Ќерката на Мајкл Џексон на црвениот тепих позираше со вереникот (ФОТО) - Канал 5

Шоу биз

Ќерката на Мајкл Џексон на црвениот тепих позираше со вереникот (ФОТО)

Парис Џексон (27), ќерка на покојниот крал на попот Мајкл Џексон и Деби Роу се појави со својот вереник, музичкиот продуцент Џастин Лонг, на премиерата на филмот „Една лажица чоколадо“ како дел од филмскиот фестивал Трибека во Њујорк. 

Ќерката на Мајкл Џексон на црвениот тепих позираше со вереникот (ФОТО)

Двојката привлече големо внимание на црвениот тепих од собраните фотографи и обожаватели со својот изглед.

Парис блескаше во фустан со цветни мотиви, кој совршено го нагласуваше нејзиниот уметнички стил. До неа стоеше Џастин, елегантен во црн смокинг и со својата препознатлива долга коса, покажувајќи го својот класичен лежерен стил.

Сѐ повеќе и повеќе актерски ангажмани

Премиерата се одржа во театарот BMCC, а станува збор за проекција на филм во режија на познатиот режисер и музичар РЗА. Филмот ја следи приказната за поранешен војник и осуденик кој, откако се преселил во мал град, се обидува да најде љубов, се соочува со опасности и животни предизвици.

Иако деталите за улогата на Парис Џексон сè уште не се целосно познати, публиката со голем интерес го очекува нејзиниот настап, особено имајќи го предвид зголемениот број актерски ангажмани што ги оствари во последните години.

Тие се верија во декември 2024 година.

Иако таа не ги откри деталите за тоа кога и каде Џастин ѝ предложил брак, странските медиуми го забележаа вереничкиот прстен на нејзината рака уште во септември. Се претпоставува дека се заедно од 2022 година. Пред Џастин, Парис беше во врска со колегата од бендот The Soundflowers, Габриел Глен, со кого раскина во 2021 година по две години врска. Потоа изјави дека никогаш не била повредена повеќе. „Тоа беше најдлабоката љубов што некогаш сум ја почувствувала, но и најинтензивното предавство. Искуството ме промени и сега сум многу внимателна со кого го делам времето и се заштитувам“, рече таа во тоа време без да ги открие деталите за предавството.

Пет години без дрога и алкохол

Во јануари оваа година, Парис направи емотивна објава на Инстаграм и откри дека е чиста од алкохол и дрога веќе пет години. „Здраво, јас сум П.К., јас сум алкохоличарка и зависничка од хероин. Денес се навршуваат пет години откако сум чиста и трезна од сите дроги и алкохол. Да кажам дека сум благодарна би било потценување“, започна таа во описот.

„Денес можам да се насмевнам затоа што сум трезна. Можам да создавам музика. Можам да ја доживеам радоста што ја добивам од љубовта кон моите кучиња и мојата мачка. Можам целосно да ја почувствувам скршената душа. Можам да тагувам. Сфатив дека животот продолжува без разлика дали сум трезна или не, но денес конечно можам да бидам тука“, додаде таа.

Во видеото, таа покажа неколку моменти од времето кога се бореше со зависност. После тоа, таа покажа серија жетони што ги добила за време на третманот, како и моменти што ги истакнала дека се можни поради трезвеноста. Меѓу другото, може да се види како планинари, создава музика и разменува нежност со својот вереник Џастин Лонг.

Покрај зависностите, таа се бореше и со депресија.

Ова не беше прв пат Парис да коментира за својата зависност. Во 2017 година, таа призна за Ролинг Стоун дека поради депресија и дрога, неколку пати се обидела да си го одземе животот. „Се мразев себеси, имав ниска самодоверба, мислев дека не можам да направам ништо како што треба, не мислев дека вреди да се живее“, рече таа.

Со целосно име Парис - Мајкл Кетрин Џексон, таа е второ дете и единствена ќерка на Мајкл Џексон и неговата втора сопруга Деби Роу. Парис ги има браќата Принс (27) и Биги (21). Покрај музиката, таа се занимава и со манекенство, а имала и помали улоги во филмовите „Гринго“, „Просторот помеѓу“, „Навика“ и „Сексапил“.

Тагови: Мајкл Џексон црвен тепих

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер