Ќе биде многу лошо за иднината на НАТО ако не ни помогне околу Ормускиот проток, рече Трамп - Канал 5

Свет

Ќе биде многу лошо за иднината на НАТО ако не ни помогне околу Ормускиот проток, рече Трамп

НАТО ќе се соочи со многу лоша иднина доколку не застане зад Соединетите Држави во конфликтот со Иран – порача американскиот претседател Трамп испраќајќи јасна порака до сојузниците по блокадата на Ормускиот теснец. 

Ќе биде многу лошо за иднината на НАТО ако не ни помогне околу Ормускиот проток, рече Трамп

Трамп предупреди дека Вашингтон нема да заборави која земја одбила да помогне, потенцирајќи дека од сојузниците очекува минимален придонес во одржување на безбедноста и непреченото движење низ клучниот поморски коридор. Нагласи дека поддршката од европските сојузици ја очекува пред се, бидејќи САД своевремено помогнале за војната во Украина.

-Ние сме секогаш тука за НАТО. Ние им помагаме со Украина иако има океан меѓу нас. Тоа не нè засега нас, но им помагаме на нив. Би било интересно да се види која земја не би ни помогнала со многу мал потфат, а тоа е само да се одржи теснецот отворен. / Без разлика дали ќе добиеме поддршка или не, можам да го кажам ова, а им го кажав и на нив: Ние ќе запамтиме,- - Доналд Трамп – Претседател на САД.

Пораките на Трамп за НАТО добија експресен одговор од дел од земјите членки на Алијансата, кои порачаа дека не гледаат улога на сојузот во решавање на ситуацијата со Ормускиот теснец.

-Не гледам како НАТО би донел каква било одлука во таа насока, ниту дека би можел да преземе одговорност за Ормускиот теснец. / Сакаме најпрво од Израел и САД да знаеме кога имаат намера да ги постигнат нивните воени цели во Иран,- - Јохан Вадефул – Министер за надворешни работи на Германија.

НАТО е вообичаено тука кога некоја од членките е нападната. Сакам да ги потсетам сите дека никој од нас не е директно нападнат. Уцена не е нешто што го посакувам,- - Гзавие Бетел – Министер за надворешни работи на Луксембург.

Блокадата е главна тема на Советот за надворешни работи на ЕУ денеска во Брисел, а шефицата на европската дипломатија Калас откри дека разговарала и со генералниот секретар на ООН Гутереш во обид да се изнајде некакво решение по примерот со Украина.

-Имав разговори со (Генералниот секеретар на ООН) Антонио Гутереш за тоа дали е возможно да се има истата и иницијатива како таа за Црното море за пренос на житото од Украина бидејќи затворањето на Ормускиот теснец многу опасно за снабдувањето со нафта и енергија,- - Каја Калас – Висока претставничка на ЕУ за надворешна и безбедносна политика.

Повик за деескалација упати и британскиот премиер Стармер. Сепак, тој одби конкретно да одговори дали неговата земја би се одѕвала на повиците на Трамп за воено учество на блискиот исток.

-Потребно е да продолжиме да работиме за деескалација. На крајот како и да е заврши (војната) ќе мора да има некаков вид на договорено решение,- - Кир Стармер – Премиер на Британија.

Трамп претходно ја повика Кина да помогне во отворање на теснецот, но и покрај заканите дека ќе ја откаже офијалната посета на земјата, властите во Пекинг повикаа само на смирување на тензиите. До сега, Франција и Јапонија ги одбија неговите повици, а Јужна Кореја се уште нема донесено одлука. Во меѓувреме, војната која навлезе во третата недела повторно ги крена цените на нафтата на светските берзи.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер