Антикорупциска ќе отвора нови предмети за вработувања на роднини на актуелни пратеници, дознава Канал 5 од свои извори. Информацијата засега не ја потврдуваат од Комисијата која последната седница ја одржа пред два дена и поведе неколку прекршочни постапки. По оставката на пратеникот Павле Богоевски по скандалот со нелегална набавка на наркотици, се поставува прашањето дали и други пратеници од редовите на владејачката коалиција за кои антикорупциска утврди непотизам ќе го следат неговиот пример. Од СДСМ велат, дел од роднините на пратениците се повлекоа а дали ќе има нови оставки им оставаат сами да одлучат.
Откако први на „удар“ на метлата ма партискиот лидер и премиер Зоран Заев се најдоа претседателите на општинските организации на партијата, заменик претседателката на сдсм Радмила Шеќеринска во интервју за еден од порталите, вели дека оваа чистка нема да биде доволна.
Лидерот на ВМРО ДПМНЕ Христијан Мицкоски оставката на Богоевски ја коментираше како обид да избегне кривична одговорност.
И додека во јавноста се шпекулира со имињата на функионери кои би можеле да бидат „изметени“, се уште нема разрешувањеза директорот на затворот во Шутка, Ѓоко Котевски, кој поднесе оставка уште пред изборите, поради инцидентот во кој беа нападнати екс-министрите Ристовски и Јанакиевски. Таканаречената „метла“ Заев ја најави пред околу еден месец, веднаш по првиот круг од претседателските избори.