Пресудите на Судот за човекови права, кои пред 10 дена се преточија во необрвзувачка резолуција на Европскиот Парламент и со која се бара Софија да ги заврши обврските, според претседателот на ОМО Илинден Пирин, Стојко Стојков, е јасен сигнал дека прашањето за македонското малцинство во Бугарија станува се повидлив проблем, кој Софија не може уште долго да го игнорира.
Според поранешната судијка во Стразбур, Маргарита Цаца Николовска, за разлика на резолуцијата во Европскиот Парламент, пресудите од Судот за човекови права се обрзувачки, но дека сега клучниот збор го има Комитетот на министри на Советот на Европа, кој треба да најде механизам како да ја принуди земјата – членка да ги заврши обрските. Овој Комитет, повикувајќи се на пресудите, неодамна ја повика Бугарија да го почитува Судот и да дозволи регистрација на како што се вели, ОМО Илинден и на другите слични здруженија во земјата.
Неодамнешната резолуција на Европскиот Парламент го вклучи алармот во Софија, што резултираше бугарскиот премиер Борисов јавно да изјави дека е растревожен од вметнувањето на македонството малцинство и на ОМО Илинден во документот. Во контроверзниот бугарски меморандум, испратен во Брисел, покрај јазикот и нацијата, Софија го проблематизира и постоењето на македонското малцинство.