Во интервју за Paris Match, ќерката на француската прва дама, Тифен Озиер, призна дека сè уште е повредена од „забранетата врска“ помеѓу тогаш омажената учителка и нејзиниот тогашен ученик тинејџер.

Озиер имала само 10 години кога дознала дека нејзината мајка, која работела како учителка, се гледа со 25 години помлад ученик. Брижит сè уште била мажена во тоа време, па нејзините три мали деца морале да трпат постојани шпекулации за „забранета врска“ во Амиен, северна Франција.

"Тогаш научив многу за човечката природа. Знам дека во овие моменти треба да се фокусираме на она што е важно и да одиме напред без разлика на критиките. А имаше сѐ, напади, озборувања, осуди... Тогаш немаше такви информации на социјалните мрежи, но живеевме во мал провинциски град, сѐ беше познато. И покрај ова, стоевме со кренати глави. Јас сум жена со отворен ум, сакам да одам напред и стекнав многу толеранција“, изјави Озиер, која денес има 40 години, пренесува Дејли Мејл.

Таа била особено вознемирена што нејзиниот посрамен татко Андре-Луј Озиер бил принуден да го напушти семејниот дом во 1994 година, иако тој се разведе од Брижит дури во 2006 година, дозволувајќи му на Макрон да се ожени со неа една година подоцна.

„Разделбата на семејството може да биде и тага и можност. Рекомпонирањето може да се покаже како збогатување. Имам сакан татко и очув“, рече Озиер, додавајќи дека таа секогаш зборувала за нејзиниот татко во сегашно време, иако тој починал во 2019 година на 68-годишна возраст.

Paris Match опишува како Тифен била дете кога избил скандалот. Младиот Емануел Макрон често ѕвонел на вратата на семејната куќа, па гласините станале сѐ погласни и, се разбира, тие имале влијание врз трите деца во тоа домаќинство. Нејзината сестра Лоренс тогаш имала 17 години и била соученичка на Емануел Макрон, бидејќи се на иста возраст.

Озиер рече дека гласините за „забранетата врска“ биле застрашувачки за сите деца, вклучувајќи го и нејзиниот брат Себастиен, кој во тоа време имал 19 години. Сите тие биел ученици во Ла Провиденс, римокатоличко средно училиште во Амиен, каде Брижит предавала драма. Таа исто така открила дека била страшно повредена од тврдењата на социјалните мрежи дека нејзината мајка Брижит е родена како машко.

„Бев загрижена за општеството во кое живееме кога слушнав приказна која кружи на социјалните мрежи дека мајка ми е всушност маж. Погледнете ја само довербата со која е кажано такво нешто и кредибилитетот даден на таквата изјава. Како да се спротивставиме на дезинформациите на социјалните мрежи?“ праша Озиер, по професија адвокатка, која живее во Кале со сопругот и двете деца.

Да потсетиме дека патиштата на Емануел и Брижит Макрон за прв пат се вкрстиле во средно училиште во северна Франција кога тој имал само 15 години. Во Lycee La Providence во Амиен запознал професорка која била 24 години постара од него. Професорката и нејзиниот ученик неколку месеци соработувале на претставата Уметноста на комедијата, на италијанскиот писател Едуардо Де Филипо, секој петок навечер.

Во тоа време, 39-годишната Брижит била во брак со банкарот Андре-Луј Озиер, со кого има три деца. Таа и Емануел ќе работеле на сценариото до доцна во ноќта, а дури кога претставата конечно била поставена пред нивните горди родители и семејството, се навестило дека ова е почеток на љубовна врска.

"Секој петок одев да разработувам драма со неа по неколку часа. Разговаравме за сѐ. Имав чувство дека отсекогаш се познаваме", открил подоцна францускиот претседател. Брижит, исто така, била шармирана од неговата „извонредна интелигенција“ и чувствувала дека е толку надарен што било како „да работи со Моцарт“, признала таа еднаш.

Првиот знак дека се случува повеќе отколку само да се прикаже претстава, го забележале другите ученици кога биле забележани во локалниот ресторан како го споделуваат она што го опишале како „нежен момент“. Наскоро нивната романса процвета и предизвика скандал. Родителите на Макрон потоа го испратиле во друго училиште во Париз, но неговата желба да биде со својата учителка никогаш не престанала.

Во интервју за списанието Paris Match, Брижит рече дека постојано си кажувала дека Макрон „ќе се заљуби во некој на негова возраст кога ќе биде во Париз“, но тоа на крајот не се случило. Таа додаде дека 10 години одложувала да се омажи за нејзиниот сегашен сопруг поради нејзините три деца, кои се приближно на иста возраст со нејзиниот помлад партнер.

Но, љубовта победила на крајот и Брижит конечно се омажи за Макрон во Ле Туке на 20 октомври 2007 година, една година по нејзиниот развод од Андре-Луј Озиер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.