Живот

Китови орки убиваат големи бели ајкули и им ги јадат дробовите (ВИДЕО)

Научниците во Мексико снимиле неверојатни снимки од група орки кои ловат млади големи бели ајкули за да се хранат со нивните хранливи црни дробови.

Иако ова однесување веќе е забележано во Јужна Африка, Австралија и Калифорнија, ова е прв пат ваков лов да биде документиран во Мексико, според студија објавена вчера во списанието Frontiers in Marine Science, пишува CNN.

Во еден снимен инцидент од август 2020 година, снимен со користење на разни камери и дрон, пет женски орки соработувале за да нападнат млада голема бела ајкула. Откако успешно го отстраниле и поделиле црниот дроб еден на друг, само неколку минути подоцна тие нападнале друга млада ајкула и ја повториле истата постапка.

Сличен настан е забележан во август 2022 година, кога мешана група орки на истата локација нападнале и го изеле црниот дроб на друга бела ајкула.

View this post on Instagram

A post shared by ORCAS MEXICO (@orcasmexico)

Тактика на „тонична неподвижност“

Студијата истакнува дека во два од трите снимени напади, орките ја имобилизирале ајкулата со вртење на грб, вешто избегнувајќи каснувања. Со вртење на ајкулата, тие предизвикуваат состојба позната како „тонична неподвижност“, што го прави животното неподвижно и полесно за манипулирање.

„Ракувањето со плен и предизвикувањето тонична неподвижност може да се постигне полесно кај помалите бели ајкули во споредба со поголемите единки, со што се намалува и ризикот од каснување“, се наведува во студијата.

„Нашите докази недвосмислено покажуваат конзистентност во повторените напади и удари, што укажува на ефикасна маневрирачка способност на орките во обид да ја свртат ајкулата наопаку, веројатно за да предизвикаат тонична неподвижност и да овозможат непречен пристап до органите за консумирање“, се додава во трудот.

Закана за популациите на ајкули

Авторот на студијата Ерик Игера, фотограф за диви животни и морски биолог од непрофитната организација „Конексионес Терамар“, за Си-Ен-Ен изјави дека е изненаден што орките ловат големи бели ајкули во истата област во различни години. Ова може да значи дека младите големи бели ајкули стануваат редовна сезонска цел за орките, што може да „стави значителен дополнителен притисок“ врз нивната популација.

„Ова дава повеќе информации за екологијата на орките во Калифорнискиот Залив, што може да се искористи за зачувување и на големите бели ајкули и на орките“, рече Игера.

Тагови: ајкули орки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.