Ќе се проверуваат сите компании кои се занимаваат со производство на канабис - Канал 5

Македонија

Ќе се проверуваат сите компании кои се занимаваат со производство на канабис

Ќе се „чешлаат“ сите компании што се занимаваат со производство на канабис, најави премиерот Христијан Мицкоски. Вакво задолжение ќе биде уште денеска донесено на владина седница.

Ќе се проверуваат сите компании кои се занимаваат со производство на канабис

Според него проблемот е во правилникот со кој како што рече, било овозможено да се произведува цвет од канабис кој не ги задоволувал GMP нормите и со тоа маслото не може да се лиценцира и да се најде во продажба. Проверките на компаниите рече ќе следат во наредните денови и не би се изненадил како што кажа ако запленетата марихуана достигне и до 100 тони.

-Прашањето е кој бил мотивот да се донесе таков правилник кога знаете дека не можете да го постигнете квалитетот за да се произведе масло кое ќе се продава на пазарот и ќе ги исполнува нормите. Но ова е само почеток. Од она што го имаме како индиции и она што МВР го врши во истрагата, одредени телефони, одредени разговори, друг тип на докази, работата ќе биде многу многу поголема. /Неколку десетици тони, не би се изненадил ако дојдеме и до 100 тони на запленет цвет од канабис,- изјави – Христијан Мицкоски – Претседател на Влада.

Заплената на 40 тони марихуана и откриените пет тони марихуана во Србија ги заостри прозивките меѓу власта и опозицијата. Претседателот на СДСМ Венко Филипче иако ја поздрави акцијата во земјава но според него целта на власта е дефокусирање на јавноста.

-Нема одговор како таа дрога ја поминала границата покрај сите гранични служби, царина, полиција, кој бил таму надлежен, ги гледале ли пратките, бараат ли документи. Тоа се три камиони, шлепери, четири, пет, колку се тие за да поминат. Ако, нека се испита ова, нека се види што е. Ако има криминал секој еден да одговара. Ама сето тоа се прави за дефокус, никој од власта не одговара на главното прашање како пет тона дрога завршиле во Србија. Тоа е главното прашање, со чиј амин, кој затворил очи на царина и во полиција? - изјави – Венко Филипче – Претседател на СДСМ.

Српските власти минатата недела по запеланата на петте тони марихуана во близина на Крушевац тврдеа дека таа потекнува од Македонија но досега не обелоденија доказ околу транспортот. Премиерот Мицкоски пак на новинарско прашање дали се точни информациите дека дрогата била пломбирана а во документите зведена како друг производ и така ја поминала границата, Мицкоски не можеше да потврди.

-Не, немам такви информации,- изјави – Христијан Мицкоски – Претседател на Влада.

Во меѓувреме истрагата во земјава по запленетата марихуана во Скопје и Струмица продолжува. Обвинителството за гонење на организиран криминал и корупција вчера соопшти дека се прибираат и докази и се сослушуваат сведоци но немаше информации за евентуално приведени или осомничени лица.

Тагови: Венко Филипче Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк.

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк, а потоа бил врзан за седиштето со селотејп и врвки за чевли, ја изгубил работата по инцидентот.

Тоа е Артур Л. (67), кој, според KVOA, бил потпретседател на компанијата „Лонг риелти“ во Тусон, една од најголемите компании за недвижности во американската држава Аризона.

Се наведува дека бил отпуштен по инцидентот, додека неговиот профил на LinkedIn оттогаш исчезнал.

Инцидентот се случил во четврток вечерта на летот 618 на „Американ ерлајнс“, кој летал од Далас до Њуарк.

Според полициските и патничките изјави, Артур Л. почнал да вика и да ги навредува патниците околу него за време на летот. Се чинело дека е под дејство на алкохол, а кога стјуардесата се обидела да го смири, наводно почнал да упатува расистички и хомофобични навреди.

Полицаец во авионот изјавил за „Њујорк пост“ дека Артур дал навредливи коментари за вработените во „Американ ерлајнс“ и другите патници, како и вулгарни навреди кои биле особено навредливи за жените што седеле зад него.

Ситуацијата брзо ескалираше

Артур Л. наводно го удрил сопатникот, а кога една жена се обидела да интервенира, тој и неа ја турнал. Тогаш тројца патници решиле да го совладаат.

Фотографиите што се појавија на социјалните мрежи го покажуваат мажот врзан за своето седиште. Рацете му биле врзани, додека главата и горниот дел од телото му биле залепени со селотејп за да се спречи повторно да нападне некого.

Инцидентот го принудил авионот да пренасочи насока и да направи итно слетување во Балтимор.

Артур бил уапсен таму, по што летот продолжил кон Њуарк.

Американ ерлајнс потврди дека авионот бил пренасочен поради „патник што не го вознемирувал летот“.

„Безбедноста на нашите клиенти и вработени е наш врвен приоритет и ние не толерираме насилство“, соопшти компанијата.

Тагови: авион патници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Португалците излегоа на протести и блокади, откако цената на горивата достигна рекордно ниво

Новиот бран на поскапување на горивата во Португалија ја крена цената на дизелот на рекордно високо ниво, предизвикувајќи протести низ целата земја. 

Португалците излегоа на протести и блокади, откако цената на горивата достигна рекордно ниво

Зголемувањето на цените трае цела година, а денешното зголемување на цените предизвика блокади и протестни акции, пишува Euronews.

Утрово, возачите масовно протестираа со свирење на сирените на мостот „25 април“, клучен сообраќај што ги поврзува Лисабон и Алмада. Во исто време, на југот од земјата беше организирана протестна колона, која полека се движеше кон рафинеријата на Галп во Синес.

Протестот беше организиран преку социјалните мрежи и апликацијата WhatsApp, а продолжи и попладне без најавен крај. Агенцијата Lusa известува дека демонстрантите носеле транспаренти со пораките „Доста со зголемувањето на цените на горивата“ и „Семејствата не можат повеќе да издржат“.

Цените достигнаа нови рекорди

Португалскиот автомобилски клуб (ACP) проценува дека цената на дизелот се зголемила за 15 центи во понеделник, па затоа неговата цена сега е 2.169 евра за литар. Цената на бензинот се зголеми за 12 центи, на 2,142 евра за литар. Овие бројки не го вклучуваат намалувањето на акцизата за нафтени производи (ISP) воведено од владата како итна мерка. Без ова олеснување, зголемувањето на цената ќе беше уште поголемо, имено дополнителни 12 центи за дизелот и 9 центи за бензинот.

Според пресметките на порталот Dinheiro Vivo, ова е највисоката цена на дизелот некогаш забележана во Португалија. Цената на бензинот е на највисоко ниво од енергетската криза во 2022 година, предизвикана од руската инвазија на Украина. Цените на горивата растат низ цела Европа. Германскиот весник Frankfurter Allgemeine објавува дека цените во Германија исто така достигнале историски рекорди, при што бензинот го надминал нивото од март 2022 година од 2,203 евра за литар.

И покрај ова, Португалија се издвојува како една од најскапите земји. Податоците од порталот за цени на гориво, кој ги следи цените во 21 европска земја, покажуваат дека Португалија во понеделник била на 19-то место по цените на бензинот. Само Франција и Данска се поскапи. Ситуацијата е малку поповолна за дизелот, каде што Португалија е на 17-то место, пред Обединетото Кралство, Италија, Франција и Данска.

Тагови: горивата цената

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ирина Шајк предизвика воздишки во секси фустан на црвениот тепих во Венеција (ВИДЕО)

Манекенката Ирина Шајк се појави на црвениот тепих на 83-то издание на Венецискиот филмски фестивал. 

Ирина Шајк предизвика воздишки во секси фустан на црвениот тепих во Венеција (ВИДЕО)

Откако беше видена во текот на денот во хотелот Екселсиор на венецијанското Лидо, за вечерното појавување таа избра впечатлив црн фустан од модната куќа Долче и Габана кој ја нагласуваше нејзината фигура.

Шајк на тој начин им се придружи на бројните познати имиња кои пристигнаа во Венеција овие денови, каде што заедно со филмските премиери, традиционално се посветува големо внимание на модните изданија на црвениот тепих. Црниот фустан беше во согласност со препознатливата естетика на Долче и Габана, модна куќа со која Шајк претходно соработуваше.

Таа избра креација на Долче и Габана

За оваа пригода, таа избра креација инспирирана од препознатливата естетика на италијанската модна куќа, во која кроевите со корсет и моделите што ја нагласуваат силуетата имаат важно место со децении. Фустанот со крој со корсет има длабоко деколте и тесна силуета што ја следи фигурата.

Се издвојуваат деталите од црна кожа и врвките што се протегаат по страните на фустанот. Токму овие детали откриваат делови од кожата и дополнително ја нагласуваат фигурата, додека целосно црната комбинација му дава на целото издание драматичен изглед.

Шејк го искомбинираше фустанот со црни чевли со зашилен врв и многу висока потпетица. За накит, таа избра впечатлива светкава огрлица што беше во контраст со целосно црната комбинација.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер