.

На средбата со Бројер како што објави Мицкоски се разговарало за понатамошно унапредување на билатералната одбранбена соработка, зајакнувањето на партнерството во рамки на нато, како и за актуелните безбедносни предизвици со кои се соочува Европа.

Заеднички била потврдена определбата за продлабочување на соработката преку размена на искуства, заеднички активности и натамошен развој на капацитетите на вооружените сили, со цел јакнење на регионалната и евроатлантската безбедност – наведува Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Банов: Дали СДС и Герасимовски се вмешани во потенцијална финансиска афера од милионски размери?

Дали СДС и Герасимовски се вмешани во потенцијална финансиска афера од милионски размери?

Паркинзи на Општина Центар, под раководство на кадри од СДС, во 2024 отпишале вкупно 2 милиони и 221 илјада денари, долгови од физички лица, како и 912 илјади денари долгови од компании. Па наместо овие, вкупно преку 3 милиони денари, односно над 50.000 евра, пари на Центарци, да завршат во општинската каса, тие којзнае во чии џебови биле натуткани.

Во ревизорскиот извештај за 2024, стои и информацијата дека за овие пари, требало да се наплати и данок на личен доход кон буџетот на државата од вкупно 247 илјади денари, пари на граѓаните.

СДС, познати во јавноста по чантички и куферчиња со кеш, се под сомнение дека со години до коска ја соголуваат општина Центар и центарци или како што државниот завод за ревизија го нарекува, „ефект на нереално и необјективно презентирање на финансиските извештаи“.

Се ова, со одлука на управниот одбор на ПОЦ, кој има име и презиме, односно: Александар Писинов, Дарко Конески, Никола Савовски, Оливер Тоновски, Маја Зрмановска и секако, најповиканите, директорот на паркинзи, Душко Коцевски и градоначалникот Горан Герасимовски. Ете овие луѓе, почитувани сограѓани, центарци, се расфрлаат со нашите пари, како да се нивни лични.

Ги повикуваме итно да ги објават имињата на компаниите и луѓето од кои ги отпишале три-милионските долгови! Дали се тоа членови на СДС? Дали парите наместо кај центарци, завршиле на сметките на компании блиски до Зоран Заев и Венко Филипе?!

Почитувани,

Оваа огромна сума на пари ќе го решеше недостатокот на место во градинките во Центар, ќе се изградеа нови училишта, обновеа улици и тротоари, паркови, спортски сали, современи игралишта и еден куп други инфраструктурни проекти.

Наместо тоа, СДС ја влече Општина Центар заедно со себе во сигурна пропаст. ПОЦ наместо да ги наплаќа парите кои им ги должат, а Центар со години тапка во место!

Лазар Банов, потпретседател на ОК Центар

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.