Забава

Ќерката на Мадона речиси гола се прошета низ Париз (ФОТО)

Најстарата ќерка на Мадона, Лурдес Леон, привлече големо внимание на Неделата на модата во Париз кога се појави во смел, проѕирен фустан.

За ревијата на „Отолингер“, 29-годишната манекенка се одлучи за тесна креација со долги ракави од полупроѕирен материјал што ја нагласуваше нејзината фигура и ги откриваше градите.

Црната долна облека беше видлива под тенката ткаенина, додека долгиот раб на фустанот се влечеше по подот додека го напушташе настанот каде што дизајнерката ја претстави нејзината есенско/зимска колекција. Таа ја комплетираше смелата модна комбинација со темно сако лежерно префрлено преку рамената, црна лакирана чанта и сандали.

Не ѝ е прв пат

Лурдес, позната и по прекарот Лола, не беше прв пат на црвениот тепих да привлече внимание со провокативно модно издание. Минатата година, исто така за време на Неделата на модата во Париз, таа се појави во проѕирен фустан.

Потоа го прескокна градникот и носеше целосно проѕирен комбинезон во кој позираше за фотографите. Таа претходно била видена без градник на модните ревии на „Викторијас Сикрет“ и „Фенти“ на Ријана, а учествувала и во посмели модни едиторијали.

Го следи примерот на нејзината мајка

Експертот за образование, д-р Џен Ман, авторка на „Водич од А до Ш за одгледување среќни самоуверени деца“, претходно изјави дека Лурдес всушност го следи примерот на нејзината мајка Мадона.

„Верувам дека Лурдес, со благослов на нејзината мајка, ја продолжува семејната традиција на поместување на границите“, рече таа. „Мадона отсекогаш била свесна за моќта на женското тело и знаела како да ја користи за да привлече медиумско внимание.“

Гради успешна кариера

Денес, Лурдес гради кариера како пејачка, модел и актерка. Таа е едно од шесте деца на пејачката Мадона, која има две биолошки и четири посвоени деца. Таткото на Лурдес е поранешниот партнер на Мадона, Карлос Леон.

Таа дебитираше на модната писта во 2018 година на Неделата на модата во Њујорк за брендот „Џипси Спорт“, а оттогаш, меѓу другите, прошета на ревијата на „Версаче“ на Неделата на модата во Милано. Таа учествуваше и во кампањи за познати брендови како што се Сваровски, Марк Џејкобс, Стела Мекартни и Конверс.

Лурдес зборува француски и шпански јазик и дипломирала на училиштето за сценски уметности „Ла Гвардија“ во Њујорк. Во интервју за „Вог“ во септември 2021 година, таа истакна дека сака јавноста да не ја гледа исклучиво како ќерка на Мадона.

„Луѓето мислат дека сум само неталентирано богато дете на кое сè му е дадено на послужавник, но тоа не е вистина“, рече таа во тоа време.

Тагови: Мадона Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува 48. Илинденски коњички марш, коњаниците тргнуваат од Горно Лисиче кон Крушево

Околу 40 коњаници, меѓу кои и пет девојки, вечерва во 18 часот, од дворот на црквата „Св. Петар и Павле“ во Горно Лисиче, ќе тргнат кон Крушево.

Околу 40 коњаници, меѓу кои и пет девојки, вечер, во 18 часот, од дворот на црквата „Св. Петар и Павле“ во Горно Лисиче, ќе тргнат кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

Општина Аеродром ги поканува граѓаните да присуствуваат на свеченото испраќање на учесниците на 48. Традиционален Илинденски коњички марш, што ќе се одржи во пресрет на одбележувањето на големиот државен празник – 2 Август, Илинден, во организација на Здружението на граѓани „Илинденски марш 1978“.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гостивар се очекува денеска да добие техничка вода

По една недела ограничено користење на водата и интензивни активности за санација на водоводниот систем, Гостивар денеска се очекува повторно да добие технички исправна вода за употреба.

Премиерот Христијан Мицкоски информираше дека последните анализи по спроведеното хиперхлорирање на водоводната мрежа покажуваат подобрување на состојбата, а надлежните институции треба официјално да ја потврдат исправноста на водата за техничко користење.

„Екипи од Скопје од Водовод се во Гостивар, работат на хиперхлорирање на инсталациите. Резултатите се веќе добри и очекувам да излезе соопштение дека водата е технички исправна за користење. Во рекорден рок од една недела тоа се санираше“, изјави Мицкоски.

Тој додаде дека Владата ги презела сите мерки што биле во нејзина надлежност, додека за утврдување на евентуална одговорност за состојбата во Гостивар надлежно е Јавното обвинителство.

„Целосната одговорност и ингеренциите за тоа што се случи во Гостивар се кај ЈО, а тие понатаму ќе утврдуваат дали има потреба од дополнителна одговорност“, рече премиерот.

Во однос на критиките од опозицијата, Мицкоски порача дека Владата останува насочена кон решавање на проблемите и обезбедување нормални услуги за граѓаните.

Кризата со водоснабдувањето во Гостивар започна минатата недела, откако по појавата на повеќе случаи на гастроентеритис беше прогласена епидемија и започна истрага за можно загадување на водоводниот систем.

Во рамките на истрагата беа приведени директорката на гостиварското јавно комунално претпријатие Артана Асани, техничкиот директор Леон Мезини и раководителот на секторот за водоснабдување Вадедин Даути.

Поради проблемите со водата беа организирани пунктови и цистерни за техничка вода, а помош пристигна и од повеќе општини, Армијата и државните институции кои обезбедуваа вода за населението.

Во меѓувреме, стручни екипи од скопски „Водовод“ спроведоа дополнителни анализи и хиперхлорирање на системот со цел отстранување на микробиолошката контаминација и целосно нормализирање на состојбата.

Според најавите, безбедна вода за пиење гостиварци треба да добијат откако ќе бидат завршени сите контролни анализи и ќе биде потврдена целосната исправност на системот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утрово штрајк на грчките цариници- затворени се граничните премини

Грчките царински служби денеска ќе штрајкуваат, поради што се очекуваат големи гужви на граничните премини Евзони, Дојран и Ники.

Патниците што патуваат во Грција или се враќаат од таму треба да очекуваат бавен сообраќај и подолги застои на одредени гранични премини поради штрајкот на грчките царински служби.

Според достапните информации, прекинот на работата се однесува на премините Евзони, Дојран и Ники.

На премините Евзони (Богородица), Дојран (Дојрани) и Ники (Меѓитлија), патничките возила ќе бидат пропуштени еднаш на секои 10 минути во периодот од 6 до 10 часот по грчко време, додека товарниот сообраќај е целосно прекинат.

Поради овој режим, се очекуваат подолги застои и формирање редици, особено на преминот Евзони, кој е најфреквентен за туристите кои патуваат во одморалиштата во Грција.

Туристичките организации им советуваат на возачите да ја проверат состојбата на граничните премини пред поаѓање, да испланираат дополнително време за патувањето и да бидат подготвени за евентуални чекања.

Иако се очекува дека по завршувањето на штрајкот, сообраќајот постепено ќе се нормализира, зголемениот број возила би можел да предизвика застои во текот на остатокот од денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.