Македонија

Ќе има ли одложувања на системот за влез и излез на ЕУ за летната сезона?

Во втората половина на месец мај Туристичко угостителската комора при Сојузот на стопански комори на Македонија, очекува официјален одговор од грчките власти по упатеното барање за привремено одложување на новиот систем за влез и излез.

Во втората половина на месец мај Туристичко угостителската комора при Сојузот на стопански комори на Македонија, очекува официјален одговор од грчките власти по упатеното барање за привремено одложување на новиот систем за влез и излез на граничните премини за македонските граѓани, велат од комората за Канал 5.

Во нивното барање испратено на адреса на грчкото министерство за турзам се бара олеснување во периодот од 1 јуни до 1 септември, а од комората денеска посочија оти се надеваат на позитивини вести. Иницијативата доаѓа по укажување од туристичкиот сектор во земјава. Дел од труистичките агенции со кој стапивме во контакт велат доколку ништо не се промени, евентуалната примена на системот во шпицот на летната сезона може да предизвика значителни застои на граничните премини, велат Грција останува број еден туристичка дестинација за македонските граѓани и доколку ништо не се промени можни се проблеми со аранжамните.

„ Генерално мислам дека Грција оваа година ќе се посетува масовно од целиот свет, а овој систем кој во моментов е воведен прв пат видовме каков е за велигденските празници бидејќи баш тогаш стапи на сила и на самите гранични премини на Евозни беше сликата страшна со часови се чекаше да се влезе, а за 1 мај грците видоа што се случуваше и ја пуштија грнаицата. Што ќе се случи никој не знае ние мислиме дека ќе се реши тоа бидејќи не им оди во прилог тоа еве веќе ги осленија условите за Британцијте и Србите, и мислам дека и за нас ќе има решение, а доколку не се реши тогаш да дефинитивно ќе има поголеми задржувања и чекања кои ќе предизивкаат допонителни проблеми во нашиот сектор. “- Силвана Јовановска – Туристичка агенција.

Во меѓувреме додека македонсктие граѓани чекаат официјална информација, според најавите на конзулот на Србија во Солун, српските туристи летово, иако нема официјална одлука за целосно суспендирање на системот, очекуваат да добијат олеснување во процесот на поминување на граничните премини.

Канал 5 побара одговор од грчките власти дали се можни евенутални отспаптки за државјани на трети земји кои не се дел од Шенген зоната, но без прецизен одговор оттаму само кусо посочија дека:

-Грција успешно го започна целосното функционирање на Системот за влез и излез, со регистрација на државјани од трети земји. Грција ги презема сите потребни мерки за управување со зголемениот патнички сообраќај на граничните премини, во рамките на Регулативата на ЕУ,- - Грчка полиција.

Системот за влез и излез во Унијата стапи на сила на 10 април, а иако од Европската Комисија уверуваа дека регистрирањето не одзема многу време, сепак тоа предизвика големи чекања на дел од граничните премини на земјите од шенген зоната.

Покрај системот за влез и излез, на есен стапува на сила и ЕТИАС, односно он-лајн апликацијата која чини 20 евра и важи 3 години. Двата система се комплементарни и како што посочија од Унијата, се дел од поширокиот пакет за дигитализација и зајакнување на контролите на надворешните граници на Унијата, а со кои печатите во пасошите треба да заминат во историјата.

Тагови: ЕЕС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ: Запленети и уништени се 1000 килограми пилешки желудник

Инспекциските служби на Агенцијата за храна и ветеринарство (АХВ) спроведоа вонредни инспекциски контроли во месарници во Струга и Охрид, при што запленети и уништени се 1000 килограми пилешки желудник кој е забранет за увоз и користење.

Дополнително, запленети и уништени се и 55 килограми подготовки од месо каде бил употребен пилешки желудник. Против две месарници кои не го почитувале донесеното Решение за забрана за увоз и употреба на пилешки желудник наменети за човечка исхрана, во производство на подготовки и производи поднесени се соодветни прекршочни санкции.

Спроведените контроли на Агенцијата во месарниците во Охрид и Струга се дел од засилените контроли кои се спроведуваат во насока на спречување на нелегалните активности во прометот со овој вид храна, сузбивање на овој вид криминал и заштита на здравјето на потрошувачите.

Со цел обезбедување на висок степен на заштита на јавното здравје и интересите на потрошувачите, Агенцијата во јули 2024 година донесе решение за забрана за увоз и употреба на пилешки желудник наменети за човечка исхрана, во производство на подготовки и производи од поради утврдени потенцијали ризици од употребата на мускулниот дел од желудникот на живината по здравјето на луѓето - можна контаминација со патогени- бактерии и вируси, присуство на токсини и сл. Решението за забрана АХВ ја донесе врз основа на резултатите од спроведената анализа на ризик од можни опасности по здравјето на граѓаните од консумација на овој тип внатрешни органи од живина по здравјето на граѓаните и од резултатите од спроведените инспекциски контроли со кои тогаш беше утврдена злоупотреба и измама на потрошувачите од страна на неколку месни индустрии.

Тагови: АХВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Канал 5 дознава: Голема полициска акција на МВР, најдено дрога оружје, претреси на 40 локации

Како што дознава Канал 5 крим полиција е повторно на терен.

Неофицијално, дознаваме дека Одделот за криминалистичка полиција при МВР координирано со сите Сектори за внатрешни работи и организациска единица за службени кучиња, продолжуваат со воспоставениот континуитет на работа и вршат претреси на над 40тина локации веќе два дена.

Според информацииите, пронајдени се дрога, оружје, пари, мачети и други предмети кои потекнуваат од кривични дела.

Акцијата е продолжение и резултат на координираното постапување на сите организициски единици на МВР и уште еднаш ја отсликува силната волја и заложба на Министерството за внатрешни работи за бескомпромисна борба во сузбивање на криминалот.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со партнерска соработка до побрза енергетска обнова на јавните објекти

Енергетската обнова на јавните објекти е инвестиција во пониски трошоци, помала потрошувачка на енергија и поодржлива јавна инфраструктура.

Министерството за енергетика, рударство и минерални суровини ја унапредува координацијата со меѓународните партнери за забрзување на енергетската обнова на јавните објекти, намалување на потрошувачката на енергија и поефикасно користење на јавните ресурси.

Во рамки на подготовката на проектот PIONEER-MK, со поддршка на програмата PEEB Cool, во Министерството се реализираше мисија на Француската агенција за развој (AFD), во чии рамки се одржа партнерски состанок со претставници на AFD, Светската банка, Германското друштво за меѓународна соработка (GIZ) и Канцеларијата на Претседателот на Владата.

На состанокот се разгледаа можностите за подобра координација на активностите и унапредување на соработката за спроведување на Планот за реконструкција на зградите што ги користат институциите од јавниот сектор на државно ниво, за периодот од ноември 2025 до ноември 2028 година.

Енергетската обнова на јавните објекти е инвестиција во пониски трошоци, помала потрошувачка на енергија и поодржлива јавна инфраструктура. Преку усогласено дејствување на домашните институции и меѓународните партнери се создаваат услови за поефикасно спроведување на мерките за енергетска ефикасност и намалување на емисиите на стакленички гасови.

Министерството продолжува да ја зајакнува соработката со националните и меѓународните институции, со цел спроведување на реформските приоритети и исполнување на националните и европските цели за енергетска ефикасност и зелена транзиција.

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.