Ќе се враќа забраната за пушење и на затворените тераси – МЗ најавува законски измени - Канал 5

Македонија

Ќе се враќа забраната за пушење и на затворените тераси – МЗ најавува законски измени

Повторно ќе се враќаат забраните за пушење цигари и во затворените тераси на угостителските објекти, најавуваат од Министерството за здравство. 

Ќе се враќа забраната за пушење и на затворените тераси – МЗ најавува законски измени

Нема толку инспектори колку што има пушачи на цигари во Македонија, ама ќе се вратат старите забрани и закони од пред 15 години и ќе има строги казни. За ова да се случи или ќе го смениме постоечкиот или ќе предложиме целосно нов закон против пушење, кажа заменик Министерот за здравство Јовица Андовски на одбележувањето на Светскиот ден без тутун.

Додека од здравство велат дека совети ќе бараат и од Франција каде сега, на отворено, на пример околу парковите, или секаде во близина на деца, е забрането да се пуши, и лекарите алармираат дека акцент треба да се стави токму на тинејџерите, бидејќи адолесцентите во просек на 13 години почнуваат да пушат цигари.

Во меѓувреме од Светската здравствена организација и УНИЦЕФ порачуваат да не се губи време и да се работи на подигнување на свеста од опасностите на пушењето цигари уште во училишната возраст.

„Младите луѓе секојдневно се соочуваат со кампањи кои ги тераат да веруваат дека производите од тутун се безбедни. Тоа е тренд, безбедно е, преку употреба на вкусови како манго, јагода за да ги направат слатки и примамливи.“

„Седум од 10 пушачи во Македонија почнале да пушат пред да наполнат 21 година. Тоа значи дека нашите деца се пушачи сега, но и пушачи во иднина. Не сметам дека ова треба да биде прифатливо.“

„Има нови закони кои забрануваат пушење на јавно место и на отворено, каде што децата го минуваат своето слободно време. Тоа вклучува плажи, автобуски станици, спортски терени“

Слободата да се пуши завршува каде што почнува правото да децата да дишат.

Инаку, според последните статистички податоци, половина нација се пушачи на цигари, додека, истражувањата од последниве неколку години, меѓу кои на Институтот за јавно здравје покажуваат дека пушењето е на врвот меѓу најчестите причини за смрт од кардиоваскуларни заболувања, заедно со крвниот притисок.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од 26 август почнува пријавувањето за субвенциониран студентски оброк

Министерството за образование и наука информира дека од 26 до 31 август трае рокот за аплицирањето за остварување на правото на субвенциониран студентски оброк за академската 2026/2027 година.

Од 26 август почнува пријавувањето за субвенциониран студентски оброк

На повикот треба да се пријават сите студенти - како бруцоши, така и студенти од повисоките години, за да го остварат правото на субвенциониран студентски оброк од 1 октомври годинава.

Аплицирањето се спроведува електронски преку порталот e-uslugi.mon.gov.mk, а на повикот можат да се пријават сите редовни студенти запишани на прв циклус, односно втор циклус на студии, како и на интегрирани студии на јавните и приватните универзитети во државата.. Апликантите треба да се државјани на македонија и да немаат месечен приход по кој било основ поголем од минималната нето-плата во тековната година.

Финансиската поддршка во износ од 140 денари е наменета за купување храна, а студентот може да ја користи од понеделник до сабота, кај правни лица кои произведуваат, подготвуваат или продаваат храна. Паричниот надомест не е предвидено да се исплаќа во периодот на летниот распуст од 1 јули до 1 октомври., посочуваат од мон..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

Министерот Клековски ги посети Клиниката за инфективни болести и Институтот за јавно здравје

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот. 

Видео: Бебе истрча на терен и прекина натпревар во американската МЛС

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер