Ќе се рефлектираат ли резултатите од вториот круг во Тетово и врз централната власт? - Канал 5

Македонија

Ќе се рефлектираат ли резултатите од вториот круг во Тетово и врз централната власт?

Станува ли изборната битка во Тетово клучен тест за стабилноста на владејачката коалиција? 

Ќе се рефлектираат ли резултатите од вториот круг во Тетово и врз централната власт?

Во оваа општина, која се смета за клучна во албанскиот блок, битката во вториот круг ќе ја водат Теута Арифи од ДУИ и лидерот на БЕСА, Билал Касами, а и двете партии со оглед дека се владини коалициони партнери на СДСМ ја очекуваат поддршката од Заев.

Според аналитичарите, СДСМ е меѓу два огна – со поддршка на Арифи би ризикувал да го разгори незадоволството на Беса кое може да резултира и со излегување од Владата. Во вториот случај доколку го поддржи Касами би можел да се збогува со поддршката од „интегративците “ во битката за Град Скопје.

Очекувањата се Заев или да го амортизира притисокот со неутрална порака до гласачите, самите да одлучат за кого да го дадат својот глас или трите опции да седнат и да изнајдат компромисно решение, вели аналитичарот Алберт Муслиу.

Од БЕСА не кријат дека очекуваат СДСМ да им даде поддршка на Касами, а велат мотив плус за СДСМ е што доколку тој стане градоначник, партијата на Заев ќе има уште еден пратеник повеќе во Собранието..

-Вториот круг во Тетово не е веќе партиски пазар. Јасно е дека 2/3 од граѓаните се против актуелното раководство. Затоа спремни сме со сите тие што сакаат промени во Тетово да разговараме. Убедени сме дека гласовите се на граѓаните и тие ќе одлучат, а според пораката од првиот круг веќе е јасно дека Теута Арифи нема поддршка во Тетово, изјавија генералниот секретар на БЕСА; Аријанит Хоџа за Канал 5.

Засега, од СДСМ нема назнаки во кој правец би била нивната одлука. Од партијата упатуваат на ставот на лидерто Заев соопштен на денеот на изборите дека граѓаните сами треба да одлучат за кого ќе гласаат ако нема договор меѓу владините партнери.

Во првиот круг Арифи победи со нешто повеќе од 600 гласови, што ветува битка до последниот гласа во Тетово. СДСМ освои нешто над 2.300 гласа, ДПА над 3.800, а најмногу меѓу тие што отпаднаа имаше кандидатот на Алијанса и Алтернатива, 6.165.

Прогрозите се дека Тачи ќе ја поддржи ДУИ, па клучна останува одлуката на Села и Гаши. Но, засега нивните партии немаат единствен став.Од една страна од Алијансата најавуваат дека е можно да го поддржат Касами, но од Алтернатива се повоздржани.

Од ДУИ пак велат дека во Арифи имаат добар кандидат и очекуваат победа без ничија помош. Ќе остават граѓаните сами да одлучат.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хамас ги претстави условите под кои би се разоружале

Имплементацијата на мировниот договор во Појасот Газа, објавен од американскиот претседател Доналд Трамп, ќе зависи од тоа дали Израел ќе ги почитува своите обврски.

Хамас ги претстави условите под кои би се разоружале

Имплементацијата на мировниот договор во Појасот Газа, објавен од американскиот претседател Доналд Трамп, ќе зависи од тоа дали Израел ќе ги почитува своите обврски според договорот постигнат минатата година, изјави денеска за Ројтерс висок функционер на палестинската милитантна група Хамас.

Во објава на неговата платформа за социјални медиуми Truth Social, Трамп објави „голема пресвртница“ кон завршувањето на војната во Газа, тврдејќи дека неговиот „Комитет за мир“ постигнал договор за целосно разоружување на Хамас и другите вооружени групи.

„Инсистиравме кај медијаторите дека Израел мора да се придржува до договорот“.

Гази Хамад, функционер на Хамас вклучен во преговорите, рече дека договорот е „сеопфатна рамка“ која, покрај разоружувањето, се осврнува и на други прашања и ќе зависи од спроведувањето од страна на Израел на првата фаза од договорот постигнат минатата година во Шарм ел Шеик, Египет.

Тој додаде дека според договорот, Израел се обврзал да ги прекине нападите во Газа и да ги повлече своите сили на позициите што ги држеше во октомври, како и да го зголеми количеството хуманитарна помош и стока што влегува во енклавата.

Само тогаш Хамас ќе се согласи да го предаде своето оружје на новиот Национален комитет за администрација на Газа (NCAG), технократско тело формирано за управување со енклавата. „Инсистиравме кај медијаторите дека Израел мора да се придржува до договорот“, рече тој.

Исламски џихад: Документот во оптек е само нацрт

Неименуван израелски функционер изјави дека Израел нема да се согласи да се повлече зад таканаречената Жолта линија сè додека Хамас не се разоружа и Појасот Газа не се демилитаризира.

Палестинскиот исламски џихад, милитантна група сојузничка со Хамас, ги отфрли извештаите за договор поддржан од САД, кој би вклучувал разоружување и на Хамас и на Исламски џихад во Појасот Газа. Групата изјави дека тврдењата за договор се лажни.

Член на политичката канцеларија на Исламски џихад изјави дека „документот што циркулира во јавноста“ е само нацрт за кој организацијата дала коментари.

Тагови: Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА драстично го менува изгледот на следното Светско прванство?

ФИФА започна забрзана постапка за можно проширување на Светското првенство на дури 64 национални репрезентации уште во 2030 година, пишува Гардијан. 

ФИФА драстично го менува изгледот на следното Светско прванство?

Светската фудбалска организација веќе објави тендер за независна анализа на економските импликации, а на избраната агенција ѝ беше даден исклучително краток рок за подготовка на студијата, што укажува на големата брзина на раководството на чадорскиот фудбалски клуб.

Овој потег доаѓа во исклучително чувствителен момент за претседателот на ФИФА, Џани Инфантино, кој веќе се соочува со жесток отпор поради плановите за формирање ново комерцијално тело, „ФИФА Форвард Ентерпрајз“ (ФФЕ). Предлогот за продажба на малцински удел во комерцијалните права на приватни инвеститори е силно спротивставен од УЕФА, КОНКАКАФ и Азиската фудбалска конфедерација (АФЦ), а високиот советник Карлос Кордеиро поднесе оставка поради тоа.

Брзи консултации и кратки рокови

И покрај внатрешните превирања, ФИФА очигледно продолжува со уште една радикална реформа на своето премиерно натпреварување. Според интерен документ, првпат објавен од Мартин Циглер од „Тајмс“, во четврток ФИФА ги покани независните агенции да ги проценат импликациите од проширувањето на турнирот од 48 на 64 репрезентации.

Агенциите мора да ги достават своите понуди до 7 август, победникот на натпреварот ќе биде избран на 14 август, а конечните резултати од анализата мора да бидат доставени до 11 септември. Таквиот распоред сугерира дека одлуката за проширување може да се донесе уште оваа година.

Интересно е што ФИФА бара од агенцијата да го процени влијанието врз приходите и да ги анализира промените од перспектива на фудбалскиот екосистем, кој вклучува радиодифузери, спонзори, федерации, лиги и клубови. Истражувањето меѓу навивачите, се вели во документот, е ставено на второ место пред деловната проценка на долгорочната одржливост, комерцијалните можности и ризикот од заситеност на пазарот. Исто така, се бара анализа за тоа кој би можел да го поддржи или да се спротивстави на проширувањето, заедно со заклучоците за благосостојбата на играчите, квалитетот на фудбалот и меѓународниот календар.

Одлука среде контроверзии

Невообичаено тесниот распоред за студијата покренува дополнителни сомнежи. Рокот на 11 септември за завршување на анализата паѓа само осум дена пред 211-те членови на ФИФА да гласаат за создавањето на контроверзниот „ФИФА Форвер Ентерпрајз“.

Многумина веруваат дека ова не е случајност. Дополнително сомневање се зголемува од информацијата дека националните асоцијации не биле информирани за тендерот пред да биде објавен, што отвора нови прашања за транспарентноста на управувањето во рамките на ФИФА.

И самиот Инфантино претходно во јули изјави дека проширувањето е прашање кое ќе го дискутираат надлежните комитети по ова Светско првенство. Долго време се шпекулира во фудбалските кругови дека тој ќе го поддржи потегот, за кој силно се залага јужноамериканската конфедерација КОНМЕБОЛ.

Притисок врз домаќините во 2030 година.

Доколку ФИФА го потврди преминот на 64 екипи, форматот од 48 екипи, кој дебитираше ова лето, би имал исклучително краток век. Да ве потсетиме дека од 1998 до 2022 година, на првенствата учествувале 32 национални екипи. Ваквата брза промена на форматот драстично би го намалила бројот на земји кои се способни дури и да бидат домаќини на толку гломазен турнир.

Тоа става огромен притисок врз домаќините во 2030 година - Мароко, Португалија и Шпанија - со три натпревари во Аргентина, Парагвај и Уругвај за да се одбележи стогодишнината од натпреварувањето. Проширувањето веројатно би значело дека секоја од јужноамериканските земји ќе мора да биде домаќин на барем една цела група, што покренува нови прашања за логистиката и изводливоста на веќе организациски многу бараниот турнир.

УЕФА и КОНКАКАФ се гласно против понатамошното проширување. Претседателот на АФК, шеикот Салман бин Ибрахим Ал Калифа, предупреди дека тоа би можело да создаде „хаос“, додека претседателот на КОНКАКАФ, Виктор Монтаљани, се запраша дали тоа е во најдобар интерес на фудбалот. УЕФА дури се закани дека ќе ги бојкотира идните натпреварувања доколку ФИФА не се откаже од овие планови.

Тагови: Светско првенство ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

14- годишник е уапсен во Австрија- подготвувал терористички напад, што сакал да го пренесеува во живо

Австриските безбедносни служби уапсија 14-годишен ученик од Тирол под сомнение за подготовка на терористички напад. 

14- годишник е уапсен во Австрија- подготвувал терористички напад, што сакал да го пренесеува во живо

Тинејџерот имал намера да го емитува нападот во живо на интернет. Апсењето следело по дојава од странска партнерска служба, како дел од меѓународната соработка со Австриската дирекција за државна безбедност и разузнавање (DSN), објавува Kronen Zeitung.

Откриени планови во онлајн комуникации

Истрагата покажа дека младиот човек од Тирол разменувал пораки со истомисленик од Шведска преку шифрираната апликација Telegram. Тие заедно планирале напади, а еврејските и муслиманските институции биле споменати како можни цели.

Државното обвинителство во Инсбрук побарало итна акција бидејќи плановите биле оценети како конкретни и во напредна фаза. Налогот за апсење бил издаден и покрај тоа што осомничениот бил малолетник, само четири дена пред нападот со автомобил врз учесниците на парадата на Денот на улицата Кристофер во Берлин.

Пронајдени се нож, маска и GoPro камера

Претресот на станот и апсењето биле извршени од специјалната полициска единица Кобра. Во собата на 14-годишникот, истражителите од Државната канцеларија за заштита на уставниот поредок и борбата против тероризмот на Австрија(LSE) пронајдоа неколку предмети што укажуваат на сериозноста на неговите намери.

Запленети се борбен нож со десничарски слогани и заштитен елек со шведски ознаки. Исто така, пронајдена е црна маска FFP2 со мотив на череп и симболи на Третиот рајх, како и два тактички шлемови. На еден од шлемовите била прикачена GoPro камера, подготвена да го емитува нападот во живо.

Неговиот модел бил масовбиот убиец од Нов Зеланд

Според истрагата, ученикот го видел Брентон Тарант, десничарскиот терорист кој уби 51 лице во терористички напад врз две џамии во Нов Зеланд во 2019 година, како модел. Тарант, исто така, го емитувал својот напад во живо, а на неговото оружје имало напишани неонацистички пораки, како што е „Виена 1683“, референца на втората опсада на Виена.

Уапсениот 14-годишник е во притворот во Инсбрук и засега го користи своето право на молчење.

Тагови: австрија терористички напади

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер